کیا واقعی روزانہ سیب کھانے سے ڈاکٹر سے دور رہا جا سکتا ہے؟
اشاعت کی تاریخ: 23rd, June 2025 GMT
تحقیق کے مطابق سیب انسانی صحت کے لیے فائدہ مند تو ضرور ہے لیکن کیا یہ واقعی ڈاکٹر کے پاس جانے سے بچاتا ہے؟
بی بی سی کی ایک رپورٹ کے مطابق دنیا بھر میں ہر سال تقریباً 10 کروڑ ٹن سیب پیدا ہوتے ہیں اور یہ پھل صدیوں سے صحت بخش غذا کے طور پر پہچانا جاتا ہے۔
مشہور کہاوت ’روزانہ ایک سیب کھاؤ، ڈاکٹر کو دور رکھو‘ کا اصل ماخذ سنہ 1866 کی ایک ویلش (ویلز کی) کہاوت ہے کہ ’رات کو ایک سیب کھاؤ، اور ڈاکٹر کی روزی بند کرو‘۔
سیب میں شامل اہم غذائی اجزافائٹو کیمیکلز جیسے فلیوانولز جو وزن کو قابو میں رکھنے اور دل کی بیماریوں کے خطرے کو کم کرنے میں مدد دیتے ہیں۔
پولی فینولز جیسے انتھوسیاننز اور فلورڈزِن، جو دل کی صحت بہتر بنانے اور خون میں شوگر کنٹرول کرنے میں مددگار ہیں۔
فائبر (پیکٹن)، جو خراب کولیسٹرول (LDL) کم کرتا ہے اور خون میں شوگر کی سطح کو متوازن رکھنے میں معاون ہے۔
تحقیقی شواہدسنہ 2017 کی ایک تحقیق میں بتایا گیا تھا کہ سیب کھانے والوں میں ٹائپ 2 ذیابیطس کا خطرہ 18 فیصد تک کم ہو سکتا ہے۔
سال 2022 کے جائزے کے مطابق سیب یا سیب سے بنی اشیا کا استعمال کولیسٹرول کم کرنے میں مددگار ہو سکتا ہے۔
ایک اور تحقیق کے مطابق امریکا میں لوگ اپنی غذا میں موجود پولی فینولز کا 5واں حصہ صرف سیب سے حاصل کرتے ہیں۔
سیب بمقابلہ دیگر پھلماہرین کا کہنا ہے کہ اگرچہ سیب میں وٹامن سی، آئرن یا کیلشیم کی مقدار زیادہ نہیں لیکن اس میں موجود پولی فینولز اور دیگر اینٹی آکسیڈنٹس کئی بیماریوں سے بچاؤ میں مددگار ہوتے ہیں۔ تاہم یہ مرکبات دوسرے پھلوں اور سبزیوں میں بھی پائے جاتے ہیں۔
کیا روزانہ سیب کھانے والے واقعی ڈاکٹر سے دور رہتے ہیں؟سنہ 2015 میں کی گئی ایک تحقیق میں تقریباً 9،000 افراد کے غذائی معمولات کا جائزہ لیا گیا۔ نتائج کے مطابق روزانہ سیب کھانے والوں میں ڈاکٹر کے پاس کم جانے کا رجحان ضرور پایا گیا لیکن جب سماجی و تعلیمی عوامل کو مدنظر رکھا گیا تو یہ فرق قابل ذکر نہیں رہا۔
البتہ یہ فرق اعدادوشمار میں واضح تھا کہ روزانہ سیب کھانے والے افراد دواؤں پر کم انحصار کرتے ہیں۔
تحقیق کے مرکزی محقق میتھیو ڈیوس کے مطابق سیب کھانے والے افراد عمومی طور پر زیادہ صحت مند طرز زندگی اپناتے ہیں اس لیے سیب کو واحد وجہ قرار دینا مشکل ہے۔
سیب مفید ہے مگر مکمل تحفظ نہیں دیتاماہرین اس بات پر متفق ہیں کہ سیب میں صحت بخش اجزا کی بھرمار ہے اور اسے باقاعدگی سے کھانے سے کئی بیماریوں کا خطرہ کم کیا جا سکتا ہے۔
مگر صرف سیب کھانے سے ڈاکٹر کی ضرورت سرے سے ہی ختم کردینے کی ضمانت نہیں دی جا سکتی۔
تحقیق کے آخر میں کہا گیا کہ یوں کہنا زیادہ درست ہوگا کہ روزانہ ایک سیب دواساز سے دور رہا سکتا ہے۔
خیر اب ڈاکٹر ہو یا دواساز بات تو ایک سی ہی لگتی ہے لیکن غالباً تحقیق کرنے والوں کی یہاں یہ مراد ہوگی کہ روزانہ ایک سیب کھانے والے کے بہت زیادہ دوائیں استعمال کرنے کی ضرورت نہیں پڑتی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سیب سیب اور دواساز سیب اور ڈاکٹر ویلز کی کہاوت ویلش کہاوت.ذریعہ: WE News
کلیدی لفظ: سیب اور دواساز سیب اور ڈاکٹر روزانہ سیب کھانے سیب کھانے والے تحقیق کے کے مطابق ایک سیب سکتا ہے
پڑھیں:
چیٹ جی پی ٹی آپ کے دماغ کیلئے نقصان دہ، ماہرین نے خبردار کردیا
حال ہی میں ماہرین نے ایک تحقیق کے ذریعے پایا ہے کہ چیٹ جی پی ٹی دماغ کیلئے نقصان دہ ثابت ہوسکتا ہے۔
میساچوسٹس انسٹی ٹیوٹ آف ٹیکنالوجی (ایم آئی ٹی) کی حالیہ تحقیق کے مطابق اگر انسان زیادہ تر علمی کاموں میں چیٹ جی پی ٹی کا استعمال کرے تو دماغی سرگرمی اور یادداشت پر منفی اثر پڑ سکتا ہے۔
تحقیق سے سامنے آیا ہے چیٹ جی پی ٹی استعمال کرنے والے گروپ میں یادداشت، سوچ اور تخلیقی صلاحیت والے حصوں میں سرگرمی کم دیکھی گئی۔ جبکہ جو افراد بغیر اے آئی کے کام کرتے تھے ان میں نیورل مشغولیت زیادہ اور ادراکی کارکردگی بہتر رہی۔
بہت زیادہ چیٹ جی پی ٹی استعمال کرنے سے تخلیقی سوچ اور یادداشت میں کمی آ سکتی ہے خاص طور پر مطالعے یا لکھائی جیسے کاموں میں۔
ماہرین کا کہنا ہے کہ انسانوں کیلئے اس میں یہ سبق ہے کہ چیٹ جی پی ٹی کو اپنی مجموعی ذہانت اور تخلیقی سوچ کی جگہ استعمال نہ کریں۔ چیٹ جی پی ٹی محض ایک "ذہنی سپورٹ" ٹول ہے، مکمل متبادل نہیں۔
برطانوی ایف 35کی بھارت میں ہنگامی لینڈنگ