ہزاروں والدین نے بچوں کو پولیو ویکسین پلانے سے انکار کردیا
اشاعت کی تاریخ: 17th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر )کراچی میں ہزاروں والدین نے اپنے بچوں کو پولیو ویکسین پلانے سے انکار کردیا ہے جس کے بعد ریفیوزل کیس میں اضافہ ہوگیا ہے۔ایمرجنسی آپریشن سینٹر (ای سی او ) کے مطابق مئی کی انسداد پولیو مہم کے دوران 37 ہزار 711 والدین نے ویکسی نیشن سے انکار کیا، جبکہ اپریل میں 37 ہزار 360 والدین نے انسداد پولیو ویکسی نیشن سے انکار کیا تھا۔ای سی او نے کہا کہ مئی میں ضلع ایسٹ میں سب سے زیادہ 9433، ضلع وسطی میں 7141، ضلع جنوبی میں 3145، ضلع غربی میں 2922 ، کیماڑی میں17011، کورنگی میں 3453 اور ملیر میں 4606 والدین نے انکار کیا ہے۔ انسداد پولیو مہم سے انکار کی شرح اب بھی ایک مستقل چیلنج ہے اور پولیو کے خاتمے کے لیے والدین کے مسلسل تعاون کی ضرورت ہے۔پولیو کے خطرے سے دوچار یونین کونسلز پر خاص توجہ دی جا رہی ہے جبکہ ویکسین سے انکار کی بڑی وجوہات غلط فہمیاں اور آگاہی کی کمی ہے۔
.ذریعہ: Jasarat News
کلیدی لفظ: سے انکار کی والدین نے
پڑھیں:
ٹنڈوالٰہیار میں سروائیکل کینسر بچائو مہم کا افتتاح کردیا گیا
data-id="863a0a8" data-element_type="widget" data-widget_type="theme-post-content.default">
250916-11-11
ٹنڈوالٰہیار(نمائندہ جسارت)رکن قومی اسمبلی ذوالفقار ستار بچانی اور ڈپٹی کمشنر ٹنڈوالہیار نور مصطفی لغاری اور ایم پی اے رئیس امداد خان پتافی نے ایچ پی وی سے بچائو سروائیکل کینسر سے بچائو کی ویکسین کی مہم کا افتتاح کیا اس موقعے رکن قومی اسمبلی ذوالفقار ستار بچانی نے خطاب کرتے ہوئے کہا حکومت پاکستان سمیت سندھ حکومت نے سندھ کی بچیوں کو اس مرض سے محفوظ بنانے کے لیے سر کاری طور پر قومی مہم کے طور پر چلایا ہے یہ مہم ملکی تاریخ کی پہلی قومی انسداد سرویکل کینسر مہم ہے، اس مہم کے دوران9 تا 14 سالہ بچیوں کو ایچ پی وی ویکسین کی ایک ڈوز لگائی جائے گی، ایچ پی وی ویکسین سرکاری، نجی گرلز اسکولز، مدارس میں دستیاب ہے فکسڈ سائٹ، کمیونٹی سنٹرز موبائل یونٹس پر ایچ پی وی ویکسین دستیاب اس مرض کی بہت دیر سے تشخیص ہوتی ہے اور اس کی علاماتیں بہت معمولی ہوتی ہیں، آخر اسٹیج میں سروائیکل بہت تکلیف دہ ہو جاتا ہے۔ اس موقعے پر ڈپٹی کمشنر ٹنڈوالٰہیار نور مصطفی لغاری نے کہا کہ یہ ایک وائرس سروائیکل کینسر کرتا ہے، یہ ایک واحد کینسر ہے جس کی تشخیص کی جاسکی ہے اور اس سے بچائو ممکن ہے۔ ان کا کہنا تھا کہ ہم مائیں بہنیں اس قوم کو آگے لے کر جائیں گی خواتین میں بہت طاقت ہے۔ ایچ پی وی ویکسی نیشن مہم اسکولوں کو کہ اس مہم میں تعاون کیا جائے، اس مہم میں میری کہیں بھی ضرورت پڑے میں حاضر ہوں، یہ ویکسین بچیوں کے لیے بہت اہم ہے۔جبکہ ایم پی اے رئیس امداد خان پتافی سروائیکل کینسر سے بچائو کی ویکسین کی مہم کو سنگ میل ہے ہم پہلی مرتبہ لڑکیوں کو ایچ پی وی وائرس سے بچائو کی ویکسین لگانے کی قومی مہم کا آغاز کررہے ہیں سروائیکل کینسر وہ واحد کینسر ہے جس سے ویکسین کے ذریعے بچائو ممکن ہے، والدین یقینی بنائیں کہ ان کی 9 سے 14 سال کی بیٹیوں کو سروائیکل کینسر کی ویکسین ضرور لگے۔ آئیے مل کر اپنی بیٹیوں کے لیے ایک صحت مند مستقبل یقینی بنائیں۔ ڈی ایچ اور انچارج ذوالفقار میمن نے کہا کہ سروائیکل کینسر سے بچائو کی ویکسینیشن مہم کا آغاز ہوگیا۔ انسداد ایچ پی وی مہم کا افتتاح کردیا گیا ہے ۔
جبری گمشدگیاں: انکوائری کمیشن نے اگست میں 103 کیسز نمٹا دیے