وائٹ ہاؤس میں اہم ملاقات: صدر ٹرمپ نے فیلڈ مارشل سید عاصم منیر کی قائدانہ اور فیصلہ کن صلاحیتوں کو سراہا
اشاعت کی تاریخ: 19th, June 2025 GMT
پاکستان کے چیف آف آرمی اسٹاف فیلڈ مارشل سید عاصم منیر نے جمعرات کے روز امریکی صدر ڈونلڈ ٹرمپ سے وائٹ ہاؤس میں اوول آفس میں تفصیلی ملاقات کی، جس کے بعد دونوں رہنماؤں نے ایک خصوصی ظہرانے میں بھی شرکت کی۔
امریکی وفد میں سیکریٹری خارجہ مارکو روبیو، سینیئر مشیر سٹیو ویٹکوف اور مشرق وسطیٰ کے لیے خصوصی امریکی نمائندہ شامل تھے، جبکہ پاکستانی وفد میں نیشنل سیکیورٹی ایڈوائزر اور وزیر داخلہ بھی شریک تھے۔
ذرائع کے مطابق ملاقات میں آرمی چیف نے پاکستان اور بھارت کے درمیان جنگ بندی کے لیے صدر ٹرمپ کے مثبت اور نتیجہ خیز کردار کو سراہا اور پاکستانی قوم کی جانب سے شکریہ ادا کیا۔ فیلڈ مارشل عاصم منیر نے صدر ٹرمپ کی قیادت میں اقوامِ عالم کو درپیش چیلنجز کو سمجھنے اور ان کا مؤثر حل نکالنے کی قائدانہ صلاحیتوں کی تعریف کی۔
ذرائع کا کہنا ہے کہ صدر ٹرمپ نے انسداد دہشتگردی کے میدان میں پاکستان کے کردار اور خطے میں قیامِ امن کے لیے پاکستانی کوششوں کو خراجِ تحسین پیش کیا۔ ملاقات میں دونوں ممالک نے انسداد دہشتگردی میں جاری تعاون کو مزید مضبوط بنانے پر اتفاق کیا۔
مزید پڑھیں: فیلڈ مارشل عاصم منیر سے ملاقات باعثِ اعزاز، ایران کشیدگی پر بھی بات ہوئی، ڈونلڈ ٹرمپ
دونوں رہنماؤں کے درمیان معاشی، تجارتی اور تکنیکی شعبوں میں تعاون بڑھانے پر بھی تفصیلی بات چیت ہوئی۔ ذرائع کے مطابق فریقین نے مائننگ، منرلز، مصنوعی ذہانت (AI)، انرجی، کرپٹو کرنسی اور دیگر ابھرتے ہوئے شعبہ جات میں تعاون کے امکانات پر تبادلہ خیال کیا اور دوطرفہ مثبت تجارت کے فروغ پر اتفاق کیا۔
ملاقات کے دوران ایران اور اسرائیل کے درمیان جاری تنازع پر بھی تفصیلی تبادلہ خیال ہوا۔ صدر ٹرمپ نے فیلڈ مارشل عاصم منیر کی فیصلہ کن اور تدبرانہ قیادت کی تعریف کی اور انہیں خطے میں امن کے لیے ایک مؤثر آواز قرار دیا۔
ذرائع کے مطابق، آرمی چیف نے صدر ٹرمپ کو حکومت پاکستان کی جانب سے دورہ پاکستان کی باقاعدہ دعوت بھی دی، جسے صدر ٹرمپ نے مثبت انداز میں سنا۔
قابل ذکر امر یہ ہے کہ پہلے سے طے شدہ ایک گھنٹے کی ملاقات غیرمعمولی طور پر 2 گھنٹے تک جاری رہی، جسے دونوں جانب سے خوشگوار، مثبت اور نتیجہ خیز قرار دیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی صدر ڈونلڈ ٹرمپ اوول آفس پاکستان سیکریٹری خارجہ مارکو روبیو سینیئر مشیر سٹیو ویٹکوف فیلڈ مارشل سید عاصم منیر نیشنل سیکیورٹی ایڈوائزر وائٹ ہاؤس.
ذریعہ
ذریعہ: WE News
کلیدی لفظ: امریکی صدر ڈونلڈ ٹرمپ اوول آفس پاکستان سیکریٹری خارجہ مارکو روبیو فیلڈ مارشل سید عاصم منیر نیشنل سیکیورٹی ایڈوائزر وائٹ ہاؤس فیلڈ مارشل کے لیے
پڑھیں:
علامہ ساجد علی نقوی سے علامہ جواد نقوی کی ملاقات، شہید امت کانفرنس میں شرکت کی دعوت دی
ملاقات میں امتِ مسلمہ کے اتحاد، موجودہ حالات میں قومی و ملی ذمہ داریوں اور پروگرام کی تیاری و اہداف پر تبادلۂ خیال کیا گیا۔ مزید برآں علامہ سید جواد نقوی نے 13 جون مینارِ پاکستان ’’شہیدِ اُمت کانفرنس‘‘ میں شرکت اور تعاون کی دعوت بھی پیش کی اور اس پروگرام کو ملتِ اسلامیہ کے اتحاد، بیداری اور استقامت کا اہم ذریعہ قرار دیا۔ اسلام ٹائمز۔ تحریک بیداری امت مصطفیٰ کے سربراہ اور اتحاد امت فورم کے رہنما علامہ سید جواد نقوی نے شیعہ علماء کونسل پاکستان کے سربراہ علامہ سید ساجد علی نقوی صاحب سے ملاقات کی اور ان کی اہلیہ کے انتقال پر تعزیت و تسلیت، فاتحہ خوانی اور دعائے مغفرت کی۔ علامہ سید جواد نقوی نے علامہ سید ساجد علی نقوی کیساتھ 13 جون کو مینارِ پاکستان لاہور میں منعقد ہونے والی ’’شہیدِ اُمت کانفرنس‘‘ کے حوالے سے بھی گفتگو کی۔ ملاقات میں امتِ مسلمہ کے اتحاد، موجودہ حالات میں قومی و ملی ذمہ داریوں اور پروگرام کی تیاری و اہداف پر تبادلۂ خیال کیا گیا۔ مزید برآں علامہ سید جواد نقوی نے 13 جون مینارِ پاکستان ’’شہیدِ اُمت کانفرنس‘‘ میں شرکت اور تعاون کی دعوت بھی پیش کی اور اس پروگرام کو ملتِ اسلامیہ کے اتحاد، بیداری اور استقامت کا اہم ذریعہ قرار دیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