ٹیکس ڈیفالٹر ہونے پر تھانہ سمن آباد کی عمارت سربمہر
اشاعت کی تاریخ: 23rd, June 2025 GMT
علی ساہی :محکمہ ایکسائز کی جانب سے پراپرٹی ٹیکس ڈیفالٹرز کے خلاف کارروائیاں جاری ہیں۔
ای ٹی او عامر مجید کا کہنا تھا کہ پراپرٹی ٹیکس ڈیفالٹر تھانہ سمن آباد کی عمارت کو سربمہر کردیا گیا،انتظامیہ کو بار بار نوٹسز کے باوجود پراپرٹی ٹیکس ادا نہیں کیا گیا،تھانے کی عمارت کے ذمہ 23 لاکھ سے زائد کا ٹیکس واجب الادا ہے،ٹیکس کی وصولی کے لئے ڈی آئی جی آفس سے بھی مراسلہ لکھ کر رابطہ کیا گیا۔
وزیر اعظم کا قومی سلامتی کمیٹی کا اہم اجلاس طلب
اُن کا مزید کہنا تھا کہ پولیس انتظامیہ کرائے کی مد میں پراپرٹی ٹیکس کی مد میں جمع کروائے،تاحال ادائیگی نہ ہونے کی وجہ سے سربمہری کا نوٹس چسپاں کردیا گیا ہے،تھانے کی ورکنگ کو مدنظر رکھتے ہوئے تالہ بندی نہیں کی گئی۔
ایکسائزحکام کے مطابق صوبہ بھر میں ڈیفالٹر کمرشل پراپرٹیز کی سربمہری کا کام جاری ہے،مالکان کی جانب سے عدم ادائیگی سے سربمہری کا عمل جاری رہےگا۔
روس اور چین کی ایران پر امریکی حملے کی مذمت
.ذریعہ: City 42
پڑھیں:
تنخواہ دار طبقے کےلیے مزید ریلیف کا اعلان، 75 سال سے زائد پنشنرز ٹیکس سے مستثنیٰ قرار
اسلام آباد(نیوز ڈیسک)وزیرخزانہ محمد اورنگزیب نے تنخواہ دار طبقے کو مزید ریلیف دینے کا اعلان کردیا جبکہ 75 سال سے زائد عمرکے پنشنرز کسی بھی ٹیکس سے مستثنیٰ قرار دیدیا۔
قومی اسمبلی اجلاس میں اظہار خیال کرتے ہوئے وزیرخزانہ محمداورنگزیب نے کہا کہ تنخواہ دار طبقے کو مزید ریلیف دیں گے، 6 سے12 لاکھ آمدن پر ٹیکس شرح مزید کم کرکے ایک فیصد کرنے کا فیصلہ کیا۔
محمداورنگزیب نے کہا کہ ٹیکس دائرہ کار کو بڑھایا جائے گا، سالانہ ایک کروڑ سے زائد پنشن وصول کرنے والوں پرٹیکس لگایا تاہم 75 سال سے زائد عمر کے پنشنر کسی بھی ٹیکس سے مستثنیٰ ہیں۔
وزیرخزانہ نے کہا کہ درآمدی سولرپینلز پر ٹیکس18فیصد سے کم کرکے 10 فیصد کردیا، ای وی پالیسی پر مشاورت جاری ہے، صنعتی پالیسی کا اعلان جلد کیا جائے گا، حکومتی اخراجات کو کنٹرول کیا، کاروباری ماحول میں بہتری لارہے ہیں۔
انہوں نے مزید کہا کہ حکومت نے کسانوں کوقرض دینے کیلئے پروگرام بنایا ہے، پروگرام کے تحت کسانوں کو آسان شرائط پرقرضے فراہم کریں گے۔
وزیرخزانہ کی تقریر کے دوران اپوزیشن کی شدید نعرے بازی، پی ٹی آئی ارکان نے ایجنڈے کی کاپیاں پھاڑ دیں۔ بعد ازاں قومی اسمبلی کا اجلاس3بجے تک ملتوی کردیا گیا۔
سینیٹ اجلاس ، وزیرمملکت عون چودھری اور پی ٹی آئی رکن میں تلخ کلامی