پُرتشدد نہیں ہوں گے، پی ٹی آئی قیادت کا علی امین گنڈاپور سے اختلاف
اشاعت کی تاریخ: 13th, June 2025 GMT
پاکستان تحریک انصاف (پی ٹی آئی) نے بانی چیئرمین عمران خان کی رہائی کے لیے احتجاجی تحریک کا باقاعدہ آغاز پشاور سے کر دیا ہے۔ احتجاج کا آغاز رنگ روڈ سے ہوا، جہاں کارکنان، منتخب نمائندے اور پارٹی قائدین نے شرکت کی اور موٹروے تک ریلی نکالی۔
پشاور سے عمران خان کی رہائی کے لیے تحریک کا آغاز ایک ایسے وقت میں ہوا جب وزیر اعلیٰ علی امین گنڈاپور اسلام آباد کے گھیراؤ اور اسلحہ لے کر گولی کا جواب گولی سے دینے کا اعلان کر چکے ہیں۔
پارٹی قیادت کے مطابق عید کے بعد عمران خان کی رہائی کے لیے احتجاجی تحریک چلانے کا فیصلہ ہوا تھا۔ جو اب عملی طور پر شروع ہو گیا ہے۔ جسے اب مرحلہ وار خیبر پختونخوا کے مختلف اضلاع سے پورے ملک تک پھیلایا جائے گا۔ پارٹی قیادت کا کہنا ہے کہ تمام احتجاج عمران خان کی ہدایات کے مطابق پُرامن طریقے سے ہوں گے۔
یہ بھی پڑھیے علی امین گنڈاپور کو وزارت اعلیٰ سے ہٹانے کی خبریں، جنید اکبر کا بڑا دعویٰ سامنے آگیا
احتجاجی ریلی میں صوبائی صدر جنید اکبر خان، پشاور ایجن جنرل سیکریٹری شیر علی ارباب، ملاکنڈ ریجن صدر صبغت اللہ، کواڈنیٹر احمد خان نیازی، ایم این اے عامر ایوب، تیمور جھگڑا، خورشید خان اور دیگر رہنما شریک ہوئے۔
‘عمران خان کی ہدایت پر عمل کریں گے، گولی علی امین گنڈاپور خود چلائے’پاکستان تحریک انصاف کے زیادہ تر قائدین علی امین گنڈاپور کی جانب سے پرتشدد احتجاج کی مخالفت کرتے نظر آئے۔ وی نیوز سے بات کرتے ہوئے ایک سینئیر رہنما نے بتایا کہ علی امین گنڈاپور کی جانب سے جذباتی بیان شاید ان کا ذاتی ہے، پارٹی کی جانب سے ایسا کوئی فیصلہ نہیں ہوا ہے۔
انھوں نے نام نہ ظاہر کرکے بتایا کہ علی امین گنڈا پور اس وقت صوبائی صدر نہیں ہیں اور احتجاج کے حوالے سے فیصلہ پارٹی کے قائدین ہی کر سکتے ہیں۔ انہوں نے کہا کہ ان کی جماعت ابھی تک 9 مئی سے نہیں نکلی ہے، دوبارہ ایسے حالات کی طرف دھکیلنے سے پارٹی کا ہی نقصان ہو گا۔
‘نو مئی کیسز میں ورکرز ابھی تک جیلوں میں ہیں۔ کئی کو سزا ہوئی ہے۔ عدالتوں کا چکر لگا رہے ہیں۔ مزید ایسے حالات برداشت نہیں کر سکتے۔’
یہ بھی پڑھیے برطرف وزیر کے حق میں بیان کیوں دیا؟ علی امین گنڈاپور نے رکن قومی اسمبلی جنید اکبر کو اہم عہدے سے ہٹا دیا
انھوں نے بتایا کہ ورکرز اور قائدین علی امین گنڈا پور سے ناراض ہیں۔ وہ بتائیں کہ 9 مئی کیسز کو ختم کرنے کے لیے انھوں نے کیا کیا؟
