منعم ظفر کی سلیم کی اہلیہ ‘ عارف گھانچی کی والدہ کے انتقال پر تعزیت
اشاعت کی تاریخ: 11th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر)امیر جماعت اسلامی کراچی منعم ظفر خان نے جماعت اسلامی کے ضلع جنوبی کے کارکنان سلیم کی اہلیہ اور عارف گھانچی کی والدہ کے انتقال پر آگرہ تاج کالونی میں گھروں پرجاکر ملاقات کی اور مرحومین کے لیے دعائے مغفرت،لواحقین وپسماندگان کے لیے صبر جمیل کی دعا کی۔ علاویں ازیں گزشتہ دنوں بہارکالونی مسجد روڈ پر نامعلوم سمت سے آئی گولی سے جاں بحق ہونے والے بچے 5 سالہ محمد یحییٰ کے داداحاجی عبد السلام شیخ ودیگر اہل خانہ سے بھی ان کے گھر جاکر ملاقات کی اور اس حادثے پر گہرے دکھ اور افسوس کا اظہار کیا۔ملاقاتوں میں سابق ایم پی اے سید عبد الرشید، سیکرٹری ضلع جنوبی علی حسین،نائب امرا جواد شعیب، فتح محمد،سیکرٹری اطلاعات زاہد عسکری ودیگر بھی موجود تھے۔
.
ذریعہ: Jasarat News
پڑھیں:
منعم ظفر خان نے ٹائون چیئرمینوں کے ساتھ اسپرے مہم کا افتتاح کردیا،مہم شہر بھر میں چلائی جائیگی
data-id="863a0a8" data-element_type="widget" data-widget_type="theme-post-content.default">
250917-01-16
کراچی (اسٹاف رپورٹر)امیرجماعت اسلامی کراچی منعم ظفر خان نے جماعت اسلامی کے ٹاؤن چیئرمینوں کے ساتھ شہر بھر میں شروع کی جانے والی ’’جراثیم کُش اسپرے مہم‘‘ کا افتتاح کردیا ، ٹاؤن آفس ،ٹی ایم سی لیاقت آباد میں افتتاحی تقریب سے خطاب کرتے ہوئے منعم ظفر خان نے کہاکہ ’’جراثیم کش اسپرے مہم‘‘ کا مقصد کراچی کے شہریوں کو صحت مند اور محفوظ ماحول فراہم کرنا ہے۔ قابض میئر مرتضیٰ وہاب اگر عوامی خدمت اور مسائل حل نہیں کر سکتے تو کم از کم عوام پر ٹیکسوں اور اپنی نا اہلی کا بوجھ نہ ڈالیں ، ایک طرف قابض میئر میونسپل یوٹیلیٹی چارجزمیں ناجائز اضافہ کرتے ہیں، دوسری طرف بلند و بالا دعوے کرتے ہیں۔ اصل حقیقت یہ ہے کہ یہ عوام کو ریلیف دینے میں ناکام رہے ہیں۔لیکن جماعت اسلامی کراچی کے عوام کے ساتھ کھڑی ہے ، ہم خدمت کے میدان میں بھی آگے بڑھیں گے اور مزاحمت و جدوجہد کے ذریعے کراچی کے عوام کو ان کا حق دلا کر رہیں گے۔کراچی کے عوام کا حق ہے کہ انہیں صاف پانی، صاف ماحول، کھیل کے میدان اور صحت مند سہولیات میسر آئیں لیکن افسوس کہ آج بھی شہر کے پارک اور میدان کمرشل سرگرمیوں کی نذر کیے جا رہے ہیں۔ عدالت نے حال ہی میں پارکوں کے کمرشل استعمال کے خلاف تاریخی فیصلہ دیا ہے، جو کراچی کے عوام کی بہت بڑی کامیابی ہے۔ عوام کے پارک عوام کے لیے ہیں، یہ کسی کے کاروبار کا ذریعہ نہیں۔ اس فیصلے پر اگر کسی کو پریشانی ہے تو وہ ان افراد کو ہے جن کا کرپشن کا عمل متاثر ہوا ہے ۔منعم ظفر خان نے کہاکہ اسپرے مہم کسی ایک ٹاؤن، علاقے یا مخصوص بستی تک محدود نہیں، بلکہ کراچی کے ہر ٹاؤن و یوسی اور ہر علاقے تک پہنچے گی، شہر کا ہررہائشی ہمارا ہے،خواہ وہ اورنگی میں رہتا ہو یا کورنگی میں، لیاری میںہو یا لانڈھی ، نارتھ کراچی، ناظم آباد، گلشن اقبال ، گلستان جوہر ہو یا پی سی ایچ ایس،کوئی علاقہ اس مہم سے محروم نہیں رہے گا ۔اسپرے مہم خدمت کے سفر کی ایک اور کڑی ہے۔ ہم مہم کے ذریعے شہر بھر میں عوام کی صحت کے تحفظ کو یقینی بنائیں گے تاکہ کراچی کے لوگ جراثیم اور بیماریوں سے محفوظ رہ سکیں۔تقریب میں امرائے اضلاع ، سید وجیہ حسن ، کامران سراج ، چیئرمین لیاقت آباد ٹاؤن فرازحسیب، چیئرمین نیو کراچی ٹاؤن محمد یوسف، چیئرمین گلشن اقبال ٹاؤن ڈاکٹر فواد ، چیئرمین نارتھ ناظم آباد عاطف علی خان ، چیئرمین جناح ٹاؤن رضوان عبد السمیع، چیئرمین گلبرگ ٹاؤن نصرت اللہ ،وائس چیئر مین ناظم آباد نعمان صدیقی ،سیکرٹری اطلاعات زاہد عسکری ودیگر بھی موجود تھے۔ منعم ظفر خان نے مزید کہاکہ جماعت اسلامی نے ہمیشہ خدمت خلق کو دیانت اور امانت کے ساتھ انجام دیا ہے ۔ کورونا کی وبا کا مشکل وقت ہو، خیبر پختونخوا یا پنجاب میں آنے والے سیلاب اور زلزلے ہوں، یا کراچی میں بارشوں کے بعد پیدا ہونے والی صورتحال ، جماعت اسلامی کے کارکنان اور رضاکار سب نے عوام کو ریلیف دینے میں اپنا کردار ادا کیا۔ جب لوگ اپنے چہروں پر ماسک لگا کر گھروں میں محدود ہوگئے تھے، اس وقت ہمارے رضاکار گلی گلی، محلے محلے عوام کی خدمت کر رہے تھے۔ سیلابی صورتحا ل میں خیبر سے پنجاب تک جماعت اسلامی کے کارکنوں نے متاثرہ خاندانوں کا ہاتھ تھاما، خیمے لگائے، کھانے اور پانی کا انتظام کیا اور عوام کے دکھ درد میں شریک ہوئے۔آج کراچی میں بارشوں اور دیگر مسائل کے باوجود، ہمارے منتخب نمائندے، ٹاؤن چیئرمین اور کارکنان و ذمے داران عوام کے ساتھ کھڑے ہیں۔ متاثرہ بستیوں میں صاف پانی کی فراہمی، کھانے پینے اور بے گھر افراد کے لیے عارضی رہائش یعنی ٹینٹ کا انتظام بھی کیا جارہا ہے۔
امیر جماعت اسلامی کراچی منعم ظفر خان ٹائون چیئرمینوںکے ساتھشہر بھر میں شروع کی جانے والی’’ جراثیم کش اسپرے مہم ‘‘ کا افتتاح اور ٹائون آفس لیاقت آباد میں افتتاحی تقریب سے خطاب کررہے ہیں
بھارتی بورڈ کی دولت میں 5برس کے دوران کروڑوں روپے کا اضافہ