نواز شریف موجودہ حکومت کیلئے رہنمائی کا مینار ہیں: ملک نور اعوان
اشاعت کی تاریخ: 15th, June 2025 GMT
—جنگ فوٹو
مسلم لیگ (ن) جاپان کے صدر ملک نور اعوان نے کہا ہے کہ میاں محمد نواز شریف حکومتی عہدے سے دور ہونے کے باوجود آج بھی ناصرف پاکستانی قوم بلکہ موجودہ حکومت کے لیے بھی ایک رہنمائی کا مینار ہیں۔
اپنے بیان میں ملک نور اعوان نے کہا کہ میاں نواز شریف کی قومی خدمات آج بھی عوام اور اداروں کے لیے مشعلِ راہ ہیں۔
انہوں نے کہا کہ حال میں ان کی میاں نواز شریف سے ایک اہم ملاقات ہوئی جس میں اوور سیز پاکستانیوں کو درپیش مسائل تفصیل سے بیان کیے گئے۔
اس موقع پر ملک نور اعوان نے میاں نواز شریف کو جاپان کے دورے کی دعوت بھی دی تاکہ وہ یہاں مقیم پاکستانی کمیونٹی سے براہ راست رابطہ کر سکیں۔
ملک نور اعوان نے کہا کہ پاکستان کو ایک ایٹمی قوت بنانے کا کریڈٹ میاں نواز شریف کو جاتا ہے، جبکہ جے ایف تھنڈر جیسے جنگی جہازوں کے منصوبے بھی ان کے دورِ حکومت کے کارنامے ہیں، ان کی دفاعی پالیسیوں کے ثمرات آج پاکستان کی عسکری خودمختاری کی صورت میں نمایاں ہیں۔
انہوں نے مزید کہا کہ میاں نواز شریف حکومت سے باہر رہ کر بھی ریاستی معاملات پر گہری نظر رکھتے ہیں اور اوور سیز پاکستانیوں کے مسائل کو دل سے محسوس کرتے ہیں۔
ملک نور اعوان نے آپریشن بنیان المرصوص میں پاک فوج کی کامیابی پر بھی میاں نواز شریف کو مبارکباد پیش کی اور کہا کہ یہ کامیابیاں اُن فیصلوں کا نتیجہ ہیں جو نواز شریف کے وژن کا حصہ رہے ہیں۔
.ذریعہ: Jang News
کلیدی لفظ: ملک نور اعوان نے میاں نواز شریف کہا کہ نے کہا
پڑھیں:
شیخ وقاص اکرم نے سابق پی ٹی آئی رہنماؤں پر طنز کے تیر چلا دیے
شیخ وقاص اکرم—فائل فوٹوپاکستان تحریکِ انصاف (پی ٹی آئی) کے رہنما شیخ وقاص اکرم نے اپنی پارٹی کی موجودہ قیادت پر سابق پارٹی رہنماؤں کی جانب سے کی گئی تنقید پر طنز کے تیر چلا دیے۔
’جیو نیوز‘ سے گفتگو میں شیخ وقاص نے سابق پی ٹی آئی رہنماؤں کی تنقید کو پرانا چورن قرار دیا اور کہا کہ پچھلے ڈیڑھ سال میں ایسی کوششوں کو پزیرائی نہیں ملی ہے۔
انہوں نے کہا کہ شاہ محمود قریشی سے موجودہ قیادت کی ملاقات نہ کرنا غلط بیانی ہے، پارٹی چیئرمین بیرسٹر گوہر اور سلمان اکرم راجہ ان سے ملتے رہے ہیں۔
پی ٹی آئی رہنما نے یہ بھی کہا کہ پارٹی میں وہی ہو گا جو بانیٔ پی ٹی آئی کہیں گے، باقی سب لوگ غیر متعلقہ ہیں۔
ایلون مسک نے وکی پیڈیا کے مقابل متبادل پلیٹ فارم ’گروکی پیڈیا‘ متعارف کردیا