وزیراعظم اور وزیراعلیٰ پنجاب تنخواہ نہیں لیتیں، عظمیٰ بخاری
اشاعت کی تاریخ: 11th, June 2025 GMT
وزیر اطلاعات پنجاب عظمیٰ بخاری نے کہا ہے کہ میڈیا یہ کیوں نہیں بتاتا کہ وزیراعظم شہباز شریف اور وزیراعلیٰ پنجاب مریم نواز تنخواہ نہیں لیتیں۔
لاہور سے جاری بیان میں عظمیٰ بخاری نے کہا کہ پارلیمنٹرینز کی تنخواہیں بڑھنے پر تنقید کرنے والے پہلے یہ دیکھیں کہ تنخواہ میں اضافہ کتنے سال بعد ہوا ہے۔
انہوں نے کہا کہ میڈیا کی جانب سے منفی باتوں کو زیادہ اچھالا جاتا ہے، میڈیا یہ کیوں نہیں بتاتا کہ وزیراعظم اور وزیراعلیٰ پنجاب تنخواہ نہیں لیتیں۔
.ذریعہ: Jang News
پڑھیں:
سندھ میں کارکردگی صفر ہے، کراچی کا کوڑا تو اٹھائیں، عظمیٰ بخاری کا شرجیل میمن کو جواب
data-id="863a0a8" data-element_type="widget" data-widget_type="theme-post-content.default">
لاہور: پنجاب کی وزیر اطلاعات عظمیٰ بخاری کاکہنا ہے کہ اگر سندھ میں واقعی اچھا سسٹم لے آئے ہیں تو شاباش، اب کراچی کا کوڑا تو اٹھا لیں، متکبر وہ لوگ ہیں جو دو دو اور تین تین بار اقتدار انجوائے کر چکے ہیں مگر کارکردگی کا گراف مسلسل نیچے جا رہا ہے۔
سندھ کے صوبائی وزیر اطلاعات شرجیل میمن کے بیان پر سخت ردعمل دیتے ہوئے عظمیٰ بخاری نے کہا کہ وزیراعلیٰ پنجاب مریم نواز پاکستان کی تاریخ کی پہلی خاتون وزیراعلیٰ ہیں جنہوں نے عاجزی، انکساری اور خدمت کو اپنی حکومت کی بنیاد بنایا ہے، یہی ان کی مقبولیت کی اصل وجہ ہے۔
انہوں نے کہا کہ مریم نواز کی کارکردگی سے متاثر ہو کر سندھ کے عوام بھی ان کے طرز حکمرانی کے دیوانے ہو چکے ہیں اور یہی شرجیل میمن کا اصل مسئلہ ہے۔
وزیراطلاعات پنجاب نے مزید کہا کہ سندھ کے وزرا کو پنجاب کی فکر چھوڑ کر اپنے صوبے پر توجہ دینی چاہیے، جہاں بار بار اقتدار حاصل کرنے کے باوجود عوام بنیادی سہولیات سے محروم ہیں، پنجاب میں مضبوط بلدیاتی نظام مسلم لیگ (ن) نے پہلے بھی دیا اور آئندہ بھی دے گی، ہمیں کسی باہر بیٹھے مشیر یا تبصرہ نگار کی ضرورت نہیں۔
عظمیٰ بخاری نے طنزیہ انداز میں کہا کہ “اگر واقعی سندھ میں سب کچھ اچھا ہو رہا ہے تو کم از کم کراچی کی صفائی ہی کروا دیں۔”
واضح رہےکہ کراچی میں عید الاضحیٰ کے بعد صفائی کی صورت حال انتہائی تشویشناک بنی ہوئی ہے، شہر کے مختلف علاقوں میں جگہ جگہ کچرے کے ڈھیر اور قربانی کے جانوروں کی باقیات اب تک پڑی ہیں، جن سے تعفن اٹھ رہا ہے اور بیماریاں پھیلنے کا خدشہ بڑھ گیا ہے۔
شہریوں کا کہنا ہے کہ سندھ سالڈ ویسٹ مینجمنٹ بورڈ کے دعوے صرف کاغذی ثابت ہوئے، کئی علاقوں میں صفائی کی گاڑیاں اور عملہ نظر ہی نہیں آیا، عوام نے مطالبہ کیا ہے کہ سندھ حکومت کراچی کے شہریوں کے ساتھ سوتیلا سلوک بند کرے اور فوری طور پر صفائی کے انتظامات بہتر بنائے جائیں۔
ہندوتوا تنظیمیں آر ایس ایس اور بی جے پی کشمیریوں کے خلاف نفرت بھڑکا رہی ہیں، روح اللہ مہدی