جماعت اسلامی ہند نے ایئر انڈیا طیارہ حادثے پر کیا اظہارِ افسوس، تحقیق کا مطالبہ
اشاعت کی تاریخ: 12th, June 2025 GMT
سید سعادت اللہ حسینی نے کہا کہ ہم ریسکیو کی کوششوں میں حصہ لینے والے رضاکاروں کی انتھک محنت کو سراہتے ہیں اور حکومت سے اس واقعے کی تحقیقات اور عوام کی حفاظت کو یقینی بنانے کی اپیل کرتے ہیں۔ اسلام ٹائمز۔ احمدآباد میں ہونے ہولناک طیارہ حادثے پر اظہارِ افسوس کرتے ہوئے جماعت اسلامی ہند کے صدر سید سعادت اللہ حسینی نے گہرے رنج و غم کا اظہار کیا ہے۔ سید سعادت اللہ حسینی نے اپنے بیان میں کہا کہ آج احمد آباد میں ایئر انڈیا کی فلائٹ کے المناک حادثے سے ہمیں گہرا صدمہ اور غم ہوا ہے۔ انہوں نے کہا کہ متعدد ممالک کے مسافروں اور ایک میڈیکل کالج، جہاں طیارہ گرا، کے متعدد طلباء اور عملے سمیت بہت ساری معصوم جانوں کا نقصان، ایک ناقابل تصور تباہی ہے۔ واضح رہے کہ حادثے میں اب تک دو سو سے زائد ہلاکتوں کی تصدیق کی جا چکی ہے اور اطلاعات کے مطابق جس میڈیکل کالج کے ہاسٹل پر طیارہ گرا تھا، وہاں موجود کچھ طلباء کی موت کا خدشہ بھی ظاہر کیا جا رہا ہے۔ حالاں کہ ابھی سرکاری طور پر اس کی تصدیق نہیں ہو سکی ہے، تاہم مانا جا رہا ہے کہ کم از کم پندرہ سے بیس میڈیکل کالج کے طلباء بھی اس حادثے میں ہلاک ہوئے ہیں۔
جماعت اسلامی ہند کے صدر نے مزید کہا کہ ہم اس وقت تمام سوگوار خاندانوں کے ساتھ دلی تعزیت کا اظہار کرتے ہیں اور بیرون ملک تمام سوگوار خاندانوں کے ساتھ ہمدردی کا اظہار اور ان کے لئے صبر کی دعا کرتے ہیں۔ انہوں نے کہا کہ حادثے کی جگہ سے سامنے آنے والے منظر انتہائی تکلیف دہ ہیں اور اپنے پیاروں کی شناخت اور خبروں کے منتظر خاندانوں کا درد الفاظ سے باہر ہے۔ حفاظتی اور بچاؤ کے کاموں میں لگاتار لگے ہوئے رضاکاروں کو سراہتے ہوئے انہوں نے حکومت سے اس حادثے کی تحقیق کا بھی مطالبہ کیا ہے۔ سید سعادت اللہ حسینی نے کہا کہ ہم ریسکیو اور ریکوری کی کوششوں میں حصہ لینے والے رضاکاروں کی انتھک محنت کو سراہتے ہیں اور حکومت سے اس واقعے کی تحقیقات اور عوام کی حفاظت کو یقینی بنانے کی اپیل کرتے ہیں۔ انہوں نے کہا کہ جماعت اسلامی ہند تمام متاثرہ خاندانوں کے ساتھ یکجہتی کے ساتھ کھڑی ہے۔
ذریعہ: Islam Times
کلیدی لفظ: سید سعادت اللہ حسینی نے جماعت اسلامی ہند نے کہا کہ کرتے ہیں انہوں نے ہیں اور کے ساتھ
پڑھیں:
بھارت نے مقبوضہ کشمیر کو لیکر اسلامی تعاون تنظیم کے ریمارکس کو مسترد کر دیا
او آئی سی نے ایک بیان میں جموں و کشمیر کے لوگوں کیساتھ اپنی "مکمل یکجہتی" کا اظہار کرتے ہوئے اسے "حق خودارادیت کیلئے انکی جائز جدوجہد" قرار دیا تھا۔ اسلام ٹائمز۔ بھارت نے مسلم ممالک کی متحدہ تنظیم "آرگنائزیشن آف اسلامک کوآپریشن" (او آئی سی) کے جموں و کشمیر کے بارے میں کچھ ریمارکس کو مسترد کر دیا۔ بھارت نے واضح الفاظ میں کہا کہ اسلامی تعاون تنظیم کے پاس ہندوستان کے داخلی معاملات پر بات کرنے کا اختیار نہیں ہے۔ او آئی سی نے پیر کو ایک بیان میں جموں و کشمیر کے لوگوں کے ساتھ اپنی "مکمل یکجہتی" کا اظہار کرتے ہوئے اسے "حق خودارادیت کے لئے ان کی جائز جدوجہد" قرار دیا تھا۔ بھارت نے آرگنائزیشن آف اسلامک کوآپریشن (او آئی سی) کے ریمارکس کو مسترد کر دیا۔ بھارتی وزارت خارجہ کے ترجمان رندھیر جیسوال نے اپنی ہفتہ وار میڈیا بریفنگ میں کہا کہ ہم ان بیانات کو مسترد کرتے ہیں۔ اس سے قبل اسلامی تعاون تنظیم کے جنرل سیکریٹریٹ نے سپریم کورٹ آف انڈیا کے دفعہ 370 کی منسوخی پر قانونی مہر ثبت کرنے کے فیصلے کو یکطرفہ قرار دیتے ہوئے اپنی سخت تشویش کا اظہار کیا تھا۔
اس ضمن میں او آئی سی کی جانب سے جاری بیان میں جموں و کشمیر کے مسئلے سے متعلق اسلامی سربراہی اجلاس اور او آئی سی وزرائے خارجہ کونسل کے فیصلوں اور قراردادوں کے حوالے سے حکومتِ ہند سے 5 اگست 2019ء کے بعد سے اٹھائے گئے تمام غیر قانونی اور یکطرفہ اقدامات کو واپس لینے کا مطالبہ کیا گیا تھا۔ اسلامک اسکالر ڈاکٹر ذاکر نائیک کے اگلے ماہ ڈھاکہ کے منصوبہ بند سفر کی خبروں پر ایک سوال کے جواب میں رندھیر جیسوال نے کہا کہ ہندوستان کو توقع ہے کہ وہ جہاں بھی جائیں ان کے خلاف کارروائی کی جائے۔ جیسوال نے کہا کہ وہ (ذاکر نائیک) ایک مفرور ہیں، وہ ہندوستان میں مطلوب ہیں، اس لئے ہم توقع کرتے ہیں کہ وہ جہاں بھی جائیں گے، وہ لوگ ان کے خلاف مناسب کارروائی کریں گے اور ہمارے سیکورٹی خدشات کو پورا کریں گے۔ ذاکر نائیک بھارتی حکام کو مبینہ طور پر منی لانڈرنگ اور نفرت انگیز تقاریر کے ذریعے انتہا پسندی کو ہوا دینے کے الزام میں مطلوب ہیں۔ انہوں نے 2016ء میں ہندوستان چھوڑ دیا تھا۔
صیہونی فوج نے جنین میں تین فلسطینیوں کو شہید کر دیا