مستونگ: تحصیل کردگاپ حملے میں غفلت، 18 لیویز اہلکار برطرف
اشاعت کی تاریخ: 23rd, June 2025 GMT
بلوچستان کے ضلع مستونگ کے ڈپٹی کمشنر نے تحصیل کردگاپ میں لیویز اسٹیشن اور نادرا آفس پر ہونے والے حملے کے دوران فرائض میں غفلت برتنے پر 18 لیویز اہلکاروں کو سروس سے برطرف کردیا۔
یہ بھی پڑھیں بلوچستان لیویز کے 62 اہلکار رشوت لینے کے الزام میں معطل
ڈپٹی کمشنر مستونگ کے مطابق برطرفی کا فیصلہ اسسٹنٹ کمشنر کردگاپ کی جانب سے پیش کی گئی انکوائری رپورٹ کی بنیاد پر کیا گیا، جس میں انکشاف ہوا کہ حملے کے وقت اہلکار اپنی ڈیوٹی سے غافل تھے۔
رپورٹ میں کہا گیا کہ حملے کے دوران لیویز اسٹیشن، املاک اور مواصلاتی آلات کو شدید نقصان پہنچا، جس سے سیکیورٹی معاملات متاثر ہوئے۔
ڈپٹی کمشنر نے بتایا کہ برطرف کیے گئے اہلکاروں میں دفعدار، سپاہی اور ڈرائیور شامل ہیں، اور ان کی برطرفی بلوچستان لیویز فورس ڈسپلنری رولز 2015 کے تحت عمل میں لائی گئی۔
مزید کہا گیا کہ متعلقہ حکم بلوچستان حکومت اور محکمہ داخلہ کی ہدایت پر جاری کیا گیا، کیونکہ برطرف اہلکاروں پر دورانِ ڈیوٹی غفلت اور نااہلی کے الزامات ثابت ہو چکے تھے۔
یہ بھی پڑھیں غفلت و بزدلی کے مظاہرے پر بلوچستان لیویز کے 4 اہلکار برطرف
یہ اقدام سیکیورٹی فورسز کی صفوں میں نظم و ضبط کو یقینی بنانے کے لیے اہم قرار دیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بلوچستان غفلت لیویز اہلکار برطرف مستونگ وی نیوز.ذریعہ: WE News
کلیدی لفظ: بلوچستان غفلت لیویز اہلکار برطرف مستونگ وی نیوز
پڑھیں:
ایئرانڈیا تکنیکی خرابیوں اور انتظامی غفلت سے بحران کا شکار، پروازیں منسوخ، اعتماد ختم
عالمی سطح پر وسعت کے دعوے کرنے والی ایئر انڈیا اپنے اندرونی نظام کو درست کرنے میں ناکام ثابت ہوئی ہے، جس کے نتیجے میں بھارتی فضائی کمپنی شدید بحران کا شکار ہے اور انتظامی غفلت کی وجہ سے اس پر سوالیہ نشان لگنا شروع ہوگئے ہیں۔
ایئرانڈیا میں تکنیکی اور آپریشنل مسائل کے باعث فلائٹ منسوخی اور حادثات میں نمایاں اضافہ ہوچکا ہے۔
اے این آئی کے مطابق مرمت اور آپریشنل وجوہات کی بنا پر ایئر انڈیا کی کئی بین الاقوامی اور داخلی پروازیں منسوخ کرنے کا اعلان کیا گیا ہے۔
اکنامک ٹائمز کی رپورٹ کے مطابق متاثرہ پروازوں میں دبئی سے چنئی، دہلی سے میلبورن اور دبئی سے حیدرآباد کی پرواز منسوخ کی گئی ہے۔ اس کے علاوہ پونے، احمد آباد، حیدرآباد اور چنئی سے دہلی اور ممبئی کی پروازیں بھی منسوخ ہیں۔ گزشتہ روز ایئر انڈیا کی جانب سے 3 بین الاقوامی پروازیں تکنیکی خرابیوں کے باعث منسوخ کی گئی تھیں۔
فلائٹس کی منسوخی کے حوالے سے کچھ دیر پہلے ہی اطلاع دینے پر مسافروں کو دشواری کا سامنا کرنا پڑتا ہے۔ پروازوں کی بارہا منسوخی اور طیاروں کی فنی خرابیاں ایئر انڈیا کی ناقص منصوبہ بندی اور غیر ذمہ دار انتظامی رویے کو بے نقاب کرتی ہیں۔
دیگر ایئر لائنز نے حالیہ پاک بھارت جنگ کے بعد فضائی روٹ میں تبدیلی کی صورتحال کو بہتر طریقے سے سنبھالا جب کہ ایئر انڈیا کی انتظامی خامیاں کھل کر سامنے آئی ہیں۔ ایئر انڈیا کی پرواز بوئنگ 787 کے حالیہ حادثے کے بعد طیاروں کےہنگامی معائنے کا مطلب تھا کہ انتظامی نظام پہلے سے ہی ناقص تھا جو کہ ایئر انڈیا کی ناکامی ہے ۔
اگر جہازوں کی تیاری میں سب کچھ ٹھیک تھا تو 7 طیارے کیوں گراؤنڈ کیے گئے؟۔ ایئر انڈیا کا انتظامی بحران سے نمٹنے میں سست رد عمل اور ناقص حکمت عملی نے ادارے پر عوامی اعتماد کو شدید نقصان پہنچایا۔
مشکل کی گھڑی میں ایران کو تنہا نہیں چھوڑیں گے، گورنر پنجاب