مریم اورنگزیب کا بھیس بدل کر جنرل ہسپتال لاہور کا دورہ
اشاعت کی تاریخ: 21st, June 2025 GMT
بھیس بدل کر لاہور کے جنرل ہسپتال کے دورے کے دوران مریضوں سے بات چیت کرتے ہوئے سینئر صوبائی وزیر نے طبی سہولتوں اور ادویات کی فراہمی سے متعلق دریافت کیا۔ ہسپتال میں ایمرجنسی کی صورتحال تسلی بخش پائی گئی۔ اسلام ٹائمز۔ سینئر صوبائی وزیر مریم اورنگزیب نے بھیس بدل کر لاہور کے جنرل ہسپتال کا دورہ کیا۔ مریم اورنگزیب نے عام شہری کا روپ دھار کر ماسک پہن کر ہسپتال کی ایمرجنسی سمیت مختلف وارڈز، میڈیکل، گائنی اور لیبر رومز کا معائنہ کیا۔ اس دوران مریضوں سے بات چیت کرتے ہوئے مریم اورنگزیب نے طبی سہولتوں اور ادویات کی فراہمی سے متعلق دریافت کیا۔ ہسپتال میں ایمرجنسی کی صورتحال تسلی بخش پائی گئی جبکہ وزیراعلیٰ پنجاب کا آڈیو پیغام بھی سپیکر پر نشر ہو رہا تھا، جس میں مفت ادویات کی فراہمی کا اعلان شامل تھا۔
دورے کے دوران مریم اورنگزیب نے صفائی، عملے کی موجودگی اور طبی سہولتوں پر اطمینان کا اظہار کیا، مریضوں کو ادویات کی مفت فراہمی بھی جاری تھی۔ واضح رہے کہ اس سے قبل بھی 30 مارچ کو مریم اورنگزیب نے جناح ہسپتال اور چلڈرن ہسپتال کا اسی طرح بھیس بدل کر دورہ کیا تھا۔
ذریعہ: Islam Times
کلیدی لفظ: مریم اورنگزیب نے بھیس بدل کر ادویات کی
پڑھیں:
حکومت نے بجٹ میں عوامی فلاح کے کئی اقدامات کیے: وزیر خزانہ محمد اورنگزیب
—فائل فوٹووفاقی وزیر خزانہ محمد اورنگزیب نے کہا ہے کہ حکومت نے بجٹ میں عوامی فلاح کےلیے کئی اقدامات کیے ہیں۔
سینیٹ کے اجلاس میں اظہار خیال کرتے ہوئے انہوں نے کہا کہ ہم نے زر مبادلہ میں اضافہ کیا، افراط زر کم ہوا، وفاقی اخراجات 1.9 فیصد بڑھے جو ماضی میں 12 فیصد تک رہا۔
محمد اورنگزیب کا کہنا تھا کہ درآمد سولر پینلز پر 18 فیصد ٹیکس کا فیصلہ مقامی صنعت کو فروغ دینے کے لیے تھا، اب درآمد شدہ سولر پینلز پر ٹیکس 18 سے کم کر کے 10 فیصد کیا۔
اجلاس میں انکم ٹیکس تجاویز کی شق وار منظوری پر غور کیا جا رہا ہے۔
وزیر خزانہ نے کہا کہ درآمدی سولر پینلز پر ذخیرہ انداوزی کی اطلاعات ملی ہیں، سولر پینلز کی قیمتوں میں پہلے ہی اضافہ کرنے والے عناصر کے خلاف کارروائی ہوگی۔
انہوں نے کہا کہ بی آئی ایس پی کا بجٹ 716 ارب کیا، ایک کروڑ افراد کو مالی مدد ملے گی، فراڈ کیسز میں ایف بی آر کے اختیارات سے متعلق سیف گارڈ شامل کی تاکہ اختیارات کا ناجائز استعمال نہ ہو، ایف بی آر کے اختیارات سے متعلق بعض نکات کو واضح کیا ہے۔
ان کا مزید کہنا تھا کہ اُمید ہے سینیٹ کی 50 فیصد سفارشات کو بجٹ کا حصہ بنائیں گے، استحکام پڑاؤ ہے، منزل نہیں، ہماری کوشش پائیدار ترقی کا حصول ہے۔
محمد اورنگزیب نے یہ بھی کہا کہ ریاست تنخواہ دار طبقے کو بوجھ تلے دبانا نہیں چاہتی، سرکاری ملازم کی تنخواہ میں10 فیصد اور پنشن میں 7 فیصد اضافہ کیا
فیصل قریشی نے نادیہ افگن کی تنقید کا جواب دے دیا