ڈرائیور کا انوکھا احتجاج، ٹریفک پولیس کو شہد کی مکھیوں سے نشانہ بنایا
اشاعت کی تاریخ: 21st, June 2025 GMT
data-id="863a0a8" data-element_type="widget" data-widget_type="theme-post-content.default">
اسپین کے شہر لیڈا کے ایک قصبے میں ایک انوکھا اور حیران کن واقعہ پیش آیا جب ایک 70 سالہ ڈرائیور نے ٹریفک پولیس اہلکاروں پر شہد کی مکھیاں چھوڑ دیں۔
غیر ملکی میڈیا کے مطابق، ڈرائیور کو ٹریفک پولیس نے تیز رفتاری اور سیٹ بیلٹ نہ پہننے پر روکا۔ اہلکار نے جب معمول کے مطابق اس سے سوالات کیے تو وہ تلخ مزاجی پر اتر آیا، یہاں تک کہ پولیس کو گاڑی چڑھا دینے کی دھمکیاں دینے لگا۔ پولیس کو اس کے رویے سے شبہ ہوا کہ وہ نشے میں ہے، جس پر بریتھلائزر ٹیسٹ کا مطالبہ کیا گیا۔ ڈرائیور مزید بپھر گیا اور پولیس کو جان سے مارنے کی دھمکی دینے لگا۔
صورتحال اس وقت اور بھی عجیب رخ اختیار کر گئی جب ڈرائیور غصے میں اپنی وین کے اندر گیا اور وہاں سے شہد کی مکھیوں کا ایک چھتا نکال کر اہلکاروں پر چھوڑ دیا۔ مکھیوں کے حملے سے پریشان ہوکر دو پولیس اہلکاروں نے قریبی ریسٹورینٹ میں پناہ لی۔
اس دوران ڈرائیور موقع پا کر وین میں بیٹھ کر فرار ہوگیا۔ تاہم پولیس نے بعد میں اسے گرفتار کر کے عدالت میں پیش کیا، جہاں سے اسے ضمانت پر رہا کر دیا گیا۔
یہ واقعہ اسپین میں قانون نافذ کرنے والے اداروں کو پیش آنے والے عجیب و غریب چیلنجز کی ایک مثال کے طور پر سامنے آیا ہے، جس پر عوامی حلقوں میں بھی خاصی حیرت کا اظہار کیا جا رہا ہے۔
.ذریعہ: Jasarat News
کلیدی لفظ: پولیس کو
پڑھیں:
اسلام آباد ـ:پولیس اہلکاروں پرتشدد کرنے والا نوجوان گرفتار
data-id="863a0a8" data-element_type="widget" data-widget_type="theme-post-content.default">
251103-08-10
اسلام آباد (مانیٹرنگ ڈیسک) اسلام آباد میں ٹریفک پولیس اہلکاروں پر تشدد اور ہلڑ بازی کرنے والے نوجوان کو گرفتار کرلیا گیا۔ روزنامہ جنگ کے مطابق پولیس کا کہنا ہے کہ واقعہ گزشتہ رات آئی 8 مرکز میں پیش آیا۔ جہاں نوجوان نے آئی 8 مرکز میں ہلڑ بازی کی اور پولیس اہلکاروں پر تشدد کیا۔ ملزم کی پولیس اہلکاروں سے بدتمیزی اور گالم گلوچ کی وڈیو بھی سامنے آئی تھی۔ وڈیو میں ملزم کو پولیس اہلکاروں سے جھگڑتے اور گالم گلوچ کرتے دیکھا جاسکتا ہے جبکہ بعد ازاں وہ اپنی گاڑی میں بیٹھ کر فرار ہوتا بھی نظر آ رہا ہے۔
سہیل آفریدی نے کابینہ کا اعلان کردیا، کون کون شامل ہیں؟