اسرائیل پر ’خیبر شکن‘ میزائلوں کا حملہ، اس تھرڈ جنریشن ہتھیار کی خصوصیات کیا ہیں؟
اشاعت کی تاریخ: 22nd, June 2025 GMT
ایران اور اسرائیل کے درمیان جاری کشیدگی میں نئی پیشرفت سامنے آئی ہے، تازہ ایرانی حملے میں پہلی بار ’خیبر شکن‘ تھرڈ جنریشن میزائلوں کا استعمال کیا گیا ہے۔ یہ نہ صرف خطے میں تذویراتی طاقت کے توازن کو متاثر کرسکتے ہیں بلکہ اسرائیل کی دفاعی صلاحیتوں کے لیے ایک نیا چیلنج بھی بن سکتے ہیں۔
’خیبر شکن‘ تھرڈ جنریشن میزائل: کیا ہے یہ ہتھیار؟ایران نے 2022 میں ’خیبر شکن‘ میزائل متعارف کرایا تھا، جو ’ذوالفقار‘ کلاس میزائل کی جدید شکل ہے۔ اسے ایران کی اسلامی انقلابی گارڈ کور (IRGC) نے ڈیزائن کیا، اور یہ میزائل ایران کے اس اعلان کا حصہ تھا جس میں ’غیر متقارن دفاع‘ کو ترجیح دی گئی ہے۔
رینج: 1,450 کلومیٹر تک
ایندھن: سالڈ فیول، یعنی مائع ایندھن کے برعکس فوری لانچ کی صلاحیت
ریڈار سے بچاؤ: جدید اسٹیلتھ کوٹنگ اور نچلی پرواز کے سبب رڈار کو چکمہ دینے کی صلاحیت
مار کی درستگی: GPS اور انرشیل نیویگیشن سسٹمز سے لیس، ہدف پر دقت کے ساتھ نشانہ بنانے کی صلاحیت
مزید پڑھیں: ایران پر حملوں میں شراکت نہ اجازت اور نہ ہی سہولت دی گئی، پاکستان
وزن اور رفتار: ہلکا وزن ہونے کے باوجود مچ 4 سے مچ 5 تک کی رفتار
خیبر شکن میزائل کی سب سے اہم بات یہ ہے کہ اسے ایسے وقت میں تیار کیا گیا جب ایران پر عالمی پابندیاں عائد تھیں۔ دفاعی تجزیہ کاروں کے مطابق، یہ میزائل خلیجی ریاستوں، اسرائیل، اور امریکی اڈوں تک رسائی رکھتا ہے، اور اگر اسرائیل پر حالیہ حملوں میں اس کا استعمال ہوا ہے تو یہ ایران کی میزائل ٹیکنالوجی میں ایک سنگ میل قرار دیا جا سکتا ہے۔
یہ میزائل دفاعی نظاموں کو توڑنے کی صلاحیت رکھتا ہے، خاص طور پر اگر اسے ڈرونز اور دوسرے میزائلوں کے ساتھ مشترکہ حملے میں استعمال کیا جائے، جیسا کہ ایران نے اپریل اور جون کے حملوں میں کیا۔
بین الاقوامی ردعمل اور تذویراتی تشویشامریکا اور اسرائیل میں دفاعی تھنک ٹینکس اس نئی صورتحال کا گہری نظر سے جائزہ لے رہے ہیں۔ اگر ایران واقعی خیبر شکن میزائل استعمال کر چکا ہے تو اسرائیلی آئرن ڈوم اور ڈیویڈ سلنگ جیسے دفاعی نظاموں کے لیے یہ ایک سنجیدہ چیلنج بن سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل امریکا ایران ایرانی جوہری تنصیبات جوہری تنصیبات خیبر شکن میزائل.ذریعہ: WE News
کلیدی لفظ: اسرائیل امریکا ایران ایرانی جوہری تنصیبات جوہری تنصیبات کی صلاحیت
پڑھیں:
یمن کے اسرائیل کیخلاف کامیاب میزائل اور ڈرون حملے
ترجمان یجیٰ سریع نے کہا ہے کہ یمنی افواج نے صیہونی ریاست کے علاقے تل ابیب کو ہائپرسونک میزائل فلسطین 2 سے نشانہ بنایا ہے۔ اسلام ٹائمز۔ یمن اسلامی کی مسلح افواج کے ترجمان یجیٰ سریع نے کہا ہے کہ یمنی افواج نے صیہونی ریاست کے علاقے تل ابیب کو ہائپرسونک میزائل فلسطین 2 سے نشانہ بنایا ہے۔ انہوں نے بتایا کہ میزائل نے کامیابی سے ھدف کو نشانہ بنایا اور ہزاروں صیہونی پناہ گاہوں میں جا چھپے۔ انہوں نے کہا کہ اسی ایک گھنٹے میں یمنی افواج نے مقبوضہ فلسطین میں بندرگاہ ام الرشراش اور بئر السبع میں حساس مقام کو تین ڈرون حملوں کا نشانہ بنایا ہے۔ واضح رہے کہ اکتوبر 2023 کے بعد سے اسرائیلی اور امریکی جارحیت کے باوجود یمنی افواج نے فلسطینی مظلومین کی حمایت میں سمندروں کی ناکہ بندی کر رکھی ہے اور مسلسل اسرائیل کو میزائل اور ڈرون حملوں کا نشانہ بنا رہے ہیں۔
ٹی20 میں قومی ٹیم کی ناقص کارکردگی: فواد چوہدری بابر اعظم اور محمد رضوان کے حق میں بول پڑے