امریکی منافقت ایک دفعہ پھر کھل کر سامنے آ گئی ہے، حافظ نعیم الرحمان
اشاعت کی تاریخ: 17th, June 2025 GMT
امیر جماعت اسلامی پاکستان حافظ نعیم الرحمان نے کہا کہ امریکی منافقت ایک دفعہ پھر کھل کر سامنے آ ئی ہے۔ امریکا ایک طرف سیز فائز کا کہہ رہا ہے دوسری جانب اسرائیل کی پشت پناہی کر رہا ہے۔
امیر جماعت اسلامی پاکستان حافظ نعیم الرحمن نے منصورہ میں پریس کانفرنس سے خطاب کرتے ہوئے کہا ہے کہ جماعت اسلامی کی مجلس شوریٰ کے اجلاس میں عالمی اور اندرونی صورتحال پر بات چیت ہوئی۔ اسرائیلی دہشتگردی نے خطے کی صورتحال بگاڑ دی ہے۔ موجودہ صورتحال میں امریکی منافقت ایک دفعہ پھر کھل کر سامنے آئی ہے۔ امریکا ایک طرف سیز فائر کا کہہ رہا ہے دوسری جانب اسرائیل کی پشت پناہی کررہا ہے۔ ہندوتوا اور صہیونیت مل کر انسانیت کی نسل کشی کررہی ہیں، ہندوتوا اور صہیونیت کا سرپرست امریکا ہے، انسانیت ان تینوں کے خلاف متحد ہوجائے۔
یہ بھی پڑھیے صہیونیوں کا خواب گریٹر اسرائیل، مسلمان خاموش رہے تو کوئی محفوظ نہیں رہےگا، حافظ نعیم الرحمان
انہوں نے کہا کہ مغربی ممالک ایران کے ایٹمی پروگرام کو بند کرنے کا کہہ رہے ہیں۔ یورپ امریکا کو اسرائیل کے 400 سے زائد نیوکلیئر وار ہیڈ کیوں نظر نہیں آتے؟
امیر جماعت اسلامی نے کہا کہ پاکستانی قوم پوری یکسوئی سے ایران کے ساتھ کھڑی ہے۔ امت کی تقسیم کی باتیں کرنے والے امت کے دوست نہیں ہیں۔ اسلامی ممالک مل کر اسرائیلی جارحیت کو روکیں۔پاکستان کا نیو کلیئر پروگرام اسرائیل کو کھٹکتا ہے۔
انہوں نے کہا کہ ٹرمپ غزہ میں جاری اسرائیلی دہشت گردی کی حمایت کررہا ہے، ٹرمپ کی مسئلہ کشمیر پر ثالثی قوم کو قبول نہیں۔ پاکستان غزہ کے مسئلہ پر قائدانہ کردار ادا کرے۔
یہ بھی پڑھیے اسرائیل کی اصولی مخالفت پر قائداعظم کی مہر بھی ثبت ہے، امیر جماعت اسلامی حافظ نعیم الرحمان
حافظ نعیم الرحمان نے پاکستان کی داخلی صورت حال کے بارے میں گفتگو کرتے ہوئے مطالبہ کیا کہ حکومت پٹرولیم مصنوعات کی قیمتیں کم کرے، اور بتائے جاگیرداروں سے کتنا ٹیکس وصول کیا۔ چچا بھتیجی اور پیپلز پارٹی مل کر عوام کو دھوکہ دے رہے ہیں۔ سندھ میں کچے اور پکے کے ڈاکو مل کر حکومت کررہے ہیں۔ صوبوں کا اربوں کا تعلیمی بجٹ کرپشن کی نذر ہوجاتا ہے۔ پنجاب میں اسکولوں اور اسپتالوں کو فروخت کیا جارہا ہے۔ شریف خاندان نمائشی اقدامات کرتا ہے۔ ان کی حکومتیں اشتہارات چلا کر، لیپ ٹاپ بانٹ کر عوام کو بے وقوف نہیں بنا سکتی۔ انہوں نے کہا کہ پنجاب حکومت نے زراعت کا بیڑہ غرق کردیا۔ قرض در قرض معیشت سے غربت مزید پھیل رہی ہے۔
یہ بھی پڑھیے پاکستان میں جیل سے رہائی کے لیے بھی امریکا سے مدد مانگی جاتی ہے، یہ کیسے سیاسی لوگ ہیں؟ حافظ نعیم الرحمان
انہوں نے کہا کہ جماعت اسلامی اسٹیبلشمنٹ کی مداخلت کے خلاف بات کرتی ہے، جبکہ ملک کی نام نہاد بڑی پارٹیاں اسٹیبلشمنٹ کی کیاری کی پیداوار ہیں، پاکستان میں حکمران اور اپوزیشن پارٹیاں امریکہ کی مذمت سے گھبراتی ہے،
امیر جماعت اسلامی نے کہا کہ بجلی کی قیمتوں میں کمی سے ہی صنعت بحال ہوگی۔ انہوں نے مطالبہ کیا کہ حکمران اپنی عیاشیاں کم کریں، اور عوام کو سہولت دیں۔ خیبر پختونخوا اور بلوچستان میں قیام امن کے لیے اقدامات کیے جائیں۔ بلوچستان میں لاپتہ افراد کے مسئلہ کے حل کے لیے کمیشن تشکیل دیا جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹیبلشمنٹ اسرائیل امریکا امیر جماعت اسلامی حافظ نعیم الرحمان ہندوتوا.ذریعہ: WE News
کلیدی لفظ: اسٹیبلشمنٹ اسرائیل امریکا امیر جماعت اسلامی حافظ نعیم الرحمان ہندوتوا حافظ نعیم الرحمان امیر جماعت اسلامی انہوں نے کہا کہ کے لیے
پڑھیں:
حق دو بلوچستان مارچ، حکومت اور جماعت اسلامی کے درمیان معاہدہ طے ہوگیا
وزیراعظم کے معاون خصوصی رانا ثنا اللہ نے کہا ہے کہ جماعت اسلامی کے ساتھ معاہدہ طے ہوگیا جس کے تحت ایک کمیٹی تشکیل دی جائے گی۔
تفصیلات کے مطابق رانا ثنا اللہ، طلال چوہدری اور جماعت اسلامی کے رہنماؤں نے مذاکرات کے بعد مشترکہ پریس کانفرنس کی۔
رانا ثنا اللہ نے کہا کہ لیاقت بلوچ کی سربراہی میں ایک قافلہ اور لانگ مارچ اسلام آباد آئے تھے،یہ ہمارے لئے انتہائی عزت و احترام کے قابل ہیں۔
انہوں نے کہا کہ سب دل سے چاہیتے ہیں بلوچستان کے مسائل حل ہوں، جماعت اسلامی نے 8 مطالبات رکھے ہیں اور اس حوالے سے ہمارا ایک معاہدہ ہوا ہے جس کے تحت کمیٹی تشکیل دی جائے گی۔
انہوں نے بتایا کہ کمیٹی میں بلوچستان حکومت، وفاقی حکومت اور سیکیورٹی اداروں کے نمائندے شریک ہوں گے، یہ کمیٹی ایسی تجاویز دے گی جس بلوچستان کے مسائل حل ہوں۔
رانا ثنا اللہ نے کہا کہ بلوچستان کے عوام محب وطن ہےاور بلوچستان پاکستان کا دل ہے، بلوچستان کی ترقی پاکستان کی ترقی ہے۔
انہوں نے کہا کہ وزیراعظم دل سے بلوچستان کے عوام کے مسائل کا حل چاہتے ہیں، پاکستان کا امن بلوچستان کے امن سے جڑا ہے۔ رانا ثنا اللہ نے کہا کہ وہ لوگ جو معصوم شہریوں کو بسوں سے اتار کر قتل کرتے ہیں اُن عناصر کیلیے کہیں کوئی جگہ نہیں ہے۔
لیگی رہنما کا کہنا تھا کہ بیرونی ہتھکنڈوں سے نمٹنے کے لئے وہاں کی عوام کے ساتھ مل کر فیصلے لئے جائیں گے۔ جماعت اسلامی کے نائب امیر نے کہا کہ ہم تجاویز کو حکومت کے سامنے رکھیں گے۔
کنگ سلمان ریلیف نے آزاد جموں و کشمیر میں 4,000 متاثرہ خاندانوں میں شیلٹر این ایف آئی کٹس کی تقسیم مکمل کر لی