امریکا کی ایران پر جارحیت کیخلاف جماعت اسلامی کا یومِ احتجاج، کل ملک گیر مظاہروں کا اعلان
اشاعت کی تاریخ: 22nd, June 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: امیر جماعت اسلامی پاکستان حافظ نعیم الرحمٰن نے امریکا کی جانب سے ایران پر کیے گئے حملے کی شدید مذمت کرتے ہوئے کل ملک بھر میں یومِ احتجاج منانے کا اعلان کیا ہے۔
یوتھ ڈیجیٹل سمٹ سے خطاب کرتے ہوئے حافظ نعیم الرحمٰن نے امریکی صدر ڈونلڈ ٹرمپ کو شدید تنقید کا نشانہ بناتے کہاکہ کل ٹرمپ نے دعویٰ کیا تھا کہ وہ دو ہفتے انتظار کریں گے، مگر حملہ پہلے ہی دن کر دیا، جو ان کی دوغلی پالیسی اور غیر اخلاقی طرزِعمل کا ثبوت ہے۔
حافظ نعیم الرحمٰن نے کہا کہ امریکا نے اسرائیل کی پشت پناہی کے بعد اب کھل کر امت مسلمہ کے خلاف محاذ کھول دیا ہے، ایران پر کیا گیا امریکی حملہ دراصل پوری مسلم دنیا کے خلاف جارحیت ہے جو عالمی امن کو سنگین خطرات سے دوچار کر سکتا ہے۔
انہوں نے تمام جماعتی ذمہ داران کو ہدایت کی ہے کہ کل بروز پیر کو پورے ملک میں “امریکا مردہ باد” کے نعرے کے تحت احتجاجی مظاہرے کیے جائیں اور عوام کو بھی اس مظاہرے میں شرکت کی دعوت دی جائے۔
امیر جماعت اسلامی نے مزید کہا کہ اگر امریکا نے جنگی کارروائیوں کا سلسلہ نہ روکا تو جماعت اسلامی ملک گیر احتجاجی تحریک کو مزید منظم اور وسیع کرے گی۔
انہوں نے مزید کہا کہ امریکا صرف طاقت کی زبان سمجھتا ہے اور اخلاقی اقدار کو پامال کر رہا ہے،امریکا کا زوال شروع ہو چکا ہے اور دنیا بھر کے باضمیر انسانوں کو ظالموں کے خلاف متحد ہونا ہوگا۔
انہوں نے اسرائیل کے مظالم کا ذکر کرتے ہوئے کہا کہ پچھلے پونے دو سال سے فلسطین میں مسلمانوں کا قتل عام جاری ہے اور عالمی برادری خاموش تماشائی بنی ہوئی ہے۔
.ذریعہ: Jasarat News
کلیدی لفظ: جماعت اسلامی
پڑھیں:
اسرائیل کیخلاف ایران کی جوابی کارروائی قابل تحسین، ضیاءالدین انصاری
وفد نے ایران پر اسرائیلی دہشتگردی کی شدید الفاظ میں مذمت کی اور جماعت اسلامی کی قیادت نے اسرائیل خلاف ایران کی مکمل حمایت کا اعلان کیا۔ ضیاءالدین انصاری ایڈووکیٹ نے اسرائیلی جارحیت کیخلاف ایران کے بھرپور جوابی حملے پر تحسین کی۔ اسلام ٹائمز۔ امیر جماعت اسلامی لاہور ضیاءالدین انصاری ایڈووکیٹ نے وفد کے ہمراہ ایرانی قونصلیٹ کا دورہ کیا اور قائم مقام قونصلیٹ محمد حسین حسینی اور ڈائریکٹر جنرل خانہ فرہنگ ایران ڈاکٹر اصغر مسعودی سے ملاقات کی۔ وفد نے ایران پر اسرائیلی دہشتگردی کی شدید الفاظ میں مذمت کی اور جماعت اسلامی کی قیادت نے اسرائیل خلاف ایران کی مکمل حمایت کا اعلان کیا۔ ضیاءالدین انصاری ایڈووکیٹ نے اسرائیلی جارحیت کیخلاف ایران کے بھرپور جوابی حملے پر تحسین کی۔
وفد کی اسرائیل کے دہشتگرد حملے میں فوجی افسروں، جوہری سائنسدانوں اور عام شہریوں کی شہادت پر اظہار تعزیت کی۔ جماعت اسلامی کے وفد میں سیکرٹری جماعت اسلامی لاہور اظہر بلال، نائب امراء لاہور انجینئر اخلاق احمد، خالد احمد بٹ، چودھری محمد شوکت، صدر جے آئی یوتھ لاہور جبران بٹ اور ڈپٹی سیکرٹری قیصر شریف بھی موجود تھے۔ اس موقع پر گفتگو کرتے ہوئے امیر جماعت اسلامی لاہور ضیاءالدین انصاری نے کہا کہ اسرائیلی دہشتگردی کیخلاف پورا پاکستان ایران کیساتھ کھڑا ہے۔
بجٹ کے فوری بعد بلدیاتی انتخابات کرائیں گے:عظمیٰ بخاری