کراچی یونین آف جرنلسٹس کا غزہ و ایران میں صحافیوں کے قتل پر اسرائیل کے خلاف احتجاج
اشاعت کی تاریخ: 17th, June 2025 GMT
کراچی یونین آف جرنلسٹس (دستور) کی جانب سے ایران کے سرکاری چینل پر حملے اور صحافیوں کے قتل پر اسرائیل کے خلاف کراچی پریس کلب کے باہر احتجاج کیا۔
یہ بھی پڑھیں: ایرانی ٹی وی اسٹیشن پر حملہ میں 2 خواتین میڈیا ورکر شہید
احتجاجی مظاہرے میں بڑی تعداد میں صحافیوں نے شرکت کی۔ صحافیوں کی جانب سے غزہ اور ایران میں صحافی برادری کو نشانہ بنانے کی پرزور مذمت کی گئی۔
اس موقعے پر صحافیوں کا کہنا تھا کہ یہ آزادی اظہار رائے پر کاری وار ہے جس کی جتنی مذمت کی جائے کم ہے۔
مزید پڑھیے: اسرائیل کا ایرانی سرکاری ٹی وی پر براہِ راست نشریات کے دوران میزائل حملہ
کراچی یونین آف جرنسلسٹ )دستور( کے سیکریٹری ریحان چشتی کا کہنا تھا کہ اس سے قبل غزہ میں سچ دکھانے والے صحافیوں کو قتل کیا گیا اور اب یہی عمل ایران میں بھی دہرایا جا رہا ہے جہاں حملوں کی کوریج کرتے صحافیوں کو نشانہ بنایا گیا ہے۔
ریحان چشتی نے کہا کہ بنیادی طور پر اسرائیل ایک دہشتگرد ملک ہے اور وہ مسلمانوں پر ظلم وبربریت کے ساتھ آزادی اظہار رائے کو بھی دبانے کی کوشش کر رہا ہے جو قابل مذمت ہے۔ نائب صدر کراچی یونین آف جرنلسٹ محمد فاروق سمیع کا کہنا تھا کہ اس احتجاج کا مقصد ان صحافیوں کے لیے آواز بلند کرنا ہے جو اسرائیلی بربریت کا شکار رہے ہیں۔
مزید پڑھیں: وزیراعظم غزہ کی صورتحال پر اسلامی ممالک کے سربراہان کا اجلاس بلائیں، حافظ نعیم الرحمان
فاروق سمیع نے کہا کہ اسرائلی دہشتگردی کا سامنے آنے والا تازہ واقعہ ایرانی سرکاری ٹی وی چینل پر حملہ ہے جس میں اطلاعات کے مطابق 30 کے قریب صحافی اور ادارے سے وابستہ دیگر افراد شہید ہوگئے۔
انہوں نے مزید کہا کہ اسرائیل اور امریکا مل کر ان دہشتگردی کے واقعات میں ملوث ہیں جس کی ہم شدید مذمت کرتے ہیں۔
اس موقعے پر صدر کے یو جے دستور نصراللہ چوہدری، کے یو جے اور کراچی پریس کلب کے سابق و موجودہ عہدیدار مظہر عباس، امتیاز خان فاران، مقصود احمد یوسفی، اے ایچ خانزادہ، طارق ابوالحسن، شمس کیریو، رضوان بھٹی، سعید سربازی، اشرف بھٹی، اصغر عمر اور عامر لطیف بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایران غزہ کراچی کراچی پریس کلب کراچی یونین آف جرنلسٹس کراچی یونین آف جرنلسٹس دستور.ذریعہ: WE News
کلیدی لفظ: ایران کراچی کراچی پریس کلب کراچی یونین ا ف جرنلسٹس کراچی یونین ا ف جرنلسٹس دستور کراچی یونین
پڑھیں:
چنیسر ٹاؤن میں ٹیکسوں میں اضافہ، ترقیاتی فنڈز کی غیر منصفانہ تقسیم پر جماعت اسلامی کا احتجاج
