غزہ: خوراک کی تلاش میں نکلے شہریوں پر اسرائیلی حملے‘ 65 فلسطینی شہید
اشاعت کی تاریخ: 17th, June 2025 GMT
data-id="863a0a8" data-element_type="widget" data-widget_type="theme-post-content.default">
غزہ(صباح نیوز) غزہ پر اسرائیلی جارحیت کے نتیجے میں پیر کو65 فلسطینی شہید اور 315 شدید زخمی ہو گئے غزہ کے جنوبی علاقے المواصی میں پیر کی صبح قابض اسرائیلی فوج کی فائرنگ سے کم از کم 20 فلسطینی شہید اور 200 سے زائد شدید زخمی ہو گئے۔ یہ واقعہ اس وقت پیش آیا جب شہری امدادی سامان کے حصول کے لیے ایک مرکز کے قریب جمع تھے۔غزہ میں سول ڈیفنس کے ترجمان محمود بصل کے مطابق متاثرہ افراد امریکی امدادی مرکز، واقع رفح سے خوراک حاصل کرنے کے لیے انتظار کر رہے تھے کہ ان پر اچانک براہ راست گولیاں برسائی گئیں۔ ان کا کہنا تھا کہ زخمیوں میں بڑی تعداد شدید حالت میں ہے، جنہیں خان یونس میں ریڈ کراس کے فیلڈ اسپتال منتقل کیا گیا۔ غزہ کی وزارت صحت نے پیر کے روز اعلان کیا ہے کہ7 اکتوبر2023 سے قابض اسرائیل کی جاری نسل کشی کے نتیجے میں شہدا اور زخمیوں کی مجموعی تعداد1 لاکھ84 ہزار355 ہو چکی ہے۔ وزارت کی جانب سے جاری یومیہ اعداد و شمار کے مطابق اب تک55 ہزار432 فلسطینی شہید اور1 لاکھ28 ہزار923 زخمی ہوچکے ہیں۔
.
ذریعہ
ذریعہ: Jasarat News
کلیدی لفظ: فلسطینی شہید
پڑھیں:
انفرااسٹرکچر پر امریکی حملوں کا جواب شدید اور وسیع ہوگا، ایران
ایران کی حکومت کے اعلیٰ عہدیدار محسن رضاعی نے خبردار کیا ہے کہ ایرانی انفرااسٹرکچر پر امریکی حملوں کا ردعمل شدید اور وسیع ہوگا۔
ایرانی خبرایجنسی کی رپورٹ کے مطابق محسن رضائی نے سوشل میڈیا پر جاری بیان میں کہا کہ اگر امریکہ نے ایران کے انفرا اسٹرکچر پر مزید حملے کیے تو ایران کا جوابی اقدام شدید اور بتدریج وسیع ہوگا۔
انہوں نے کہا کہ شلمچہ میں زائرین پر حملہ اور انفرا اسٹرکچر پر حملوں کی امریکی دھمکیاں مایوسی اور بے بسی کے سوا کچھ نہیں ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی