پیٹرول کی قیمت میں بڑے اضافے کے بعد ایرانی پیٹرول کی قیمت کیا ہے؟
اشاعت کی تاریخ: 17th, June 2025 GMT
وفاقی حکومت کی جانب سے پیٹرولیم مصنوعات کی قیمتوں میں اضافہ کر دیا گیا ہے۔ آئندہ 15 روز کے لیے پیٹرول کی قیمت میں 4 روپے 80 پیسے فی لیٹر جبکہ ڈیزل کی قیمت میں فی لیٹر 7 روپے 95 پیسے اضافہ کیا گیا ہے۔ جس کے بعد پیٹرول کی نئی قیمت 258 روپے 43 پیسے فی لیٹر مقرر جبکہ ڈیزل کی نئی قیمت 262 روپے 59 پیسے فی لیٹر مقرر کی گئی ہے۔
ایک جانب جہاں پاکستانی پیٹرول کے دام بڑھے ہیں وہیں بلوچستان میں ایرانی پیٹرول کی قیمتوں کو بھی پر لگ گئے ہیں۔ صوبائی دارالحکومت کی جانب سے کوئٹہ میں ایرانی پیٹرول کی خرید و فروخت پر مکمل پابندی کی وجہ سے شہر میں ایرانی پیٹرول و ڈیزل دستیاب نہیں البتہ ذرائع کا بتانا ہے کہ بلوچستان کے بلوچ اور پشتون آبادی والے اضلاع میں سب بھی ایرانی پیٹرول کی خرید وفروخت کا سلسلہ جاری ہے۔
حکومت کی جانب سے ایرانی پیٹرول کی خرید وفروخت پر سخت پابندی عائد ہے ترجمان بلوچستان حکومت شاہد رند نے کہا ہے کہ ایرانی پیٹرول پمپ سنگین سیکیورٹی خطرات اور حادثات کا موجب ہیں ایک ماہ کے دوران 28 جگہ ایسے ایرانی پیٹرول پمپ میں حادثات پیش آئے ہیں جس سے عوام کو کروڑوں روپے کا نقصان ہوا۔ ایرانی پیٹرول اور اسمگلنگ کے خلاف سخت کارروائی جاری ہے۔
مزید پڑھیں: کیا ایرانی پیٹرول کی اسمگلنگ کا سلسلہ سال 2025 میں تھم جائےگا؟
وی نیوز سے بات کرتے ہوئے ایرانی پیٹرول کے کاروبار سے منسلک شخص نے نام نہ ظاہر کرنے کی شرط پر بتایا کہ ایرانی سرحد سے منسلک علاقوں میں ایرانی پیٹرول کی قیمت میں ایک ہفتے کے دوران 100 روپے سے زائد کا اضافہ ہوا ہے جس کے بعد 190 اور 195 روپے فی لیٹر میں ملنے والا ایرانی پیٹرول 300 روپے سے زائد میں فروخت ہو رہا ہے۔ دراصل یکدم اضافہ کی وجہ اسرائیل اور ایران کے درمیان بڑھتی کشیدگی ہے جس کی وجہ سے پیٹرول اور ڈیزل کے آنے کا سلسلہ کم ہو گیا ہے ایسے میں ذخیرہ اندوزوں کی جانب سے پیٹرول کی قیمت میں ہوش ربا اضافہ کیا گیا ہے۔
دوسری جانب صوبے کے پشتون آبادی والے اضلاع جن میں ژوب، قلعہ عبداللہ، قلعہ سیف اللہ اور چمن میں ایرانی پیٹرول کی شدید قلت کا سامنا ہے جس کی وجہ سے متعدد پیٹرول پمپس بند ہو چکے ہیں جبکہ پیٹرول 300 روپے فی لیٹر سے زائد میں فروخت ہو رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایرانی پیٹرول بلوچستان پیٹرولیم مصنوعات وفاقی حکومت.
ذریعہ
ذریعہ: WE News
کلیدی لفظ: ایرانی پیٹرول بلوچستان پیٹرولیم مصنوعات وفاقی حکومت میں ایرانی پیٹرول کی پیٹرول کی قیمت میں کی جانب سے فی لیٹر کی وجہ گیا ہے
پڑھیں:
پیٹرولیم مصنوعات کی قیمتوں میں ایک بار پھر بڑا اضافہ، پیٹرول اور ڈیزل مہنگے
لاہور(ڈیلی پاکستان آن لائن) وفاقی حکومت نے پیٹرولیم مصنوعات کی قیمتوں میں اضافے کا اعلان کرتے ہوئے نیا نوٹیفکیشن جاری کر دیا ہے۔ پیٹرولیم ڈویژن کے مطابق پیٹرول اور ڈیزل کی قیمتوں میں اضافے کا یہ فیصلہ کیا گیا ہے جس کا اطلاق آج رات 12 بجے سے ہوگا۔
نوٹیفکیشن کے مطابق پیٹرول کی فی لیٹر قیمت میں 6 روپے 39 پیسے کا اضافہ کیا گیا ہے، جس کے بعد پیٹرول کی نئی قیمت 327 روپے 12 پیسے مقرر ہو گئی ہے۔ اسی طرح ہائی اسپیڈ ڈیزل کی قیمت میں 7 روپے 83 پیسے کا اضافہ کیا گیا ہے اور اب ڈیزل کی نئی قیمت 375 روپے 4 پیسے ہوگی۔ پیٹرولیم ڈویژن کی جانب سے جاری کردہ یہ نئی قیمتیں آج رات سے نافذ العمل ہوں گی اور 23 جولائی تک برقرار رہیں گی۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی