نیشنز کپ ہاکی: پاکستان نے جاپان کو 3-2 سے ہرادیا
اشاعت کی تاریخ: 16th, June 2025 GMT
ملائیشیا کے دارالخلافے میں جاری انٹرنیشنل ہاکی فیڈریشن نیشنز کپ میں پاکستان نے سخت مقابلے کے بعد جاپان کو 3-2 سے ہرا دیا۔
یہ بھی پڑھیں: پاک آرمی کی کوششوں سے ہاکی اسٹیڈیم کراچی کی رونقیں دوبارہ بحال ہوگئیں
اس طرح قومی ٹیم جس کا پہلا میچ ملائیشیا کے خلاف برابر رہا تھا نے اپنے دوسرے میچ میں کامیابی حاصل کرلی۔
جاپان کے خلاف میچ میں قومی ٹیم شروع میں ایک کے مقابلے میں 2 گول سے ہار رہی تھی تاہم پھر ٹیم کھیل میں واپس آئی اور بالآخر میچ 2-3 سے جیت لیا۔
پاکستان کے غضنفر علی نے پہلے کوارٹر میں گول کرکے برتری دلادی تھی تاہم ایک منٹ بعد جاپان کے کازوماسا نے گول کرکے مقابلہ برابر کردیا اور پھر 2 منٹ بعد ہی کوجی یاماسا نے گول کرکے میچ میں جاپان کو برتری دلادی۔ تیسرے کوارٹر میں رانا وحید اشرف نے گول کرکے میچ 2-2 سے برابر کیا اور چوتھے کوارٹر فائنل میں سفیان خان نے پنالٹی کارنر کو گول میں تبدیل کرکے پاکستان کو ایک بار پھر برتری دلائی جو کھیل کے آخر تک برقرار رہی۔
مزید پڑھیے: جونیئر ہاکی ایشیا کپ: بھارت نے پاکستان کو ہرا کر ٹائٹل اپنے نام کرلیا
اتوار کو پاکستان اور ملائیشیا کا میچ 3-3 سے برابر رہا تھا جس میں پاکستان کی طرف سے احمد ندیم، عبدالرحمان اور رانا وحید اشرف نے گول اسکور کیے تھے۔ قومی ٹیم نیشنز کپ میں اپنا تیسرا گروپ میچ بدھ کو نیوزی لینڈ کے خلاف کھیلے گی۔
پاکستان اسکواڈعماد بٹ (کپتان)، رانا وحید (نائب کپتان)، منیر الرحمان، عبداللہ اشتیاق، محمد عبداللہ، محمد سفیان خان، عبدالمنان، حماد انجم، ارشد لیاقت، معین شکیل، زکریا حیات، غضنفر علی، سلمان رزاق، جنید منظور، افراز احمد، عبدالرحمان، عبدالمنان، عبدالرحمان اور محمد خان۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انٹرنیشنل ہاکی فیڈریشن پاکستان ہاکی ٹیم نیشنز کپ ہاکی.ذریعہ: WE News
کلیدی لفظ: انٹرنیشنل ہاکی فیڈریشن پاکستان ہاکی ٹیم نیشنز کپ ہاکی نیشنز کپ گول کرکے نے گول
پڑھیں:
نبی کریمﷺ کی تعلیمات پرعمل کرکے امن قائم کیاجاسکتا ہے،مولاناعتیق
data-id="863a0a8" data-element_type="widget" data-widget_type="theme-post-content.default">
250918-11-10
ٹنڈوجام(نمائندہ جسارت)دعوت اسلامی کے رہنما مولانا عیتق الرحمن نقشبندی نے کہا ہے کہ نبی کریم ﷺ کی تعلیمات پر عمل کرنے پوری دنیا میں امن قائم کیا جا سکتا ہے مسلمان جب سے قرآن وسنت کی دعوت سے دور ہوئے ہیں ان کی مشکلات میں اضافہ ہوا ہے اور اسی وجہ سے مسائل کا شکار ہیں انھوں نے باتیں مظفرآباد اکالونی ٹنڈوجام میں جشن عید میلادالنبیﷺ کے جلسے سے جمیل خانزادے کی رہائش پر خطاب کرتے ہوئے کہی انھوں نے کہا کہ نبی کریم ﷺ سے محبت کا تقاضہ ہے کہ ہم ان کی سنتوں پر عمل کریں اور ان کو عام کرنے کے لیے جدوجہد کریں اور یہ ہی ہماری زندگی کا اہم مقصد ہونا چاہیے انھوں نے کہا جب سے مسلمانوں نے قرآن وسنت پر عمل کرنا چھوڑا ہے انھیں ہر طرف سے مسائل کا سامنا ہے اور مسائل حل ہونے کی بجائے بڑھتے جارہے ہیں انھوں نے کہا کہ ہم پندرہ سوویں جشن عید میلاد النبیﷺ مناتے ہوئے اس بات کا عہد کریں کہ ہم اب زندگی کو قرآن وسنت کے مطابق گزاریں گے اور اس کی دعوت کو عام کرنی کی جدوجہد کریں گے جلسے سے ٹنڈوجام کے نگران محمد عارف عطاری حافظ عبدالوحید عطاری مولانا دائم عطاری اور مولااحمد عطاری نے بھی خطاب کیا۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام