پیرس ایئر شو میں اسرائیلی ہتھیاروں کی نمائش روک دی گئی
اشاعت کی تاریخ: 17th, June 2025 GMT
اسلام آباد (اُردو پوائنٹ ۔ DW اردو۔ 17 جون 2025ء) فرانس کے دارالحکومت پیرس کے معروف ایئر شو میں اسرائیلی دفاعی صنعت کی نمائشوں کو سیاہ پردوں سے ڈھانپ دیا گیا ہے، کیونکہ وہ مبینہ طور پر جارحانہ ہتھیاروں کو نمائش سے ہٹانے کی ہدایت کی تعمیل کرنے میں ناکام رہا۔
اسرائیل کی وزارت دفاع نے اپنی نمائش کی تصاویر کے ساتھ سوشل میڈیا پر ایک بیان بھی پوسٹ کیا ہے۔
تصاویر میں دیکھا جا سکتا ہے کہ اسرائیلی دفاعی کمپنی کا اسٹال سیاہ پردوں سے اس طرح ڈھکا اور گھیرا ہوا ہے کہ کوئی بھی اس کے پیچھے پڑی چیزوں کو دیکھ نہیں سکتا۔اسرائیلی وزارت دفاع کے ایک بیان کے ساتھ پوسٹ کی گئی تصاویر میں مختلف ہتھیاروں کے نظام کو ڈسپلے پر دکھایا گیا ہے۔
اسرائیل کا فرانس پر 'نامناسب' رویے کا الزامپیرس میں اسرائیلی ہتھیاروں کی نمائش روکنے کا یہ واقعہ اس وقت پیش آیا ہے، جب اسرائیل ایران کے ساتھ ہلاکت خیز بحران میں برسر پیکار ہے۔
(جاری ہے)
اسرائیلی وزارت دفاع نے پیر کو ایک بیان میں اس کارروائی کو "بدصورت اور نامناسب" قرار دیتے ہوئے کہا، "اسرائیلی جارحانہ ہتھیاروں کو بین الاقوامی نمائش سے خارج کرنے کے لیے مبینہ طور پر فرانس ان سیاسی تحفظات کے پیچھے چھپا ہوا کہ اسرائیلی ہتھیار فرانسیسی صنعتوں سے مقابلہ کرتے ہیں۔"
خبر رساں ادارے روئٹرز نے اس معاملے سے واقف ایک ذریعے کا حوالہ دیتے ہوئے کہا کہ نمائش کو سیل کرنے کی ہدایت فرانسیسی حکام کی جانب سے اس وقت آئی، جب اسرائیلی کمپنیاں نمائش سے جارحانہ یا حرکیاتی ہتھیاروں کو ہٹانے کے لیے فرانسیسی سکیورٹی ایجنسی کی ہدایت پر عمل کرنے میں ناکام رہیں۔
اسرائیل کی وزارت دفاع نے کہا کہ اس کے ڈائریکٹر جنرل امیر برام نے درخواست کو مسترد کر دیا تھا۔
ایک بیان میں وزارت نے اس اقدام کو ایک ایسا "بے مثال فیصلہ" قرار دیا، جس سے سیاسی اور تجارتی تحفظات کی بو آتی ہے۔
ایئر شو کے منتظمین کے ساتھ کام کرنے والے ایک وکیل سلوین پاویلٹ نے کہا کہ نمائش کی اجازت کا حتمی فیصلہ نمائش کے منتظمین کے پاس نہیں بلکہ فرانسیسی حکومت کے پاس ہے۔
انہوں نے ایسوسی ایٹڈ پریس کو بتایا، "نمائش کے پاس اس فیصلے کا اختیار نہیں ہے کہ کس ممالک کو شو میں جانے کی اجازت ہے یا نہیں۔ "یہ فیصلہ حکومت کا ہے۔ ہم ریاست نہیں ہیں۔ ہم ایک تجارتی کمپنی ہیں۔"
منتظمین اب بھی 'سازگار نتائج' کے خواہاںگرچہ فرانسیسی حکومت کی جانب سے اسرائیلی نمائشوں کو روکنے کے کسی اقدام کے بارے میں فوری طور پر کوئی تبصرہ نہیں کیا گیا، تاہم ایئر شو کے منتظم نے ایک بیان میں کہا ہے کہ وہ "مختلف فریقوں کو صورتحال کے لیے سازگار نتیجہ تلاش کرنے میں مدد کرنے کے لیے بات چیت کر رہے ہیں۔
جمعے کے روز ہی ان کارکنوں کے خلاف ایک فرانسیسی اپیل کورٹ کا فیصلہ بھی آیا، جو غزہ میں جاری جنگ کی وجہ سے اسرائیلی کمپنیوں کو شو میں شرکت سے روکنے کی کوشش کر رہے تھے۔
حالیہ ہفتوں میں فرانسیسی صدر ایمانوئل ماکروں نے کئی بار خبردار کیا تھا کہ غزہ میں انسانی صورت حال کی روشنی میں اسرائیل کے خلاف سخت موقف کی ضرورت ہو سکتی ہے۔ ماکروں نے خبردار کیا تھا کہ فرانس اسرائیلی آباد کاروں پر پابندیاں لگانے پر بھی غور کرے گا۔
ادارت: جاوید اختر
.ذریعہ: UrduPoint
کلیدی لفظ: تلاش کیجئے میں اسرائیل وزارت دفاع ایئر شو کے ساتھ کے لیے
پڑھیں:
ٹیکس ورلڈ، اپیرل سورسنگ ، لیدر کا آغاز پیرس میں ہوگیا
data-id="863a0a8" data-element_type="widget" data-widget_type="theme-post-content.default">
کراچی (کامرس رپورٹر) ٹیکس ورلڈ، اپیرل سورسنگ اور لیدر ورلڈ پیرس 2025، کا آغاز پیر 15 ستمبر سے پیرس–لے بورجے ایگزیبیشن سینٹر میں ہوگیا۔ تین روزہ عالمی ٹیکسٹائل جدت اور سورسنگ کا یہ سلسلہ 17 ستمبر تک جاری رہے گا، جس میں فیشن سپلائی چین سے وابستہ صنعت کار اور پیشہ ور افراد شریک ہو رہے ہیں۔اپنے 57 ویں ایڈیشن میں داخل ہوتے ہوئے یہ میلہ سورسنگ، رجحانات کی جانچ اور صنعتی تعاون کے لیے ایک نمایاں پلیٹ فارم کے طور پر اپنی روایت برقرار رکھے ہوئے ہے۔ اس سال کے فارمیٹ میں فیبرک سپلائرز اور گارمنٹس مینوفیکچررز کو ایک ہی چھت تلے یکجا کیا گیا ہے تاکہ عالمی خریداروں کے لیے زیادہ سہولت فراہم کی جا سکے۔ملک کے لئے اس سال کی ایک اہم بات 23 پاکستانی کمپنیوں کی بھرپور شمولیت ہے جو ٹیکسٹائل، گارمنٹس اور پائیدار مصنوعات کی وسیع رینج پیش کر رہی ہیں، جو پاکستانی ہنرمندی اور معیار کی عکاسی کرتی ہیں۔ ایک خصوصی اقدام کے طور پر سات پاکستانی کمپنیاں، جنہیں پائیدار طریقوں کے لیے جی آئی زیڈ کی جانب سے تسلیم کیا گیا ہے، ”سسٹین ایبل پاکستان پویلین” میں اپنی مصنوعات پیش کر رہی ہیں۔ پاکستان دونوں بڑے حصوں میں نمائندگی کر رہا ہے: یونائیٹڈ امپریکس، نو رگارمینٹس اور وائی میٹرکس ، ٹیکس ورلڈ میں جبکہ اپیرل سورسنگ میں ایک مضبوط لائن اپ موجود ہے، جن میں شامل ہیں: ایجیلیٹی ٹیکسٹائل پرائیویٹ لمیٹڈ، برلی ٹیکس پرائیویٹ لمیٹڈ، اے مجید اینڈ سنز، گالف اینڈ اسپورٹس، ایس ایچ زیڈ ٹیکسٹائلز، اسپائیکی انٹرنیشنل، زیفیرز ٹیکسٹائل، کوہِ نور ٹیکسٹائل ملز لمیٹڈ، ایم جی اپیرل لمیٹڈ اور دیگر۔ یہ بھرپور نمائندگی عالمی ٹیکسٹائل اور اپیرل انڈسٹری میں پاکستان کے بڑھتے ہوئے کردار کو اجاگر کرتی ہے۔نمائش کے پہلے دن پاکستان کی سفیر محترمہ ممتاز زہرہ بلوچ اور سلمان احمد چوہدری، ٹریڈ اینڈ انویسٹمنٹ آفیسر نے نمائش کے احاطے کا دورہ کیا۔ انہوں نے پاکستانی کاروباری اداروں سے ملاقات کی، ان کی حوصلہ افزائی کی اور تجارتی روابط کے فروغ پر بات چیت کی۔ سی ای او، جمشید اپیرل ایم جمشید انور نے کہاکہ آغاز کافی اچھا رہا ہے، 2–3 خریداروں سے ملاقات ہوئی اور معاہدوں کا تبادلہ بھی ہوا ہے۔ امید ہے کہ آج اور اگلے دنوں میں مزید گاہک ملیں گے۔ سینئر منیجر گارمنٹس، آدم جی انٹرپرائزز حمد صادق کندر نے اپنے تاثرات کا اظہار کرتے ہوئے کہاکہ اب تک سب اچھا ہے، کچھ سنجیدہ وزیٹرز سے ملاقات ہوئی ہے اور آنے والے گھنٹوں اور دنوں میں مزید مثبت نتائج کی توقع ہے۔1,300 نمائش کنندگان 35 سے زائد ممالک، بشمول چین، بھارت، ترکیہ، کوریا، بنگلہ دیش اور پاکستان سے شریک ہیں، جو موجودہ سورسنگ منظرنامے کی تنوع کو ظاہر کرتا ہے۔ ایونٹ کا ایوانٹیکس ایریا پائیدار اور ٹیکنالوجی پر مبنی فیشن میں جدت کے ساتھ ایک جدید پہلو شامل کرتا ہے۔ٹیکس ورلڈ پیرس 2025 نہ صرف عالمی تخلیقی صلاحیت اور تجارتی مواقع کو سراہتا ہے بلکہ یہ بھی ظاہر کرتا ہے کہ پاکستان جیسے ممالک جدت، دیانتداری اور اعلیٰ معیار کے ذریعے فیشن کے مستقبل کو تشکیل دے رہے ہیں۔
ہمالیہ ایئرلائنز کی پرواز منسوخ، بیمان کی پرواز واپس موڑ دی گئی