انھوں نے کہا کہ مخالفین چاہتے ہیں کہ پی ٹی آئی احتجاج پر تشدد ہو اور پارٹی کی بدنامی ہو۔ تاہم وہ ریاست سے تصادم نہیں چاہتے بلکہ قانون کے دائرے میں رہ کر احتجاج کرنا چاہتے ہیں جو ان کا آئینی حق ہے۔
پارٹی رہنما نے بتایا کہ ورکرز پرجوش ہیں اور ایسے بیانات سے وہ مزید اشتعال میں آئیں گے۔ ایک اور سینئیر رہنما نے کہا پی ٹی آئی میں عمران خان کا حکم حتمی ہوتا ہے۔ اور احتجاجی تحریک کے حوالے سے بھی وہ عمران خان کی ہدایت پر ہی عمل کریں گے۔
پارٹی میں اختلافاتعمران خان کی رہائی کے احتجاجی تحریک کے حوالے سے پی ٹی آئی اندرونی اختلافات کا شکار ہے۔ پارٹی کے اندرونی ذرائع کے مطابق، علی امین گنڈا پور اور صوبائی صدر جنید اکبر کے درمیان اختلافات شدت اختیار کر چکے ہیں۔ علی امین نہ صرف جنید اکبر کی قیادت سے ناخوش ہیں بلکہ وہ خیبر پختونخوا کے اندر سخت احتجاج اور سپلائی بند کرنے کے بھی مخالف ہیں۔
دوسری جانب جنید اکبر چاہتے ہیں کہ خیبر پختونخوا سے سخت احتجاج شروع ہو، نیشنل گرڈ کو بجلی کی سپلائی بند کی جائے، ہائی ویز اور موٹرویز کو بند کیا جائے تاکہ وفاق پر دباؤ ڈالا جا سکے۔ ذرائع کے مطابق علی امین پارٹی معاملات میں جنید اکبر کے ساتھ تعاون نہیں کر رہے۔ ذرائع کا بتانا ہے کہ احتجاج کے معاملے پر پارٹی تقسیم ہے۔
کارکنان کا احتجاجی حکمت عملی پر عدم اعتمادپارٹی کارکنان کا قیادت پر اعتماد کا فقدان ہے۔ کارکنان کے مطابق وہ ہمیشہ عمران خان کی ہدایت پر ہی عمل کرتے ہیں اور ان کی ہدایت حتمی ہے۔ ان کے مطابق 9 مئی کے واقعات کے بعد پارٹی قیادت کی جانب سے کیے گئے وعدے پورے نہیں کیے گئے، جس سے کارکنان میں شدید مایوسی پیدا ہوئی ہے۔
اسلام آباد ڈی چوک مارچ کے دوران علی امین گنڈاپور کی غیر حاضری اور بشریٰ بی بی کے ہمراہ کارکنان کو چھوڑ کر چلے جانے پر بھی کارکنان میں ناراضی پائی جاتی ہے۔ ان کا کہنا ہے کہ قیادت کی عدم موجودگی اور غیر سنجیدگی سے کارکنوں کا مورال پست ہو گیا ہے۔
ملک گیر احتجاج کی حکمت عملیپی ٹی آئی رہنماؤں کے مطابق احتجاج کو خیبر پختونخوا تک محدود رکھنے کے بجائے تمام صوبوں تک پھیلایا جائے گا۔ ہر صوبے کے پارٹی قائدین کو خصوصی ہدایات جاری کی گئی ہیں کہ وہ پُرامن طور پر سڑکوں پر نکلیں اور مرکزی شاہراہوں اور موٹرویز کو بند کریں تاکہ حکومت پر دباؤ بڑھایا جا سکے۔
پارٹی قیادت کا کہنا ہے کہ فی الحال حتمی منصوبہ خفیہ رکھا گیا ہے اور کہا جا رہا ہے کہ اس کا اعلان عمران خان خود کریں گے۔ عمران خان کی رہائی کے مطالبے پر مبنی اس تحریک کی اگلی سمت کا تعین احتجاج کے دوران ہی ان کی ہدایات پر کیا جائے گا۔ قائدین کے مطابق اگر اس وقت عمران خان گولی چلانے اور پرتشدد ہونے کی ہدایت کرتے ہیں تو وہ اس پر عمل کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان تحریک انصاف جنید اکبر خیبرپختونخوا علی امین گنڈا پور عمران خان.ذریعہ: WE News
