سندھ حکومت نے کراچی کو سونے کی چڑیا سمجھ رکھا ہے‘ وسائل تو لیتی ہے مسائل حل نہیں کرتی‘منعم ظفر
اشاعت کی تاریخ: 30th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) امیر جماعت اسلامی کراچی منعم ظفر خان نے کہا ہے کہ پیپلز پارٹی کی صوبائی حکومت نے کراچی کو سونے کی چڑیا سمجھ رکھا ہے ، کراچی سے وسائل تو لیتی ہے اہل کراچی کے مسائل حل نہیں کرتی ، بلدیاتی اداروں کے اختیارات و وسائل نچلی سطح پر منتقل کرنے کو تیار نہیں ، ملک میں سب سے زیادہ ٹیکس دینے اور سندھ کے بجٹ کا 95فیصد حصہ فراہم کرنے والے شہر کے عوام 18،18 گھنٹے لوڈشیڈنگ کا شکار اور آدھا شہر پینے کے پانی سے محروم ہے ، ٹینکر مافیا کا راج ہے ، ٹرانسپورٹ میسر نہیں ، سڑکیں ٹوٹی پھوٹی ہوئی ہیں ، انفرا اسٹرکچر تباہ حال اور سندھ حکومت بھاری ای چالان کرنے میں لگی ہوئی ہے ، پنجاب میں جو چالان 200 روپے کا ہے سندھ حکومت نے کراچی میں 5000روپے کا کر دیا ہے ، اجتماعی جدو جہد کے ذریعے ہی مسائل حل ہو سکتے ہیں ۔ جماعت اسلامی اہل کراچی کے حقوق کے حصول اور مسائل کے حل کی جدو جہد جاری رکھے گی ۔21تا 23نومبر مینار پاکستان لاہور میں ’’بدل دو نظام ‘‘ کے عنوان سے منعقد ہونے والا عظیم الشان اور تاریخی ’’اجتماع عام ‘‘ ملک میں ظلم اور استحصال کے نظام کے خلاف اور عدل و انصاف کے قیام کی جدو جہد میں ایک اہم سنگ میل ثابت ہو گا ،اہل کراچی اپنے اہل خانہ کے ہمراہ ’’اجتماع عام ‘‘ میں شرکت کریں۔ ان خیالات کاا ظہار انہوں نے ملیر کالا بورڈ پر ممبرز کنونشن سے خطاب کرتے ہوئے کیا ۔ کنونشن سے امیر ضلع ائر پورٹ محمد اشرف اور دیگر نے بھی خطاب کیا ۔ منعم ظفر خان نے مزید کہا کہ جماعت اسلامی کل بھی اس شہر کے لوگوں کی توانا آواز تھی آج بھی اہل کراچی کے حقوق کے لیے جدوجہد کررہی ہے ، ہم نے شہر کی بہتری کے لیے مختلف عوامی کمیٹیاں تشکیل دے دی ہیں ، جو عوام کی خدمت کے ساتھ دین کی دعوت اور فہم بھی پہنچارہی ہیں، اجتماعی جدوجہد کے نتیجے میں ترقی کی درواز ے کھل جاتے ہیں اور لوگوں کے مسائل حل ہوتے ہیں، جماعت اسلامی نے 2سال کے عرصے میں اپنے 9ٹائونزمیں 171 پارکس بحال ، 42سرکاری اسکولوں کی تزئین وآرائش اور تعمیر نو کی ہے ، ایک لاکھ سے زاید اسٹریٹ لائٹس نصب کرکے انہیں روشن کیا ہے ، ماڈل محلے تیار کیے ہیں، ماڈل کالونی ٹائون میں بیسک ہیلتھ یونٹ کا 90فیصد کام ہوچکا ہے ، ہم اس شہر کے لوگوں کو صحت کی سہولیات بھی فراہم کررہے ہیں، جماعت اسلامی فائلیں پھینک کر جانے والی نہیں بلکہ خدمت کرنے والی جماعت ہے ، نعمت اللہ خان نے اس شہر کو کے تھری کا منصوبہ دیا ، آج 22سال ہوچکے لیکن کے فور منصوبہ بننے کا نام نہیں لے رہا ، 25ارب کا یہ منصوبہ آج 126ارب تک پہنچ گیا ہے ،شہر میں سیوریج کا نظام تباہ حال ہے ، جماعت اسلامی سیوریج کے مسائل حل کرنے کے لیے بھی کوشاں ہے۔
