اعلیٰ معیار کی طبی تعلیم پر کسی بھی قسم کا سمجھوتہ قطعاً قبول نہیں؛ وزیراعظم
اشاعت کی تاریخ: 19th, June 2025 GMT
سٹی 42 : وزیراعظم شہباز شریف نے ملک میں جعلی ادویات کے گھناؤنے کاروبار کے مکمل سد باب کے لیے جدید ٹیکنالوجی کے استعمال کی ہدایت کردی، کہنا ہے کہ اعلیٰ معیار کی طبی تعلیم پر کسی بھی قسم کا سمجھوتہ قطعاً قبول نہیں۔
وزیراعظم شہباز شریف کی زیر صدارت وزارت قومی صحت کے امور کے حوالے سے اجلاس ہوا ۔
وزیراعظم نے شعبہ صحت میں پائیدار اصلاحات کے لیے اقدامات پر وفاقی وزیر صحت سید مصطفی کمال کی متحرک قیادت میں وزارت صحت کی کارکردگی کی پزیرائی کی، کہا کہ پاکستان بھر میں عوام کے لیے صحت کی بہترین سہولیات فراہم کرنا حکومت کی اولین ترجیح ہے۔
اساتذہ کا اسکولوں سے حاضری لگا کر غائب ہونے کا انکشاف
شہباز شریف نے کہا کہ اسلام آباد میں صحت کی سہولیات فراہم کرنے کے لیے رفاحی اداروں اور نجی شعبے کے ساتھ اشتراک کا لائحہ عمل پیش کیا جائے۔
وزیراعظم نے پاکستانی فارما کمپنیوں کی عالمی ادارہ صحت سے اکریڈیٹیشن کرانے کی حوصلہ افزائی کی ہدایت کی، کہا کہ عالمی ادارہ صحت کی اکریڈیٹیشن کرانے سے پاکستانی ادویات کا معیار بہتر ہو سکے گا اور ان ادویات کو برآمد کرنے کے مواقع بڑھیں گے۔
وزیراعظم نے پاکستانی میڈیکل کالجز میں معیاری تعلیم کی فراہمی یقینی بنانے کے لیے کالجز کی تھرڈ پارٹی ویلیڈیشن کی ہدایت کی، کہا کہ پاکستان میں نرسنگ کے شعبے کا جامع ریویو کیا جائے، شعبہ صحت میں اصلاحات کے نفاذ کے عمل میں کسی بھی قسم کی سیاسی مداخلت برداشت نہیں کی جائے گی۔
شہر میں مردہ مرغیوں کی سپلائی کرنےوالامافیاسرگرم
اجلاس میں وزیراعظم کو شعبہ صحت کی ترقی میں حائل رکاوٹوں سے آگاہ کیا گیا اور ان کے پائیدار حل کے حوالے سے سفارشات پیش کی گئیں۔ اس موقع پر دی جانے والی بریفنگ میں بتایا گیا کہ ادویات اور طبی آلات کی رجسٹریشن کے پورے مرحلے کو اگلے مہینے کے اختتام تک مکمل طور پر ڈیجیٹائز کر دیا جائے گا، طبی آلات اور ادویات کی رجسٹریشن کے دورانیے کو ایک سال سے کم کر کے تین ماہ تک لایا جا رہا ہے۔
بریفنگ میں بتایا گیا کہ اسلام آباد میں نئے قائم شدہ بیسک ہیلتھ یونٹس، ریجنل بلڈ سینٹر اور IHITC (Isolation Hospital and Infections Treatment Center) کو مخیر حضرات کے تعاون سے استعمال میں لانے کے لیے منصوبہ بندی پر کام جاری ہے۔
اسٹاک ایکسچینج میں مثبت رجحان، ڈالر سستا ہو گیا
اجلاس میں وفاقی وزیر منصوبہ بندی و ترقی ڈاکٹر احسن اقبال، وفاقی وزیر قومی صحت سید مصطفیٰ کمال، وفاقی وزیر اقتصادی امور احد خان چیمہ، وزیر مملکت برائے صحت ڈاکٹر مختار احمد بھرت اور متعلقہ اداروں کے اعلیٰ افسران شریک تھے۔
.
ذریعہ
ذریعہ: City 42
کلیدی لفظ: وفاقی وزیر کہا کہ کے لیے صحت کی
پڑھیں:
وزیر اعلیٰ سہیل آفریدی نے بجٹ پاس کرنےکی بات کی تو علیمہ خان نے ٹوک دیا
علیمہ خان : فائل فوٹوبانی پاکستان تحریک انصاف (پی ٹی آئی) کی بہن علیمہ خان نے خیبر پختونخوا کا بجٹ پاس کرنے کی بات پر سہیل آفریدی کو تنبیہ کردی۔
راولپنڈی میں میڈیا سے گفتگو کے دوران وزیر اعلیٰ سہیل آفریدی نے بجٹ پاس کرنے کی بات کی تو علیمہ خان نے ٹوک دیا، بانی پی ٹی آئی کی بہن نے کہا کہ آپ بجٹ پاس کیوں کر رہے ہیں؟ ان سے کہیں پہلے میری ملاقات کروائیں۔
وزیر اعلیٰ خیبر پختونخوا سہیل آفریدی گورکھ پور ناکے پر پہنچ گئے، سہیل آفریدی سرکاری پروٹوکول میں گورکھ پور ناکے پر پہنچے۔
علیمہ خان نے کہا کہ بانی پی ٹی آئی نے پچھلے سال بھی کہا تھا میرے ساتھ بجٹ ڈسکس کرو، آپ آج بھی ان سے کہیں بجٹ سے پہلے بانی پی ٹی آئی سے ملاقات کروائیں۔
انہوں نے کہا کہ بانی پی ٹی آئی کو تنہا کیا گیا جو غیر قانونی اور غیر آئینی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