مٹیاری: ملاح اور چوہان برادری کے درمیان تنازع،فائرنگ سے نوجوان زخمی
اشاعت کی تاریخ: 11th, June 2025 GMT
data-id="863a0a8" data-element_type="widget" data-widget_type="theme-post-content.default">
مٹیاری (نمائندہ جسارت)مٹیاری کے قریب خیبرانی تھانے کی حدود میں ملاح اور چوھان برادری کے درمیان معمولی تنازعہ پر جھگڑا۔ فائرنگ کے نتیجے میں چوھان برادری کا نوجوان جمن ولد مولا بخش زخمی ہو گیا۔ ورثا نے علاج کروانے سے انکار کرتے ہوئے زخمی نوجوان کو قومی شاہراہ پر رکھ کر دھرنا دے دیا جس سے ٹریفک معطل ہوگئی۔ قومی شاہراہ کی دونوں اطراف گاڑیوں کی طویل قطاریں لگ گئیں۔مظاہرین کا کہنا ہے کہ گزشتہ چار روز سے تنازعہ جاری ہے لیکن پولیس تعاون نہیں کر رہی۔ انہوں نے مطالبہ کیا ہے کہ جب تک ملاح برادری کے افراد پر مقدمہ درج کر کے گرفتاری عمل میں نہیں لائی جائے گی، قومی شاہراہ بند رہے گی۔ بعد ازاں ڈی۔ایس۔پی جاوید ٹالپر کی یقین دہانی پر مظاہرین نے دہرنا ختم کردیا ۔
.ذریعہ: Jasarat News
پڑھیں:
وادی تیراہ میں احتجاجی شہریوں پر فائرنگ، 3 افراد شہید 9 زخمی
پشاور ( اُردو پوائنٹ اخبارتازہ ترین۔ 27 جولائی 2025ء ) صوبہ خیبرپختونخواہ کے علاقہ وادی تیراہ باغ میدان میں احتجاجی شہریوں پر فائرنگ کے نتیجے میں 3 افراد شہید اور 9 زخمی ہوگئے۔ اطلاعات کے مطابق کل وادی تیراہ کے باغ بازار میں مارٹر شیلنگ کے نتیجے میں ایک معصوم بچی شہید ہوئی، اس واقعہ کے بعد آج اہل علاقہ احتجاج کے لیے سکیورٹی فورسز کے ہیڈکوارٹر کے سامنے جمع ہوئے تو اُن پر براہِ راست فائرنگ کی گئی، اس فائرنگ کے نتیجے میں 3 افراد شہید ہوئے اور 9 شہریوں کے زخمی ہونے کی اطلاع ملی ہے، وادی تیراہ میں پرامن احتجاج پر فائرنگ کے نتیجے میں شہید ہونے والے نوجوانوں کی میتیں ان کے آبائی علاقوں میں بھیج دی گئیں۔ اس حوالے سے سیکیورٹی ذرائع کا کہنا ہے کہ وادی تیرہ باغ میدان میں خوارج نے ایک اور بزدلانہ کارروائی کرتے ہوئے احتجاجی شہریوں پر پہاڑوں سے فائرنگ کی، یہ واقعہ اس وقت ہوا جب باغ میدان میں مقامی شہری اپنے جائز مطالبات کے حق میں بریگیڈ ہیڈ کوارٹرز کے سامنے پرامن احتجاج کر رہے تھے کہ خوارج نے موقعے کا فائدہ اٹھاتے ہوئے اپنی روایتی بزدلی، مکاری اور فتنہ پروری کا مظاہرہ کیا اور قریبی پہاڑوں میں چھپ کر خوارج نے احتجاجی عوام پر اندھا دھند فائرنگ کردی جس کے نتیجے میں 3 بے گناہ شہری شہید اور 9 شدید زخمی ہو گئے، یہ حملہ دراصل ایک گہری سازش کا حصہ ہے جس کا مقصد عوام اور سکیورٹی فورسز کے درمیان بداعتمادی پیدا کرنا، ریاست کی رٹ کو چیلنج کرنا اور امن و امان کو سبوتاژ کرنا تھا۔(جاری ہے)
بتایا گیا ہے کہ وادی تیراہ میں فائرنگ سے زخمی افراد کی عیادت کے لیے رکن قومی اسمبلی اقبال آفریدی حیات آباد میڈیکل کمپلیکس پہنچ گئے جب کہ ایم پی اے عبدالغنی آفریدی نے ایم ایس اورگزئی ہسپتال سے ٹیلیفونک رابطہ کیا، ایم ایس نے بتایا کہ اوگرزئی ہسپتال میں 8 زخمیوں کو لایا گیا جن میں سے 7 زخمیوں کو طبی امداد فراہم کی گئی وہ خطرے سے باہر ہیں تاہم ایک زخمی کی حالت تشویشناک ہے‘، جس پر ایم پی اے عبدالغنی آفریدی نے ان سے تمام زخمیوں کا ڈیٹا فراہم کرنے کا کہا تاکہ وزیر اعلیٰ خیبرپختونخواہ علی امین گنڈہ پور کو ارسال کی جا سکے کیوں کہ وزیر اعلیٰ نے بھی اس واقعے کا نوٹس لیا ہے۔
باجوڑ میں اے این پی رہنما مولانا خان زیب کے قتل کا مقدمہ درج کر لیا گیا