نائب وزیراعظم اسحاق ڈار کی فیلڈ مارشل سید عاصم منیر کے ہمراہ ترک صدر رجب طیب اردگان سے ملاقات
اشاعت کی تاریخ: 21st, June 2025 GMT
پاکستان کے نائب وزیراعظم و وزیر خارجہ سینیٹر محمد اسحاق ڈار نے آج استنبول میں 51ویں اسلامی تعاون تنظیم (او آئی سی) کونسل آف منسٹرز فورم (سی ایف ایم) کے اجلاس کے دوران فیلڈ مارشل عاصم منیر کے ہمراہ ترکیہ کے صدر رجب طیب اردگان سے ملاقات کی۔
دفتر خارجہ سے جاری بیان کے مطابق ملاقات کے دوران وزیر خارجہ نے ترک صدر کو وزیراعظم محمد شہباز شریف کی طرف سے نیک تمناؤں کا پیغام پہنچایا اور پاکستان کے ترکیہ کے ساتھ دیرینہ برادرانہ تعلقات کی اہمیت پر زور دیا۔
دو رہنماؤں نے دو طرفہ تعلقات کو مزید گہرا اور متنوع بنانے کے عزم کا اعادہ کیا۔
اس موقع پر دونوں رہنماؤں نے ایران پر اسرائیلی حملوں کی سخت مذمت کی جو بین الاقوامی قوانین کی واضح خلاف ورزی ہے۔ انہوں نے ایران کی خودمختاری، علاقائی سالمیت اور حقِ خود دفاع کی حمایت جاری رکھنے کا اعادہ کیا اور حالات کو پرامن طریقے سے حل کرنے کے لیے سفارتی کوششیں جاری رکھنے پر اتفاق کیا۔
نائب وزیر اعظم اسحاق ڈار اور ترک صدر رجب طیب اردگان نے عالمی برادری سے مطالبہ کیا کہ وہ خطے میں امن و استحکام کے لیے اپنا کردار ادا کرے۔
اس ملاقات میں دونوں رہنماؤں نے غزہ میں اسرائیلی جارحیت کو فوری روکنے اور محصور فلسطینیوں کو امدادی سامان کی بلا رکاوٹ فراہمی کی ضرورت پر زور دیا۔
نائب وزیر اعظم اسحاق ڈار نے صدر اردگان کو اسلامی تعاون یوتھ فورم کی طرف سے ان کی قیادت کو تسلیم کرتے ہوئے ایوارڈ سے نوازے جانے اور او آئی سی کے سی ایف ایم اجلاس کے کامیاب انعقاد پر مبارکباد دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: اسحاق ڈار
پڑھیں:
خطے میں تنازعات کے پُرامن حل کیلئے کوششیں جاری رکھیں گے: اسحاق ڈار
اسحاق ڈار---فائل فوٹونائب وزیرِ اعظم اسحاق ڈار نے کہا ہے کہ امریکا ایران تنازع میں پاکستان کی ثالثی کوششوں کو یورپی یونین کی جانب سے سراہا گیا ہے، پاکستان خطے میں امن، سفارت کاری اور تنازعات کے پُرامن حل کے لیے اپنی کوششیں جاری رکھے گا۔
یورپی یونین کی رہنما کایا کالاس کے ساتھ مشترکہ پریس کانفرنس میں انہوں نے کہا کہ آخری یورپی یونین وزٹ 7 سال پہلے ہوا تھا، ہم پچھلے سال بھارت پاکستان جنگ اور ایران امریکا تنازع کے دوران قریبی رابطے میں رہے، آج ہم نے مشترکہ طور پر اسٹریٹیجیک مذاکرات کی صدارت کی، ہم نے پچھلے سال نومبر میں مشترکہ اسٹریٹیجیک مذاکرات کیے تھے، امریکا ایران تنازع کے دوران یورپی یونین کے تعاون کا مشکور ہوں۔
اسحاق ڈار نے کہا کہ ہم نے سیکیورٹی ایشوز اور دہشت گردی کے امور پر بھی بات کی، فتنہ الخوارج اور فتنہ الہندوستان کی افغانستان میں موجودگی پر بھی بات کی، پاکستان اور یورپی یونین کے تعلقات میں مثبت پیشرفت جاری ہے، کایا کالاس کا دورہ اس کا واضح ثبوت ہے۔
یورپی یونین کی خارجہ امور اور سیکیورٹی پالیسی کی سربراہ نے امریکا ایران تنازع کے حل کے لیے پاکستان کےثالثی اقدامات کی تعریف کر دی۔
ان کا کہنا ہے کہ پاکستان اور یورپی یونین کے درمیان آٹھواں اسٹریٹجک ڈائیلاگ اعلیٰ ترین ادارہ جاتی مکالمہ ہے، پاکستان اور یورپی یونین کے درمیان تجارت، سرمایہ کاری اور ترقیاتی تعاون کے فروغ پر اتفاق ہوا، جی ایس پی پلس فریم ورک کے تحت پاکستان اور یورپی یونین کا تجارتی تعاون دونوں فریقوں کے لیے فائدہ مند ہے، اسلام آباد میں پاکستان یورپی یونین بزنس فورم کا انعقاد دو طرفہ اقتصادی تعلقات کے فروغ میں اہم پیش رفت ہے۔
نائب وزیرِ اعظم نے کہا کہ مقبوضہ کشمیر تنازع کا حل کشمیری عوام کی خواہشات اور اقوامِ متحدہ کی قراردادوں کے مطابق ہونا چاہیے، انڈس واٹرز معاہدہ برقرار ہے، حالیہ عدالتی فیصلے نے پاکستان کے مؤقف کی تائید کی ہے، افغان سر زمین سے دہشت گرد عناصر کی پاکستان میں کارروائیاں بدستور ہماری بڑی تشویش ہیں، پاکستان اور یورپی یونین نے دو طرفہ تعلقات کو جامع اور باہمی مفاد پر مبنی شراکت داری میں تبدیل کرنے کے عزم کا اعادہ کیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