data-id="863a0a8" data-element_type="widget" data-widget_type="theme-post-content.default">
کراچی :کے ایم سی میں اپوزیشن لیڈر اور جماعت اسلامی کراچی کے نائب امیر سیف الدین ایڈووکیٹ کاکہنا ہے کہ چنیسر ٹاؤن میں من مانے ٹیکسوں کے نفاذ، ترقیاتی فنڈز کی غیر منصفانہ تقسیم، اور کرپشن کے سنگین الزامات پر فوری کارروائی کی جائے، بصورت دیگر جماعت اسلامی بھرپور احتجاجی تحریک کا آغاز کرے گی۔
چنیسر ٹاؤن آفس، سندھی مسلم سوسائٹی میں پریس کانفرنس کرتے ہوئے کے ایم سی اپوزیشن لیڈر نے مطالبہ کیا کہ چنیسر ٹاؤن چیئرمین فرحان غنی کی جانب سے رہائشی و تجارتی املاک اور ٹریڈ لائسنس فیس میں کیا گیا غیر منصفانہ اضافہ فی الفور واپس لیا جائے، من پسند افراد کو نوازنے کے لیے دیے گئے ٹھیکے منسوخ کیے جائیں، اور چنیسر ٹاؤن کا فارنزک آڈٹ کرایا جائے۔
انہوں نے وزیر بلدیات سعید غنی پر براہ راست الزام عائد کرتے ہوئے کہا کہ ان کے ماتحت ادارے بدترین کرپشن اور نااہلی کا شکار ہیں، اور عوام کے مسائل کو یکسر نظرانداز کیا جا رہا ہے، پیپلز پارٹی نے چنیسر ٹاؤن میں بھی اپنی مرضی کا چیئرمین مسلط کیا ہے، جہاں دو جیتی ہوئی یوسیز چھین کر وزیر بلدیات کے بھائی کو ٹاؤن چیئرمین بنایا گیا ہے۔
ان کا کہنا تھا کہ ان یوسیز کے ساتھ شدید امتیازی سلوک کیا جا رہا ہے، ترقیاتی کاموں میں نظرانداز کیا جا رہا ہے، جب کہ وزیر بلدیات کے حلقے کو 50 کروڑ اور مقامی ایم این اے کو ایک ارب روپے کے ٹھیکے دیے گئے ہیں، باقی یوسیز میں گٹر اُبل رہے ہیں، نالے تباہ حال اور سڑکیں ٹوٹ پھوٹ کا شکار ہیں۔
سیف الدین ایڈووکیٹ نے مزید کہا کہ شہرِ کراچی کو دانستہ نظرانداز کیا جا رہا ہے، کے فور منصوبہ گزشتہ 18 برسوں سے التوا کا شکار ہے، اور حالیہ وفاقی و صوبائی بجٹ میں محض 3.2 ارب اور 10 کروڑ روپے رکھ کر شہریوں کے ساتھ سنگین مذاق کیا گیا ہے۔
انہوں نے پیپلز پارٹی، ن لیگ اور ایم کیو ایم پر الزام عائد کیا کہ ان جماعتوں کو کراچی کے عوام سے کوئی ہمدردی نہیں، اور وفاق و صوبہ دونوں کراچی کے ساتھ دشمنی کا مظاہرہ کر رہے ہیں، جماعت اسلامی کے 9 ٹاؤنز کے یو سی چیئرمینوں نے عیدالاضحیٰ کے دوران صفائی کے مثالی انتظامات کیے، جب کہ سندھ سالڈ ویسٹ مینجمنٹ مکمل طور پر ناکام رہی۔
جماعت اسلامی نے خبردار کیا کہ اگر مطالبات تسلیم نہ کیے گئے تو احتجاجی تحریک کا آغاز چنیسر ٹاؤن سے کیا جائے گا، جو بعد ازاں پورے کراچی تک پھیلائی جائے گی۔
برطانیہ اور اس کے اتحادی ممالک نے اسرائیلی وزرا پر پابندیاں عائد کردیں