ایران پر حملے کے بعد اسرائیلی وزیراعظم کے بیٹے کی شادی ملتوی
اشاعت کی تاریخ: 14th, June 2025 GMT
ایران پر اسرائیلی حملوں کے بعد پیدا ہونے والی کشیدہ صورتِ حال کے باعث اسرائیلی وزیراعظم نیتن یاہو نے اپنے بیٹے ایوینرن نیتن یاہو کی شادی کی تقریب ملتوی کردی۔
اسرائیلی میڈیا کے مطابق ایوینرن اور ان کی منگیتر امیت یار دینی کی شادی 16 جون کو تل ابیب کے معروف مقام رونیت فارم میں ہونا طے تھی، تاہم خطے میں بڑھتے تناؤ اور فوجی کارروائیوں کے باعث یہ تقریب تاخیر کا شکار ہو گئی ہے۔
میڈیا رپورٹس کے مطابق اسرائیلی حملے سے قبل وزیراعظم نیتن یاہو نے دیوارِ گریہ پر جا کر خصوصی دعا بھی کی تھی۔ بعد ازاں اسرائیلی فورسز نے تہران، تبریز، ہمدان، لورستان اور کرمان شاہ میں میزائل حملے کیے، جن میں60 سے زیادہ افراد شہید ہوئے، جن میں20 بچے بھی شامل تھے۔ تہران میں ایک 14 منزلہ رہائشی عمارت مکمل طور پر تباہ ہو گئی۔
ایرانی حکومت کے مطابق ان حملوں میں جوہری سائنسدانوں سمیت پاسدارانِ انقلاب کے اہلکار بھی شہید ہوئے ہیں۔
ایران نے ان کارروائیوں کے ردعمل میں ’آپریشن وعدہ صادق سوم‘ کے تحت200 سے زیادہ بیلسٹک میزائل داغ کر اسرائیل کو منہ توڑ جواب دیا ہے۔
عالمی ردعمل
دوسری جانب امریکی سینیٹر برنی سینڈرز نے اسرائیلی حملے کو غیر قانونی قرار دیتے ہوئے کہا کہ امریکا کو اسرائیل کی کسی نئی جنگ کا حصہ نہیں بننا چاہیے۔ نیتن یاہو نے امن مذاکرات سبوتاژ کر کے ہزاروں جانیں خطرے میں ڈال دی ہیں۔
برنی سینڈرز کے مطابق ایران کے جوہری پروگرام پر مذاکرات اتوار کے روز طے تھے، جنہیں اسرائیلی حملے نے ناکام بنا دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسرائیلی وزیراعظم ایران اسرائیل جنگ بیٹے کی شادی ملتوی نیتن یاہو وی نیوز.ذریعہ: WE News
کلیدی لفظ: اسرائیلی وزیراعظم ایران اسرائیل جنگ نیتن یاہو وی نیوز نیتن یاہو کے مطابق کی شادی
پڑھیں:
اسرائیلی وزیراعظم نیتن یاہو کی بنکر میں اہم میٹنگ
اسرائیلی وزیراعظم نیتن یاہو اور امریکا کے صدر ڈونلڈ ٹرمپ کا ٹیلی فونک رابطہ ہوا ہے جس کے بعد اسرائیلی وزیراعظم نیتن یاہو نے بنکر میں اہم میٹنگ کی ہے۔
وزیر دفاع اور ملٹری لیڈر شپ کے ساتھ صورتحال پر غور کیا گیا۔
اسرائیلی وزیراعظم کا کہنا ہے کہ ایرانی عوام کے پاس ایرانی حکومت کے خلاف اٹھ کھڑے ہونے کا یہ بہترین موقع ہے۔
اسرائیلی وزیر دفاع کا کہنا ہے کہ شہری علاقوں پر میزائل داغ کر ایران نے سرخ لکیر پامال کی، ایرانی حکومت کو خمیازہ بھگتنا ہوگا۔
Post Views: 5
کامران ٹیسوری کی سعودی ولی عہد سے ملاقات، شاہی ظہرانے میں شرکت