کے الیکٹرک کی 4.69 روپے ریلیف کی درخواست ایک ہفتے کیلیے مؤخر
اشاعت کی تاریخ: 23rd, June 2025 GMT
اسلام آباد:
نیپرا میں کے الیکٹرک کی ایف سے اے سے متعلق ریلیف کی درخواست ایک ہفتے کے لیے مؤخر کر دی گئی۔
کے الیکٹرک نے اپریل کے لیے 4 روپے 69 پیسے کی کمی مانگ رکھی ہے۔ سماعت شروع ہوتے ہی پاور ڈویژن نے سماعت کو مؤخر کرنے کی استدعا کی۔
پاور ڈویژن حکام کے مطابق کے الیکٹرک سے متعلق ایک نظرثانی درخواست دائر کی ہوئی، ایف سی اے کی درخواست میں ریلیف سے یونیفارم ٹیرف نہیں رہے گا۔ وفاقی حکومت ایف سی اے کی مد میں 21 ارب کی سبسڈی دے چکا۔
حکام نے کہا کہ ہم آئی ایم ایف پروگرام میں ہیں اور اس طرح کے اقدامات مشکلات پیدا کریں گے، ایڈجسٹمنٹ کے لیے فِسکل اسپیس نکالنے کی کوشش ہوگی۔
وفاقی حکومت نے خط عوامی آراء کے لیے نیپرا ویب سائٹ پر جاری کرنے کا فیصلہ کیا ہے، پاور ڈویژن کی درخواست پر نیپرا نے دوبارہ اشتہار جاری کرنے کا فیصلہ کیا۔
نیپرا حکام نے کہا کہ سماعت آئندہ ہفتے رکھی جائے گی تمام اسٹیک ہولڈرز اپنے کمنٹس جمع کروا دیں، ایف سی اے کی سماعت عوامی ہوتی ہے، آپ کی درخواست کا وقت انتہائی نا مناسب ہے۔
دوران سماعت، چیئرمین نیپرا نے سوال اٹھایا کہ ایف سی اے کا سبسڈی کے ساتھ کیا تعلق ہے؟ سبسڈی ایف سی اے کی بیچ میں کہاں سے آگئی؟
حکام پاور ڈویژن نے کہا کہ ہم معذرت خواہ ہیں اور تجزیہ کرنے میں وقت لگ گیا۔ چیئرمین نیپرا نے کہا کہ یہ کون سا طریقہ ہے کہ سماعت کے دوران درخواست آئے۔ پاور ڈویژن نے کہا کہ کوارٹرلی ایڈجسٹمنٹ میں ایکچوئل ریفرنس سے ہٹ کر فیصلہ بھی آتا ہے۔
چیئرمین نیپرا نے سوال اٹھایا کہ کوارٹرلی اور ایف سی اے کا آپس میں کیا تعلق ہے، یہ بتائیں؟ ساری تکنیکی بحث ہے ہم اس پر یہاں نہیں بات کر سکتے۔
حکام پاور ڈویژن نے کہا کہ ریگولیٹر کا کوئی فیصلہ بھی آتا ہے تو ٹیرف کے لیے رکھی گئی رقم کا تعین ہوتا ہے، یونیفارم ٹیرف کے لیے ایف سی اے کو بھی شامل کرنے کی سمری تیار کی ہے، سمری کابینہ میں جائے گی اور اگر منظور ہو جاتی ہے تو آج کی سماعت غیر مؤثر ہو سکتی ہے، ابھی بھی اسطرح کے اقدامات کے لئے 125 ارب روپے رکھے گئے ہیں۔
چئیرمین نیپرا نے کہا کہ کتنا عرصہ آپ یہ ریلیف روک سکتے ہیں دو، چار، چھ ماہ بعد کیا کریں گے؟ ممبر نیپرا پنجاب نے کہا کہ ایف سی اے تو یونیفارم ہے ہی نہیں۔
چیئرمین نیپرا نے کہا کہ سماعت کے لیے ریگولیٹر نے ایک طریقہ کار طے کر رکھا ہے، اخبارات میں اشتہار ہوتا ہے سماعت میں شہری شریک ہوتے ہیں، عوامی سماعت کا تاثر انتہائی غیر مؤثر کرنے کی کوشش کی جا رہی ہے۔
