( ایران اسرائیل کشیدگی)عمران خان نے احتجاجی تحریک 2 ہفتوں کیلئے مؤخر کردی
اشاعت کی تاریخ: 18th, June 2025 GMT
پاکستان کو اس وقت متحد ہونا چاہیے، احتجاجی تحریک عالمی حالات کی وجہ سے مؤخر کی، اسرائیل کے بارے میںہمارا کیا مؤقف ہے یہ ساری دنیا جانتی ہے، پیٹرن انچیف
اس وقت ہم 17 سیٹوں والے، فارم 47 کے حکمرانوں صدر، وزیراعظم، فیلڈ مارشل کے اسرائیل کے حوالے سے بیان کا انتظار کررہے ہیں، ہمشیرہ کی ملاقات کے بعد گفتگو
پاکستان تحریک انصاف کے پیٹرن انچیف عمران خان نے ایران اسرائیل صورتحال کے پیش نظر احتجاجی تحریک 2 ہفتوں کیلئے مؤخر کردی۔ راولپنڈی کی اڈیالہ جیل میں سابق وزیراعظم سے ملاقات کے بعد ان کی ہمشیرہ عظمیٰ خان نے بتایا کہ ملاقات کے دوران جب عمران خان کو بیرون ملک احتجاج کے بارے میں بتایا تو وہ ہنس پڑے، تاہم عمران خان نے احتجاجی تحریک کو عالمی حالات کی وجہ سے مؤخر کردیا ہے اور کہا ہے کہ پاکستان کو اس وقت متحد ہونا چاہیٔے، اسرائیل کے بارے میں عمران خان کا مؤقف واضح ہے، ان کا مؤقف پوری دنیا جانتی ہے، سوشل میڈیا ان کے بیانات سے بھرا پڑا ہے، اس وقت ہم پاکستانی ان 17 سیٹوں والے، فارم 47 کے حکمرانوں صدر، وزیراعظم اور فیلڈ مارشل کے اسرائیل کے حوالے سے بیان کا انتظار کررہے ہیں۔انہوں نے بتایا بجٹ کے بارے میں عمران خان کہتے ہیں کہ بجٹ الیٹ کیپچر کا بجٹ ہے، 43 لاکھ پڑھے لکھے لوگ پاکستان چھوڑ گئے ہیں، شہباز شریف نے چوتھا بجٹ پیش کیا ہے جس میں عوام پر مزید بوجھ ڈالا گیا ہے، اس بجٹ کے نتیجے میں پاکستان میں مزید غربت بڑھے گی، صوبہ خیبرپختونخواہ میں جو بجٹ پیش ہوا ہے وہ مشاورت کے بعد ہی پاس ہوگا، خیبرپختونخواہ کا بجٹ عمران خان کی اجازت سے پیش ہوا ہے، انہیں پتا تھا کہ بجٹ پیش ہونا ہے تاہم عمران خان نے علی امین گنڈاپور، عمر ایوب اور شبلی فراز سے اپنی ملاقات تک صوبائی بجٹ کی منظوری روک رکھی ہے۔پیٹرن انچیف پی ٹی آئی کی ہمشیرہ نورین نیازی کا کہنا ہے کہ عمران خان لاوارث نہیں ہے عمران خان عام قیدی نہیں جسے یہ جب چاہیں جہاں مرضی اٹھا پھینکیں، 9 مئی کی یہ چاہتے ہیں عمران خان معافی مانگیں جب کہ کل کیس لگا ہوا تھا یہ کچھ ثابت نہیں کر پاتے سب جھوٹ ہیں، یہ عمران خان سے ہار چکے ہیں اور اب عمران خان کے ساتھ یہ بہت کچھ کرنا چاہتے ہیں لیکن جس دن عوام کھڑی ہو گئی یہ لوگ بیٹھ بھی نہیں سکیں گے، اگر ہم اڈیالہ کے باہر بیٹھیں تو کسی کو نہیں بلائیں گی خود لوگ آ جائیں گے۔
.ذریعہ: Juraat
کلیدی لفظ: احتجاجی تحریک کے بارے میں اسرائیل کے
پڑھیں:
جھنگ، زائرین کیلئے زمینی راستوں کی بندش کیخلاف ایم ڈبلیو ایم کی احتجاجی ریلی
رہنمائوں نے کہا کہ عین وقت پر جب زائرین کی روانگی ہوتی ہے زمینی راستے کی بندش سے لاکھوں زائرین کا شیڈول متاثر ہوا ہے۔ رہنمائوں نے حکومت سے فی الفور فیصلہ واپس لینے کا مطالبہ کیا۔ اسلام ٹائمز۔ مجلس وحدت مسلمین تحصیل احمد پور سیال کے زیراہتمام حکومت کی جانب سے چہلم امام حسین علیہ السلام کے موقع پر ایران و عرق جانے والے زائرین کے لیے زمینی راستے کی بندش کے خلاف مجلس وحدت مسلمین کے چیئرمین سینیٹر علامہ راجہ ناصر عباس جعفری کے حکم پر ملک بھر کی طرح جھنگ کی تحصیل احمد پور سیال میں بھی یوم احتجاج منایا گیا، زائرین امام حسین علیہ السلام کے لیے زمینی راستوں کی بندش کے خلاف امام بارگاہ گلشن زہرا اسلام والا سے اڈا پل گاگن تک احتجاجی ریلی نکالی گئی، ریلی کی قیادت مجلس وحدت مسلمین ضلع جھنگ کے صدر مولانا سید روح اللہ کاظمی نے کی۔
ریلی میں عوام کی بڑی تعداد نے شرکت کی۔ ریلی کے شرکاء نے حکومت سے دہشتگردوں کے قلع قمع کرنے، زائرین کے لیے زمینی راستے کھولنے اور اُنہیں محفوظ بنانے کا مطالبہ کیا، رہنمائوں نے کہا کہ عین وقت پر جب زائرین کی روانگی ہوتی ہے زمینی راستے کی بندش سے لاکھوں زائرین کا شیڈول متاثر ہوا ہے۔ رہنمائوں نے حکومت سے فی الفور فیصلہ واپس لینے کا مطالبہ کیا۔
پنجاب کی سرکاری اور پرائیویٹ یونیورسٹیز کی گورننگ باڈیز میں ایم پی ایز کی نمائندگی لازمی قرار