سید عباس عراقچی کی کینیڈین وزیر خارجہ سے ٹیلیفونک گفتگو
اشاعت کی تاریخ: 22nd, June 2025 GMT
انیتا آنند سے اپنی ایک ٹیلیفونک گفتگو میں ایرانی وزیر خارجہ کا کہنا تھا کہ تمام حکومتوں اور اقوام متحدہ کی سلامتی کونسل کی ذمے داری ہے کہ وہ حالیہ جارحیت کو رکوائیں اور اسرائیل کو اس قانون شکنی پر جوابدہ ٹھہراتے ہوئے سزا دلوائیں۔ اسلام ٹائمز۔ گزشتہ شب اسلامی جمہوریہ ایران کے وزیر خارجہ "سیدعباس عراقچی" اور ان کی کنیڈین ہم منصب "انیتا آنند" کے درمیان ٹیلیفونک رابطہ ہوا۔ جس میں ایران کے خلاف مسلسل صیہونی جارحیت کے بارے میں تبادلہ خیال کیا گیا۔ اس دوران سید عباس عراقچی نے اسرائیلی حملوں میں سائنس دانوں، دانشوروں و عسکری شخصیات سمیت نہتے شہریوں بالخصوص بچوں کی شہادتوں اور سول انفراسٹرکچر کو نشانہ بنائے جانے کی تفصیلات بیان کیں۔ انہوں نے کہا کہ یہ تمام حکومتوں اور اقوام متحدہ کی سلامتی کونسل کی ذمے داری ہے کہ وہ حالیہ جارحیت کو رکوائیں اور اسرائیل کو اس قانون شکنی پر جوابدہ ٹھہراتے ہوئے سزا دلوائیں۔
سید عباس عراقچی نے صیہونی رژیم کی جانب سے ایران کے پُرامن جوہری پروگرام کو نشانہ بنانے کی طرف توجہ دلاتے ہوئے کہا کہ یہ جارحانہ اقدام، ایران کے جوہری معاملات پر ہونے والی بات چیت کے درمیان کیا گیا جو تمام بین الاقوامی قوانین اور اقوام متحدہ کے چارٹر کی کھلی خلاف ورزی ہے۔ اس موقع پر انہوں نے اسرائیل کی جارحیت کے اثرات کے بارے میں دنیا بھر کے ممالک سے اپنی سفارتی مشاورتوں کا ذکر کیا۔ اس ضمن میں انہوں نے کہا کہ موجودہ تنازعے میں امریکہ کی شمولیت اور حمایت ایک بڑی غلطی ہے، جس سے پورے مشرقِ وسطیٰ اور اس سے باہر بھی جنگ پھیل سکتی ہے۔ دوسری جانب انیتا آنند نے خطے میں بگڑتی ہوئی سلامتی کی صورت حال پر تشویش کا اظہار کیا۔ انہوں نے کہا کہ اس مسئلے کو صرف سفارتی زریعے سے ہی حل کیا جا سکتا ہے جس میں وہ تعاون کے لیے تیار ہیں۔
ذریعہ: Islam Times
کلیدی لفظ: ایران کے انہوں نے کہا کہ
پڑھیں:
ائیر ایران کی پہلی پرواز کل کوئٹہ پہنچ جائیگی، علی رضا رجائی