کلیدی لفظ: پاکستان تحریک انصاف جنید اکبر خیبرپختونخوا علی امین گنڈا پور عمران خان کی رہائی کے علی امین گنڈا پور علی امین گنڈاپور خیبر پختونخوا احتجاجی تحریک پارٹی قیادت ان کی ہدایت کی جانب سے جنید اکبر پی ٹی آئی انھوں نے کے مطابق بتایا کہ کریں گے کے لیے
پڑھیں:
عمران خان کی مشاورت اور منظوری کے بغیر بجٹ پاس نہیں کیا جائے گا، علی امین گنڈا پور
وزیراعلیٰ خیبرپختونخوا سردار علی امین گنڈاپور نے کہا ہے کہ عمران خان کی مشاورت اور منظوری کے بغیر بجٹ پاس نہیں کیا جائے گا۔
وزیراعلیٰ خیبرپختونخوا سردار علی امین گنڈاپور نے سماجی رابطے کے پلیٹ فارم ایکس پر اپنی ایک پوسٹ میں کہا ہے کہ خیبرپختونخوا میں ہمیں عمران خان کے نظریے کی وجہ سے مینڈیٹ ملا اور اسی پر خیبر پختونخوا حکومت بنی ہے۔
انہوں نے کہا کہ فارم 47 کی جعلی حکومت پچھلے ڈیڑھ سال سے میری عمران خان سے ملاقات میں مسلسل رخنے ڈالتی آئی ہے اور حساس ترین صوبے کا وزیراعلیٰ ہونے کے باوجود صرف چند بار ہی میں اپنے لیڈر سے مل سکا ہوں۔
خیبرپختونخوا میں ہمیں عمران خان کے نظریے کی وجہ سے مینڈیٹ ملا اور اسی پر خیبر پختونخوا حکومت بنی ہے۔
فارم 47 کی جعلی حکومت پچھلے ڈیڑھ سال سے مسلسل میری عمران خان صاحب سے ملاقات میں رخنے ڈالتی آئی ہے اور حساس ترین صوبے کا وزیراعلیٰ ہونے کے باوجود صرف چند بار ہی میں اپنے لیڈر سے…
— Ali Amin Khan Gandapur (@AliAminKhanPTI) June 12, 2025
’اب جبکہ ہم مالی سال 2025-26 کا بجٹ تیار کر رہے ہیں اور ہمیں اپنے لیڈر کی رہنمائی چاہیے، اس وقت بھی وفاقی اور پنجاب حکومتیں مجھے اپنی فنانس ٹیم کے ساتھ اپنے لیڈر سے نہیں ملنے دے رہیں۔‘
وزیراعلیٰ خیبرپختونخوا نے کہا کہ بجٹ کے حوالے سے عمران خان کی ہدایات واضح ہیں کہ ان کی مشاورت اور منظوری کے بغیر بجٹ پاس نہیں کیا جائے گا۔
’کل میں خیبر پختونخوا اسمبلی میں عمران خان صاحب سے ملاقات نہ کروائے جانے کے عمل کے خلاف اپنا لائحہ عمل پیش کروں گا۔‘
انہوں نے کہا کہ بجٹ عمران خان سے ملاقات اور ان کی ہدایات شامل کرنے کے بعد ہی پاس کیا جائے گا۔
سردار علی امین گنڈاپور نے کہا کہ کل صرف آئینی تقاضوں کو پورا کرنے کے لیے بجٹ پیش کر کے اسمبلی اراکین کی بحث شروع کروائی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بجٹ 26-2025 خیبرپختونخوا سردار علی امین گنڈاپور عمران خان
غزہ میں اسرائیلی فوج کے 5 اہلکار ہلاک اور 4 زخمی