وفاقی حکومت نے آزاد کشمیر کے ترقیاتی منصوبوں کیلئے فنڈز جاری کردیے
اشاعت کی تاریخ: 11th, June 2025 GMT
سٹی 42 : وفاقی حکومت نے آزاد کشمیر کے ترقیاتی منصوبوں کے لیے اربوں روپے کے فنڈز جاری کردیے ۔
وفاقی حکومت کی جانب سے اس بار آزاد کشمیر کے ترقیاتی منصوبوں کے لیے 5 ارب 90 کروڑ روپے کے فنڈز جاری کرنے کا بڑا فیصلہ کیا گیا ہے۔ آزاد کشمیر میں 4 اہم منصوبوں کی منظوری دی گئی، جن کی تکمیل کے لیے وفاقی حکومت نے فنڈز جاری کر دیے۔
آزاد کشمیر کے 4 ترقیاتی منصوبوں کے لیے پانچ ارب 90 کروڑ روپے کی ادائیگی کی منظوری بھی دے دی گئی ۔
یو ای ٹی کے اے کلاس ملازمین اور اساتذہ کیلئے مالی امداد کی منظوری
آزاد کشمیر کے 4 ترقیاتی منصوبے
آزاد کشمیر قانون ساز اسمبلی کمپلیکس کی تعمیر کے لیے 1 ارب 47 کروڑ روپے مختص کیے گئے ۔
رٹھوعہ ہریام پل کی تعمیر کے لیے 3 ارب روپے کے فنڈز کی منظوری دی گئی ۔
میرپور ایم بی بی ایس میڈیکل کالج کے لیے 1 ارب روپے کی رقم مختص کی گئی ہے۔
میر واعظ محمد فاروق شہید میڈیکل کالج مظفرآباد کے لیے 42 کروڑ 75 لاکھ روپے جاری کرنے کی منظوری دی گئی ہے۔
محکمہ بلدیات نے480ارب کی ترقیاتی سکیموں کا بجٹ تیار کرلیا
وزارت خزانہ نے اسٹیٹ بینک کو آزاد کشمیر حکومت کے لیے فنڈز جاری کرنے کی ہدایت کر دی۔ فنڈز جاری کرنے کی باضابطہ منظوری فنانس ڈویژن کی 2 جون 2025 کی ہدایت کے تحت دی گئی۔
وزارت خزانہ کے جاری نوٹیفکیشن کے مطابق ترقیاتی فنڈز رواں مالی سال 2024-25 کے بجٹ کے تحت جاری کیے گئے۔ منظور شدہ فنڈز کا کیش ادائیگی سے تعلق نہیں، بجٹ میں ایڈجسٹمنٹ کے تحت منتقل کیے جائیں گے ۔
.
ذریعہ
ذریعہ: City 42
کلیدی لفظ: ترقیاتی منصوبوں آزاد کشمیر کے وفاقی حکومت کی منظوری کے لیے
پڑھیں:
استحکام پاکستان پارٹی آزاد کشمیر اور آل جموں و کشمیر مسلم کانفرنس کے درمیان انتخابی اتحاد طے
سٹی 42 : آزاد جموں و کشمیر کے عام انتخابات میں استحکام پاکستان پارٹی آزاد کشمیر اور آل جموں و کشمیر مسلم کانفرنس کے درمیان انتخابی اتحاد پر اتفاق ہو گیا۔
استحکام پاکستان پارٹی آزاد کشمیر کے صدر و سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان طویل ملاقات کے بعد مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی گئی۔ دونوں جماعتوں نے انتخابات کے بعد بھی باہمی سیاسی تعاون، مشاورت اور مشترکہ حکمت عملی کے تحت آگے بڑھنے پر اتفاق کیا ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
کن انتخابی حلقوں میں کس جماعت کے امیدوار کی حمایت کی جائے گی، اس کا حتمی فیصلہ دونوں جماعتوں کی مشترکہ رابطہ کمیٹی جلد اعلان کرے گی۔
دونوں قائدین نے مسلح افواج پاکستان اور قومی سلامتی کے اداروں کو ملک میں امن کے قیام، مسئلہ کشمیر اجاگر کرنے کیلئے کی جانے والی کوششوں کی تعریف کی، مسئلہ کشمیر سمیت اہم امور پر جاندار موقف دنیا کے سامنے ٹھوس طریقے سے سامنے لانے پر خراج تحسین پیش کیا.
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار