فلپائن کا جنوبی کوریا سے جدید لڑاکا طیاروں کا معاہدہ
اشاعت کی تاریخ: 16th, June 2025 GMT
data-id="863a0a8" data-element_type="widget" data-widget_type="theme-post-content.default">
منیلا(انٹرنیشنل ڈیسک) فلپائن کی وزارتِ دفاع نے فوج کے تجدیدی پروگرام کے تحت جنوبی کوریا سے 12 جدید ایف اے50 بلاک 70 لڑاکا طیاروں کے معاہدے کی تصدیق کر دی ۔ ڈی این ڈی نے بتایا کہ یہ معاہدہ جنوبی کوریا کی دفاعی کمپنی کوریا ائروا سپیس انڈسٹریز لمیٹڈکے ساتھ طے پایا ہے،جس کی مجموعی مالیت 70کروڑ ڈالر سے زائد ہے۔ رواں ماہ کے شروع میں اس معاہدے کو باضابطہ حیثیت دی گئی تھی۔ حکام کے مطابق اس معاہدے میں طیاروں کے ساتھ مشن سے متعلق سازوسامان، مربوط لاجسٹک سپورٹ، تربیتی پروگرام اور معلوماتی نظام بھی شامل ہے۔ واضح رہے کہ ایف اے50 بلاک 70 طیارے ایف اے50 پلیٹ فارم کی جدید ترین شکل ہیں، جن میں جدید ایویونکس، جدید راڈار سسٹم اور طویل فاصلے تک آپریشن کرنے کی صلاحیت موجود ہے۔
.ذریعہ: Jasarat News
پڑھیں:
پاکستان اور امریکا کے مابین تجارتی معاہدہ کامیابی سے طے پا گیا
نیویارک:پاکستان اور امریکا کے مابین تجارتی معاہدہ کامیابی سے طے پا گیا ہے، اس معاہدے کا مقصد دو طرفہ تجارت کا فروغ ، منڈی تک رسائی کو بڑھانا، سرمایہ کاری کو راغب کرنا اور باہمی دلچسپی کے شعبوں میں تعاون کو فروغ دینا ہے۔
وزارت خزانہ کے مطابق یہ پیش رفت وزیر خزانہ سینیٹر محمد اورنگزیب کی امریکی وزیر تجارت ہاورڈ لوٹنک اور امریکی تجارتی نمائندے جیمیسن گریر سے ملاقات کے دوران ہوئی۔
ملاقات میں سیکرٹری کامرس جواد پال اور امریکا میں پاکستان کے سفیر رضوان سعید شیخ بھی موجود تھے۔
اس معاہدے کا اعلان امریکی صدر ڈونلڈ ٹرمپ نے ٹرتھ سوشل پر اپنی پوسٹ کے ذریعے کیا تھا۔
وزارت خزانہ کے مطابق پاک امریکا معاہدے کے نتیجے میں باہمی ٹیرف خاص طور پر امریکا میں پاکستانی مصنوعات پر لگنے والے ٹیرف میں کمی آئے گی۔
اعلامیے میں کہا گیا کہ یہ معاہدہ دونوں ملکوں کے درمیان اہم اقتصادی شعبوں خاص طور پر توانائی، معدنیات، آئی ٹی، کرپٹو کرنسی اور دیگر میں اقتصادی تعاون کے ایک نئے دور کے آغاز کا باعث بنے گا۔
وزارت خزانہ کے مطابق یہ معاہدہ امریکا کے ساتھ پاکستان کے تجارتی تعلقات کو فروغ دینے خصوصاً ان تعلقات کو امریکی ریاستوں تک بڑھانے کے حوالے سے جاری کوششوں میں معاون ثابت ہوگا۔
وزارت خزانہ کے مطابق اس معاہدے کے تحت دونوں ملکوں کو ایک دوسرے کی منڈیوں تک بہتر رسائی میسر آئے گی اور پاکستان کے بنیادی ڈھانچے اور ترقیاتی منصوبوں میں امریکی سرمایہ کاری میں اضافہ متوقع ہے۔
اعلامیے میں کہا گیا کہ یہ تجارتی معاہدہ دونوں ممالک کی قیادت کی جانب سے دوطرفہ تعلقات کو مزید گہرا کرنے اور تجارت اور سرمایہ کاری روابط کو مضبوط بنانے کے لیے تمام کوششوں کو برؤے کار لانے کے عزم کی نشاندہی کرتا ہے۔
اس سے پہلے نائب وزیراعظم اور وزیر خارجہ اسحاق ڈار نے سماجی رابطے کی ویب سائٹ پر اپنے پیغام میں اس ڈیل کا خیر مقدم کیا تھا۔ اسحاق ڈار نے کہاتھا کہ امریکا سے تجارتی ڈیل طے پاگئی ہے۔الحمد اللہ۔
Post Views: 1
پاک یو اے ای تجارتی تعاون معاشی تعلقات کی بحالی کی علامت بن گیا