اپنے ویڈیو پیغام میں قائمقام قونصل جنرل نے کہا کہ پاکستانی قوانین کے پابند ہیں۔ متعلقہ حکام کی منظوری پر زائرین کو ویزہ فراہم کر دینگے۔ انہوں نے کہا کہ زائرین کے مسائل حل کرنیکی کوشش کر رہے ہیں۔ ائیر ایران کی پہلی پرواز کل کوئٹہ پہنچ جائیگی۔ اسلام ٹائمز۔ کوئٹہ میں تعینات اسلامی جمہوریہ ایران کے قائمقام قونصل جنرل علی رضا رجائی نے کہا ہے کہ زائرین کرام کے لئے ائیر ایران کی پہلی پرواز کھل پہنچ جائے گی۔ زائرین کے مسائل حل کرنے کی کوشش کر رہے ہیں۔ پاکستانی قوانین کے پابند ہیں، متعلقہ حکام کی منظوری پر فوری ویزہ جاری کر دیں گے۔ اپنے ویڈیو پیغام میں انہوں نے کہا کہ کوئٹہ میں امور خارجہ کے اسسٹنٹ پروٹوکول افسر سے میری بات ہوئی اور ان کو ایرانی پروازوں کے حوالے سے بریفنگ دی گئی، جس کا افتتاح 7 اگست کو ہے۔ یہ پرواز کل کوئٹہ آئے گی، جس کے بعد زائرین کو خدمات مہیا کی جا سکتی ہیں اور زائرین کو بھی اس حوالے سے مسئلہ نہیں ہوگا۔ ہمارے قونصل خانے نے گورنر ہاؤس سمیت دیگر متعلقہ اداروں سے بھی رابطہ کیا ہے کہ اگر زائرین بائی روڈ سفر نہیں کر سکتے تو پھر وہ پروازوں پر سفر کر سکتے ہیں۔ اگر اس حوالے سے ہمیں کوئی سرکاری نوٹ ملتا ہے تو ہم زائرین کی مدد ضرور کریں گے۔ ان کا ویزہ جاری کرنا ہمارے لئے کوئی مسئلہ نہیں ہوگا۔
انہوں نے اس بات پر تاکید کرتے ہوئے کہا کہ ہم پاکستانی حکومت کے قوانین کا خیال رکھتے اور عزت کرتے ہوئے عمل کریں گے۔ ہمارا رویہ تعاون کی بنیاد پر ہوگا۔ کچھ ایسی باتیں سوشل میڈیا پر وائرل ہوئی تھیں، جو درست نہیں تھی۔ ہمارے حکام اور یہاں کے حکام کی نظر سے ہی ہم عمل کریں گے، ہمیں جو ہدایات ملیں گی، ہم اسی پر عمل کریں گے۔ انہوں نے کہا کہ اس حوالے سے زائرین کے جتنے نام ہیں، وہ متعلقہ حکام کو بھیج دی ہے اور ان کی منظوری کا انتظار کر رہے ہیں۔ کچھ سیکٹرز ایسے ہیں جن کی کوشش تھی کہ ان باتوں کا غلط فائدہ اٹھایا جائے اور وہ اپنے مفادات کی تلاش میں تھے۔ حالانکہ ہم یہ بتانا چاہتے ہیں کہ ہم دوستانہ تعامل اور پروٹوکول کی بنیاد پر عمل کریں گے۔ ہمیں یہی امید ہے کہ آپ زیارات جا سکیں گے۔ انہوں نے مزید کہا کہ اگر ایران ائیر کی پہلی پرواز کامیاب ہوجاتا ہے تو اس سے بڑی پروازیں رکھ سکتے ہیں، تاکہ زائرین کو لے جانے پر فوری طور پر کام ہو سکے اور زائرین کو اس حوالے سے کوئی مسئلہ نہ ہوں۔ انہوں نے کہا کہ شیخ ولایت حسین جعفری سے ہمارا رابطہ ہے۔ ہم نے زائرین کی فہرست بھی مہیا کیں، اور ان سے درخواست کی کہ متعلقہ حکام سے منظوری لیں۔ ہم منظوری کا ہی انتظار کر رہے ہیں۔ جیسے ہی ہمیں سرکاری نوٹ مل جاتا ہے تو ویزہ جاری کرنے میں ہمارے لئے کوئی مسئلہ نہیں ہوگا۔
’جن طیاروں کی پوجا لیموں اور مرچ سے کی گئی تھی، وہ کہاں گئے‘؟ بھارتی لوک سبھا میں ہنگامہ