ٹنڈو آدم ، جماعت اسلامی کے تحت عیدملن عشائیہ کا اہتمام
اشاعت کی تاریخ: 13th, June 2025 GMT
data-id="863a0a8" data-element_type="widget" data-widget_type="theme-post-content.default">
ٹنڈوآدم ( نمائندہ جسارت ) جماعت اسلامی ٹنڈوآدم کے تحت مرکز جماعت میں عید ملن عشائیہ کا اہتمام کیا گیا۔عید ملن عشائیہ سے امیر جماعت اسلامی ٹنڈوآدم سیدعریف اللہ سیفی ، نائب امرا مشتاق احمد عادل اور عبدالغفور انصاری نے خطاب کیا۔ مقررین نے خطاب کرتے ہوئے کہا کہ عید الاضحی زندگی کے تمام معاملات میں اللہ کے احکامات کو مقدم رکھنے کا نام ہے۔ اللہ کے احکامات کے مطابق انفرادی واجتماعی زندگی گزار نا اور نظام حکومت چلانا ہی عیدالاضحی کا اصل پیغام ہے۔ جماعت کے رہنماؤں نے کہاکہ جب تک ہم اپنے معاملات اور نظام حکومت کو اللہ کے احکامات کے تابع نہیں کریں گے ترقی اور خوشحالی حاصل نہیں کرسکتے۔ انہوں نے کہاکہ جماعت اسلامی نظام حکومت اللہ کے احکامات کے تابع کرنے کی جدوجہد کررہی ہے امیر جماعت اسلامی ٹنڈوآدم سید عریف اللہ سیفی اور دیگر رہنماؤں نے اس موقع پر غزہ کے مسلمانوں کو زبردست خراج تحسین پیش کرتے ہوئے کہا کہ غزہ کے مسلمان اپنا سب کچھ قربان کر کے صحیح معنوں میں حضرت ابرہیم علیہ السلام اور حضرت اسماعیل علیہ السلام کی سنت کو تازہ کررہے ہیں۔ جماعت کے رہنماؤں نے اپنے خطاب میں عید قرباں کے موقع پر اپنی عید کی خوشیاں قربان کرکے کھالیں جمع کرنے والے کارکنان جماعت کا شکر یہ ادا کیا اوران کی کاوشوں کی تحسین کی تقریب کے اختتام پر شرکا کے لیے عشائیہ کا اہتمام کیا گیا۔
.
ذریعہ
ذریعہ: Jasarat News
کلیدی لفظ: اللہ کے احکامات جماعت اسلامی ٹنڈوا دم
پڑھیں:
ٹرمپ کی خام خیالی تھی وہ ہمیں مذاکرات میں لگاکر حزب اللہ کیخلاف کارروائیاں کریں گے، ایرانی سفیر
ایرانی سفیر رضا امیری مقدم(فائل فوٹو)۔پاکستان میں متعین ایرانی سفیر رضا امیری مقدم نے کہا کہ ٹرمپ کی خام خیالی تھی کہ وہ ہمیں مذاکرات میں مشغول کرکے حزب اللہ کیخلاف کارروائیاں کریں گے۔
ایرانی سفیر نے کہا کہ میناب میں اسکول اور عام شہریوں کو نشانہ بنایا گیا، امریکا اور اسرائیل کو 40 روزہ جنگ کے بعد شکست کا سامنا کرنا پڑا۔
اسلام آباد میں تقریب سے خطاب کرتے ہوئے ایرانی سفیر رضا امیری مقدم نے مزید کہا کہ مذاکرات کے حوالے پاکستان ثالث کے طور پر ابھرا، ہم مذاکرات میں اس لیے آئے کہ ہماری نیت ہے، ٹرمپ کہتے ہیں کہ ہمارے پاس ایٹمی ہتھیار نہیں ہونے چاہئیں۔
ایرانی سفیر نے کہا ہمارے رہبر اعلیٰ نے فتویٰ دیا ہوا ہے کہ ہم ایٹمی ہتھیاروں کو حرام سمجھتے ہیں، مذاکرات کی میز پر امریکی کہتے ہیں آپ یورینیم بھی افزودہ نہیں کرسکتے۔
رضا امیری مقدم نے کہا کہ ایٹمی ہتھیاروں اور پرامن مقاصد کیلئے یورینیم افزودہ کرنا الگ ہے، امریکا اور مغرب کے سامنے ایران کبھی نہیں جھکے گا۔
ایرانی سفیر نے کہا کہ ٹرمپ صبح سے شام تک دیوانوں کی طرح باتیں کرتے رہتے ہیں، ان کی خام خیالی تھی کہ وہ ہمیں مذاکرات میں مشغول کرکے حزب اللہ کیخلاف کارروائیاں کریں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