گزشتہ تین ہفتوں میں 4 لاکھ سے زائد شہری لائسنسنگ سہولیات سے مستفید
اشاعت کی تاریخ: 23rd, June 2025 GMT
سٹی42: ایڈیشنل آئی جی ٹریفک کے احکامات پر صوبہ بھر میں ڈرائیونگ لائسنس کے اجرا کا سلسلہ زور و شور سے جاری ہے، جس کے تحت گزشتہ تین ہفتوں میں 4 لاکھ 76 ہزار سے زائد شہریوں نے لائسنسنگ سہولیات سے فائدہ اُٹھایا۔
ترجمان کے مطابق 1 لاکھ 58 ہزار سے زائد شہریوں نے لرننگ لائسنس بنوائے، 1 لاکھ 69 ہزار سے زیادہ شہریوں کو ریگولر ڈرائیونگ لائسنس جاری کیے گئے،1 لاکھ 44 ہزار سے زائد افراد نے اپنے لرننگ و ریگولر لائسنس کی تجدید کروائی۔
اس کے علاوہ 3 ہزار سے زائد افراد کو انٹرنیشنل ڈرائیونگ پرمٹ جاری ہوئے، 67 ہزار سے زائد شہریوں نے جدید آن لائن لائسنسنگ پورٹل سے گھر بیٹھے فائدہ اُٹھایا، 11 ہزار سے زائد خواتین نے بھی سہولیات سے فائدہ حاصل کیا اور 17 ہزار 500 سے زائد کمرشل ڈرائیونگ لائسنس جاری کیے گئے۔
ایڈیشنل آئی جی ٹریفک مرزا فاران بیگ نے اعلان کیا ہے کہ بغیر لائسنس گاڑی یا موٹرسائیکل چلانے والوں کے خلاف سخت کریک ڈاؤن جاری رہے گا۔اُنہوں نے واضح کیا کہ بغیر ڈرائیونگ لائسنس گاڑی چلانا ایک قابل سزا جرم ہے۔
وزیر اعظم کا قومی سلامتی کمیٹی کا اہم اجلاس طلب
.ذریعہ: City 42
کلیدی لفظ: سٹی42 ڈرائیونگ لائسنس
پڑھیں:
کراچی میں ٹریکس نظام کے تحت روزانہ 4 ہزار سے زائد چالان، حکومت کا حادثات میں کمی کا دعویٰ
data-id="863a0a8" data-element_type="widget" data-widget_type="theme-post-content.default">
کراچی ٹریفک پولیس نے شہر میں ٹریفک ریگولیشن اینڈ سائٹیشن سسٹم (ٹریکس) کے نفاذ کے بعد اپنی کارکردگی کے ابتدائی اعداد و شمار جاری کیے ہیں۔
حکام کے مطابق شہر میں اب دستی چالان کا نظام مکمل طور پر روک دیا گیا ہے اور روزانہ کی بنیاد پر 4 ہزار سے زائد ای چالان کیے جا رہے ہیں ، جن میں بنیادی طور پر سگنل توڑنا، سیٹ بیلٹ کا استعمال نہ کرنا، غیر قانونی پارکنگ اور تیز رفتاری کی خلاف ورزیاں شامل ہیں۔
ٹریفک پولیس کا دعویٰ ہے کہ خودکار نظام کے تحت ہونے والی فوری اور شفاف کارروائیوں سے نہ صرف ٹریفک حادثات میں کمی آئی ہے بلکہ شہری اب زیادہ محتاط انداز میں ڈرائیونگ کر رہے ہیں کیونکہ انہیں معلوم ہے کہ کیمرے ہر لمحہ ان کی نگرانی کر رہے ہیں۔
حکام نے شہریوں کو یہ بھی بتایا ہے کہ ای چالان کی تفصیلات پاکستان پوسٹ کے ذریعے ان کے گھروں کے پتوں پر بھی بھیجی جا رہی ہیں۔ حکام نے شہریوں سے تعاون کی اپیل کی ہے کہ وہ ٹریفک قوانین کی مکمل پاسداری کریں تاکہ شہر میں ٹریفک کا نظام بہتر ہو اور حادثات میں واضح کمی لائی جا سکے۔
کراچی: مختلف نوعیت کی 184 ہیوی وہیکلز کے بھی ای چالان کیے گئے، پولیس