ایئر پنجاب کی پہلی پرواز کب اڑان بھرے گی؟ پنجاب کی سینیئر وزیر مریم اورنگزیب نے بتادیا
اشاعت کی تاریخ: 17th, June 2025 GMT
سینیئر صوبائی وزیر مریم اورنگزیب کا کہنا ہے کہ ایئر پنجاب اور ہائی اسپیڈ ترین منصوبوں کی فیزیبلٹی اسٹڈی کے لیے ابتدائی فنڈ مختص کیے گئے ہیں، انہوں نے امید ظاہر کی کہ ایئر پنجاب کی پہلی پرواز ایک سال کے اندر پہلی اڑان بھرے گی۔
وی نیوزسے گفتگو کرتے ہوئے مریم اورنگزیب کا کہنا تھا کہ بجٹ کی کاپیاں پھاڑنا بجٹ کی مخالفت نہیں ہوتی۔ ’مخالفت یہ ہوتی ہے کہ آپ اصلاح کریں، اسمبلی میں فائنانس بل میں ترمیم اور تجاویز پیش کریں جس کے حساب سے حکومت فیصلہ کرتی ہے اور یہ پورا ایک طریقہ کار ہے۔‘
یہ بھی پڑھیں: پنجاب پہلی صوبائی ایئر لائن ‘ایئر پنجاب’ اور پہلی بلٹ ٹرین چلانے کے لیے تیار
پنجاب اسمبلی میں بجٹ تقریر پر اپوزیشن کے اعتراضات مسترد کرتے ہوئے مریم اورنگزیب کا کہنا تھا کہ اپوزیشن کو اگر مفت دوائیوں، بلاسود گھر، کسان کارڈ اور ٹریکٹر سمیت بچوں کو لیپ ٹاپ اور وظائف ملنے پر اعتراض ہے تو کریں ورنہ ہم نے تو اس بجٹ میں سوائے ریلیف کے کچھ اور نہیں رکھا۔
’ہم نے تو اس بجٹ میں سوائے ریلیف، ویلفیئر، ہیومن ڈیولپمنٹ، واٹر، سینی ٹیشن، پینے کے صاف پانی اور روڈ اور انفرا استرکچر کے علاوہ کچھ نہیں کیا، جو اخراجات ہیں اس کو دیکھیں اور کرلیں احتجاج۔‘
مزید پڑھیں: پنجاب حکومت کا ایئر ایمبولینس سروس کے دائرہ کار کو وسعت دینے کا فیصلہ
پینشن اور تنخواہوں کی مد میں بجٹ مختص کرنے کے حوالے سے سوالوں کا جواب دیتے ہوئے مریم اورنگزیب نے بتایا کہ پینشن کا حجم تنخواہوں کے مجموعی حجم کے حساب سے طے کیا جاتا ہے، وفاق نے کم از کم اجرت 37 جبکہ پنجاب نے 40 ہزار روپے رکھی ہے، یہی وجہ ہے کہ پنجاب حکومت نے تنخواہ اور پینشن میں اضافے کو اسی حجم کے حساب سے طے کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بجٹ پنجاب ایئر پہلی اڑان پینشن سینیئر وزیر کم از کم اجرت مریم اورنگزیب.ذریعہ: WE News
کلیدی لفظ: پنجاب ایئر پہلی اڑان پینشن مریم اورنگزیب مریم اورنگزیب ایئر پنجاب
پڑھیں:
لاہور میں اسموگ سے نمٹنے کیلئے جدید سسٹم کی تنصیب شروع کردی گئی
لاہور:اسموگ کے مسئلے سے نمٹنے کے لیے دنیا کے پہلے جدید ڈسٹ سسپنشن سسٹم کی تنصیب شروع کر دی گئی، اینٹی اسموگ گنز کے ذریعے فضا میں پانی چھڑک کر ہوا سے آلودگی کے ذرات کو صاف کیا جائے گا۔
وزیراعلیٰ پنجاب مریم نواز شریف نے سماجی رابطے کی ویب سائٹ ایکس پر پوسٹ میں بتایا کہ دنیا کا پہلا جدید ڈسٹ سسپنشن سسٹم، جس میں 15 اینٹی اسموگ گنز شامل ہیں، لاہور پہنچ چکا ہے اوراس کی تنصیب کا عمل جاری ہے۔
انہوں نے بتایا کہ یہ جدید فوگ کینن باریک پانی چھڑک کر فضائی آلودگی کے خطرناک ذرات بشمول PM2.5 اورPM10 کو ہوا سے صاف کرتے ہیں، یہ نظام پنجاب کے ریئل ٹائم ایئر کوالٹی مانیٹرنگ نیٹ ورک اور ماحولیاتی تحفظ فورس کے ساتھ منسلک ہوگا۔
وزیراعلیٰ نے کہا کہ آلودگی میں اضافے کی صورت میں یہ نظام خودکار طریقے سے فعال ہو جائے گا۔
مریم نواز نے کہا کہ سیٹلائٹ ڈیٹا، ڈرونز،کیو آر کوڈڈ کلنز اور ایئر بیسڈ ٹریکنگ کے ذریعے یہ نظام ماحولیاتی تحفظ کے میدان میں اہم پیش رفت ہے۔
وزیراعلیٰ پنجاب نے کہا کہ عزم، ٹیکنالوجی، جدت اور شہریوں کی شرکت کے ساتھ ان شا اللہ اسموگ کے خلاف جنگ جیتی جائے گی۔
یہودی درندوں کے حملوں سے 79 مسلمان غزہ میں شہید