اسلامی جمہوریہ ایران پر اسرائیلی حملے کی شدید مذمت کرتا ہوں، محمد حسین
اشاعت کی تاریخ: 13th, June 2025 GMT
سندھ کے سابق وزیر بلدیات نے کہا کہ اسرائیل کھلے عام اقوام متحدہ کے قوانین کی خلاف ورزی کر رہا ہے اور فلسطینیوں، لبنانیوں، عراقیوں اور شامی عوام پر مسلسل حملے جاری رکھے ہوئے ہے، مگر عالمی برادری خاموش تماشائی بنی ہوئی ہے۔ اسلام ٹائمز۔ سینئر سیاسی رہنما اور سابق وزیر بلدیات سندھ محمد حسین خان نے اسلامی جمہوریہ ایران پر اسرائیلی حملے کو شدید ترین الفاظ میں مذمت کرتے ہوئے اسے عالمی امن کے لیے خطرناک قدم قرار دیا ہے۔ ایک بیان میں انہوں نے کہا کہ اسرائیل دہائیوں سے مشرق وسطیٰ میں جارحیت کرتا چلا آ رہا ہے اور اب بلا اشتعال ایران پر حملہ کر کے اس نے پوری دنیا کے امن کو خطرے میں ڈال دیا ہے۔ محمد حسین خان نے مزید کہا کہ مشرق وسطیٰ کے ممالک شام، عراق، لبنان، اور فلسطین پہلے ہی اسرائیلی جارحیت کا نشانہ بن چکے ہیں، اسرائیل جب چاہتا ہے، ان ممالک پر حملے کر کے معصوم شہریوں کو شہید اور ان کی املاک تباہ کر دیتا ہے۔
ان کا کہنا تھا کہ اقوامِ متحدہ سمیت تمام عالمی ادارے اسرائیلی جارحیت کو روکنے میں ناکام نظر آ رہے ہیں، اسرائیل کھلے عام اقوام متحدہ کے قوانین کی خلاف ورزی کر رہا ہے اور فلسطینیوں، لبنانیوں، عراقیوں اور شامی عوام پر مسلسل حملے جاری رکھے ہوئے ہے، مگر عالمی برادری خاموش تماشائی بنی ہوئی ہے۔ سابق وزیر بلدیات نے عالمی اداروں سے مطالبہ کیا کہ اسرائیل نے ایران پر حملہ کر کے عالمی امن کو خطرے میں ڈال دیا ہے، لہٰذا اقوامِ متحدہ اور دیگر عالمی طاقتیں اسرائیل کی جارحیت کو روکنے کے لیے فوری اور مؤثر اقدامات کریں۔
ذریعہ: Islam Times
کلیدی لفظ: ایران پر
پڑھیں:
صدر آصف علی زرداری اور وزیراعظم محمد شہبازشریف کی ایران کے اسرائیل کے بلااشتعال کی شدید مذمت
اسلام آباد(اُردو پوائنٹ اخبارتازہ ترین - آن لائن۔ 13 جون2025ء)صدر آصف علی زرداری اور وزیراعظم محمد شہبازشریف نے ایران کے اسرائیل کے بلااشتعال کی شدید مذمت کی ہے ،صدر نے کہا کہ عالمی برادری اور اقوام متحدہ کو چاہیے کہ وہ جارح کا احتساب کرے، صورتحال کو مزید بگڑنے سے روکنے کے لیے فوری کارروائی کرے۔وزیراعظم شہبازشریف نے کہا کہ اسرائیل کے اس اقدام سے خطے عدم استحکام کا شکار ہوگا‘خطے اور عالمی سطح پرکشیدگی کو بڑھنے سے روکا جائے۔ایک بیان میں صدر مملکت آصف علی زرداری نے ایران کے خلاف اسرائیلی جارحیت کی شدید مذمت کرتے ہوئے کہا کہ اسرائیلی فوجی حملے ایران کی خودمختاری اور علاقائی سالمیت کی کھلی خلاف ورزی ہیں، حملے اقوام متحدہ کے چارٹر اور بین الاقوامی قانون کے بنیادی اصولوں کی بھی سراسر خلاف ورزی ہے۔(جاری ہے)
صدر مملکت نے کہا کہ میں حملے میں جانوں کے ضیاع پر ایران کے عوام کے ساتھ گہری ہمدردی کا اظہار کرتا ہوں، عالمی برادری اور اقوام متحدہ کو چاہیے کہ وہ جارح کا احتساب کرے، صورتحال کو مزید بگڑنے سے روکنے کے لیے فوری کارروائی کرے۔
اپنے بیان میں وزیراعظم شہبازشریف نے کہا کہ ایران پر اسرئیل کے بلااشتعال حملہ کی شدید مذمت کرتا ہوں، ایران کے عوام سیدلی ہمدردی کا اظہار کرتا ہوں، اسرائیل نے انتہائی غیر زمہ دارانہ قدم اٹھایا ہے، اسرائیل کے اس اقدام سے خطے عدم استحکام کا شکار ہوگا، وزریراعظم شہباز شریف نے اقوام متحدہ اور عالمی برادری سے فوری اقدامات کا مطالبہ کردیااور کہا کہ خطے اور عالمی سطح پرکشیدگی کو بڑھنے سے روکا جائے۔
ملک بھر میں عیدالاضحیٰ آج مذہبی عقیدت و احترام کے ساتھ منائی جا رہی ہے