حق خودارادیت کے مطالبے پر زور دینے کے لئے راول گلی آزاد کشمیر میں ریلی
اشاعت کی تاریخ: 22nd, June 2025 GMT
پاسبان حریت جموں و کشمیر کے زیرِ اہتمام ریلی میں بزرگوں، نوجوانوں اور بچوں سمیت شہریوں کی کثیر تعداد نے شرکت کی۔ اسلام ٹائمز۔ ریاست جموں و کشمیر کے سیاسی مستقبل کے تعین کی خاطر حق خودارادیت کے مطالبے پر زور دینے کے لئے آزاد جموں و کشمیر کے علاقے راول گلی میں ایک ریلی کا انعقاد کیا گیا۔ ذرائع کے مطابق پاسبان حریت جموں و کشمیر کے زیرِ اہتمام ریلی میں بزرگوں، نوجوانوں اور بچوں سمیت شہریوں کی کثیر تعداد نے شرکت کی۔ ریلی کے شرکاء نے بینرز اورکتبے اٹھا رکھے تھے جن پر مقبوضہ جموں و کشمیر میں جاری بھارتی مظالم کی مذمت کی گئی۔ احتجاجی مظاہرین نے مقبوضہ جموں و کشمیر میں جاری بھارتی بربریت کیخلاف شدید نعرے بازی کی۔ شرکائے ریلی ”جس کشمیر کو خون سے سینچا وہ کشمیر ہمارا ہے”،”خون رنگ لائے گا انقلاب آئے گا”،”یہ جنگ ہے جنگ آزادی”،”بھارت سے لیں گے آزادی”جیسے نعرے لگا رہے تھے۔ مقررین نے ریلی سے خطاب کرتے ہوئے کہا کہ جموں و کشمیر کے عوام بھارت کے جبری قبضے کو مسترد کرتے ہیں۔ انہوں نے کہا کہ مسئلہ کشمیر کو حل کئے بغیر خطے میں امن قائم نہیں ہو سکتا۔ انہوں نے کہا کہ کشمیری عوام سلامتی کونسل کی قراردادوں کے مطابق حق خودارادیت، آزادی، انصاف اور امن چاہتے ہیں۔ مقررین نے کہا کہ جنوبی ایشیا میں قیام امن کشمیر کی آزادی سے وابستہ ہے۔انہوں نے اقوام متحدہ کی سلامتی کونسل سے مطالبہ کیاکہ وہ جموں و کشمیر میں رائے شماری کا اپناںوعدہ پورا کرے۔ مقررین نے دنیا کے مہذب ممالک پر زورںدیا کہ و ہ مسئلہ کشمیر کے حل کیلئے اقدامات کریں۔ انہوں نے کہابکہ آزاد کشمیر کے عوام مقبوضہ جموں وکشمیر کی آزادی کے لئے ہر لمحہ تیار ہیں اور ہماری جدوجہد حصول آزادی تک جاری رہے گی۔ ریلی سے دیگر لوگوں کے علاوہ پاسبان حریت کے چیئرمین عزیر احمد غزالی، وائس چیئرمین عثمان علی ہاشم، محمد شفقت کھوکھر، محمد فیاض خان، سید رفاقت گیلانی، محمد ارشاد تانترے اور محمد صدیق قریشی نے بھی خطاب کیا۔
.ذریعہ: Islam Times
کلیدی لفظ: جموں و کشمیر کے انہوں نے کہا کہ نے کہا
پڑھیں:
آزاد کشمیر و گلگت بلتستان میں ٹیکنالوجی انقلاب، 100 آئی ٹی سیٹ اپس کی تکمیل
data-id="863a0a8" data-element_type="widget" data-widget_type="theme-post-content.default">
اسپیشل کمیونیکیشن آرگنائزیشن (ایس سی او) نے اپنے ’’ویژن 2025‘‘ کے تحت آزاد جموں و کشمیر اور گلگت بلتستان میں جدید ٹیکنالوجی کے فروغ کے لیے غیر معمولی اقدامات مکمل کرلیے ہیں۔
ادارے نے نوجوانوں کو ڈیجیٹل دنیا میں بااختیار بنانے کے لیے نہ صرف 100 جدید آئی ٹی سیٹ اپس قائم کیے ہیں بلکہ مقامی معیشت اور روزگار کے نئے دروازے بھی کھول دیے ہیں۔
ایس سی او کے مطابق یہ منصوبے دو برس کے مختصر ترین عرصے میں پایۂ تکمیل تک پہنچے، جن سے تقریباً 20 ملین ڈالر کے مساوی غیر ملکی زرمبادلہ حاصل ہوا۔ ادارے کے ڈائریکٹر جنرل نے بتایا کہ ان آئی ٹی پارکس کے ذریعے خطے کے نوجوانوں کے لیے تربیت، روزگار اور خود انحصاری کے مواقع پیدا کیے گئے ہیں۔
انہوں نے کہا کہ ایس سی او نہ صرف مواصلاتی ڈھانچے میں جدت لا رہا ہے بلکہ ڈیجیٹل پاکستان کے خواب کو حقیقت میں بدلنے کے لیے بھی کلیدی کردار ادا کر رہا ہے۔
’’ویژن 2025‘‘ کے تحت ادارے نے 700 سے زائد افراد کو براہِ راست روزگار فراہم کیا، جب کہ 1500 سے زائد فری لانسرز کو جدید سہولتوں سے آراستہ کر کے انہیں عالمی مارکیٹ میں قدم رکھنے کے قابل بنایا۔
مظفرآباد میں خواتین کے لیے ملک کا پہلا ’’سافٹ ویئر ٹیکنالوجی پارک‘‘ بھی اسی وژن کا حصہ ہے، جو خواتین کو آئی ٹی کے شعبے میں خود مختار بنانے کی جانب اہم قدم سمجھا جا رہا ہے۔
علاوہ ازیں خصوصی افراد کے لیے خودمختار رہائشی مراکز کا قیام بھی ایس سی او کی سماجی شمولیت کی پالیسی کا حصہ ہے۔ ان اقدامات کے ذریعے ادارہ نہ صرف علاقے میں ڈیجیٹل تبدیلی کی راہ ہموار کر رہا ہے بلکہ خطے کو جدید معیشت کا حصہ بنانے کے عزم پر گامزن ہے۔
ایس سی او کے مطابق یہ منصوبے گلگت بلتستان اور آزاد کشمیر میں ٹیکنالوجی کے نئے دور کا آغاز ہیں، جہاں نوجوان نسل کو نہ صرف جدید مہارتیں دی جا رہی ہیں بلکہ انہیں عالمی سطح پر مسابقت کے لیے تیار کیا جا رہا ہے۔
ملک بھر میں انٹرنیٹ سروسز کیوں متاثر ہیں؟