امیر جماعت اسلامی کراچی منعم ظفر خان ‘ امیر ضلع ائر پورٹ محمد اشرف و دیگر کالابورڈ میں ممبرز کنونشن سے خطاب کررہے ہیں
ذریعہ: Jasarat News
کلیدی لفظ: جماعت اسلامی اہل کراچی
پڑھیں:
’رانو‘ کو کراچی سے اسلام آباد کب اور کیسے منتقل کیا جائے گا؟
کراچی چڑیا گھر میں موجود مادہ ریچھ ’رانو‘ کو اسلام آباد منتقل کرنے لیے اہم فیصلے کر لیے گئے۔
چیف سیکریٹری سندھ نے حکام کو ہدایت کی کہ سندھ میں کسی بھی چڑیا گھر کے لیے غیر مقامی جانور نہ خریدا جائے۔ انہوں نے سیکریٹری جنگلی حیات سندھ کو ہدایت کی ہے کہ چڑیا گھر کے لیے ایسے جانوروں کی خریداری پر مکمل پابندی لگانے کے لیے صوبائی کابینہ کے لیے سمری تیار کی جائے۔
کراچی چڑیا گھر میں موجود مادہ ریچھ ’رانو‘ کی اسلام آباد منتقلی کے انتظامات کا جائزہ لینے کے لیے چیف سیکریٹری سندھ آصف حیدر شاہ کی زیر صدارت اجلاس ہوا۔
یہ بھی پڑھیے لاہور چڑیا گھر انتظامیہ نے ٹکٹوں کی قیمتوں میں نمایاں کمی کردی
اجلاس میں سیکریٹری جنگلات و جنگلی حیات، میونسپل کمشنر کے ایم سی، کنزرویٹر سندھ وائلڈ لائف ڈیپارٹمنٹ اور دیگر ماہرین نے شرکت کی۔
اجلاس میں چیف سیکریٹری سندھ کو منتقلی کے حوالے سے بریفنگ دی گئی۔ محکمہ جنگلی حیات سندھ نے ’رانو‘ ریچھ کو منتقل کرنے کے لیے مقررہ سائز کا آہنی پنجرہ تیار کر لیا ہے۔ رانو کی ٹریننگ کے لیے ڈاکٹر اور محکمہ جنگلی حیات مجوزہ تربیت میں مصروف ہیں۔
چیف سیکریٹری سندھ آصف حیدر شاہ کا کہنا تھا کہ رانو کو زور زبردستی پکڑ کر پنجرے میں منتقل نہ کیا جائے اور نہ ہی دوا استعمال کر کے بے ہوشی کی حالت میں منتقل کیا جائے۔ رانو کو بذریعہ تربیت منتقلی کے لیے تیار کردہ پنجرے میں اپنی مرضی سے آنا جانا سکھایا جائے۔
یہ بھی پڑھیے کراچی چڑیا گھر میں مادہ بنگال ٹائیگر کی ہلاکت کیسے ہوئی؟
اجلاس میں کہا گیا کہ رانو کی منتقلی کے عمل کی ویڈیو ریکارڈنگ بھی کی جا رہی ہے۔ رانو کے مثبت رویے کو دیکھتے ہوئے ماہرین توقع کر رہے ہیں کہ جلد ہی منتقلی مکمل ہو جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
رانو ریچھ کراچی چڑیا گھر
’پاکستان کو پولیو فری بنانا مشترکہ ذمہ داری ہے‘، ورلڈ پولیو ڈے پر خاتون اول کا پیغام