پاور ڈویژن کی درخواست مؤخر کرنے کی استدعا پر سی ای او کے الیکٹرک نے ردعمل دیتے ہوئے کہا کہ کے الیکٹرک وہی پاس آن کرے گی جو نیپرا اتھارٹی دے گا، کے الیکٹرک کا گزشتہ سالوں ایف سی اے پازیٹو ہوتا تھا، باقی ڈسکوز کا تب ایف سی اے نیگیٹو ہوتا تھا۔
سی ای او کے الیکٹرک نے کہا کہ صارفین کو مہنگی بجلی ملتی تھی تب ٹیرف پر اثر کیوں نہیں پڑتا تھا، انصاف کے تقاضوں کو برقرار رکھ کر ریگولیٹر جو فیصلہ کرے ہمیں قبول ہے۔
.ذریعہ: Express News
کلیدی لفظ: چیئرمین نیپرا نے پاور ڈویژن نے ایف سی اے کی کی درخواست کے الیکٹرک نے کہا کہ کرنے کی کے لیے
پڑھیں:
لاہور ہائیکورٹ، مشی پر پابندی کیخلاف درخواست سماعت کیلئے مقرر
درخواست میں عدالت سے استدعا کی گئی کہ ہوم ڈیپارٹمنٹ کا جاری کردہ نوٹیفیکیشن کالعدم قرار دیا جائے اور شہریوں کو آئین کے تحت حاصل مذہبی آزادی کو یقینی بنایا جائے۔ عدالت نے متعلقہ حکام کو نوٹس جاری کرتے ہوئے ہدایت کررکھی ہے کہ پابندی کے اس نوٹیفیکیشن کے جواز پر تفصیلی جواب جمع کرایا جائے۔ کیس کی مزید سماعت 25 ستمبر کو ہوگی۔ اسلام ٹائمز۔ لاہور ہائیکورٹ نے مشی واک پر پابندی کیخلاف دائر درخواست 25 ستمبر کو سماعت کیلئے مقرر کر دی۔ جسٹس احمد ندیم ارشد، المصطفی لائرز فورم کی جانب سے دائر پٹیشن پر سماعت کریں گے۔ عدالت نے فریقین کو نوٹس جاری کرتے ہوئے جواب طلب کررکھا ہے۔ درخواست میں مؤقف اختیار کیا گیا کہ آئین پاکستان ہر شہری کو اپنے عقائد کے مطابق مذہبی آزادی کی ضمانت دیتا ہے۔ وکیل درخواست گزار نے کہا کہ ہوم ڈیپارٹمنٹ پنجاب نے مشی واک پر پابندی کا نوٹیفیکیشن جاری کیا، جو غیرقانونی اور بنیادی انسانی حقوق کی صریحاً خلاف ورزی ہے۔
وکیل نے عدالت کو بتایا کہ مشی واک ایک مذہبی روایت ہے اور اس پر پابندی آئین میں دی گئی مذہبی آزادی کے اصولوں کی نفی ہے۔ اس نوٹیفیکیشن کے ذریعے شہریوں کو اپنے مذہبی عقائد پر عمل کرنے سے روکا جا رہا ہے، جو کسی صورت قابل قبول نہیں۔ درخواست میں عدالت سے استدعا کی گئی کہ ہوم ڈیپارٹمنٹ کا جاری کردہ نوٹیفیکیشن کالعدم قرار دیا جائے اور شہریوں کو آئین کے تحت حاصل مذہبی آزادی کو یقینی بنایا جائے۔ عدالت نے متعلقہ حکام کو نوٹس جاری کرتے ہوئے ہدایت کررکھی ہے کہ پابندی کے اس نوٹیفیکیشن کے جواز پر تفصیلی جواب جمع کرایا جائے۔ کیس کی مزید سماعت 25 ستمبر کو ہوگی۔
کم عمر بچوں کے فیس بک اور ٹک ٹاک استعمال پر پابندی