وزیراعظم شہبازشریف کے زیر صدارت پیٹرولیم مصنوعات کی دستیابی اور سپلائی سے متعلق ہنگامی اجلاس آج ہوگا
اشاعت کی تاریخ: 24th, June 2025 GMT
وزیر اعظم شہباز شریف کے زیر صدارت پیٹرولیم مصنوعات کی دستیابی اور سپلائی سے متعلق ہنگامی اجلاس آج اسلام آباد میں ہوگا۔ ذرائع کے مطابق اجلاس میں ملک میں تیل کی موجودہ صورتحال، خطے میں جاری کشیدگی کے ممکنہ اثرات اور متبادل اقدامات پر غور کیا جائے گا۔
اجلاس میں وزیر خزانہ محمد اورنگزیب، وفاقی وزیر پیٹرولیم علی پرویز ملک، اوگرا حکام، پی ایس او اور دیگر آئل مارکیٹنگ کمپنیوں کے نمائندے شریک ہوں گے۔ اجلاس میں ملکی سطح پر پیٹرولیم مصنوعات کے ذخائر، ترسیل کے نظام، اور عالمی منڈی میں تیل کی قیمتوں میں اتار چڑھاؤ سے متعلق بریفنگ دی جائے گی۔
ذرائع کا کہنا ہے کہ حکومت نے تیل کی درآمد سے متعلق متبادل راستوں پر بھی غور شروع کر دیا ہے، تاکہ ہرمز کی آبی گزرگاہ میں ممکنہ رکاوٹ کی صورت میں سپلائی کا تسلسل برقرار رکھا جا سکے۔
مزید پڑھیں: ملک میں پیٹرولیم مصنوعات کے وافر ذخائر موجود ہیں، اوگرا کی وضاحت
وفاقی وزیر پٹرولیم علی پرویز ملک نے واضح کیا ہے کہ ملک میں اس وقت پیٹرول اور ڈیزل کے وافر ذخائر موجود ہیں اور عوام کو کسی قسم کے خوف یا افواہوں پر کان دھرنے کی ضرورت نہیں۔ ان کا کہنا تھا کہ حکومت نے آئل مارکیٹنگ کمپنیوں کو کم از کم 20 دن کے ذخائر برقرار رکھنے کی ہدایت کی ہے۔
ذرائع کا کہنا ہے کہ اجلاس میں اعلیٰ سطح کمیٹی کی تشکیل پر بھی مشاورت کی جائے گی، جو روزانہ کی بنیاد پر ذخائر اور رسد سے متعلق رپورٹ پیش کرے گی اور پیٹرولیم مصنوعات کی مسلسل فراہمی کو یقینی بنائے گی۔
اجلاس کے دوران عالمی صورتحال، خاص طور پر ایران اور امریکا کے درمیان تناؤ کے ممکنہ اثرات، اور اس کے پاکستان میں تیل کی دستیابی پر ممکنہ اثرات کا تفصیلی جائزہ بھی متوقع ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پیٹرولیم مصنوعات ہنگامی اجلاس وزیر اعظم شہباز شریف وزیر خزانہ محمد اورنگزیب، وفاقی وزیر پیٹرولیم علی پرویز ملک،.
ذریعہ
ذریعہ: WE News
کلیدی لفظ: پیٹرولیم مصنوعات ہنگامی اجلاس وزیر اعظم شہباز شریف وزیر خزانہ محمد اورنگزیب وفاقی وزیر پیٹرولیم علی پرویز ملک پیٹرولیم مصنوعات اجلاس میں تیل کی
پڑھیں:
وزیراعلی سندھ مراد علی شاہ کا مون سون کے پیش نظر انتظامیہ کو الرٹ رہنے کا حکم
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ اسلام ٹائمز۔ سندھ کے وزیر اعلی سید مراد علی شاہ کی ہدایت پر صوبائی ڈیزاسٹر مینجمنٹ اتھارٹی (پی ڈی ایم اے) نے سندھ بھر کی ضلعی انتظامیہ کو ہائی الرٹ کر دیا ہے اور تمام متعلقہ محکموں کو احتیاطی اور ہنگامی ردعمل کے اقدامات کرنے کی ہدایت کی ہے، کیونکہ بحیرہ عرب سے آنے والے مون سون کے طاقتور ہوائی سلسلے صوبے کو متاثر کر رہے ہیں۔ پی ڈی ایم اے کی جانب سے جاری کردہ موسمیاتی ایڈوائزری کے مطابق، پاکستان محکمہ موسمیات (پی ایم ڈی) کی پیش گوئی کی بنیاد پر ملک میں داخل ہونے والے مون سون کے طاقتور ہوائی سلسلے، بالائی اور وسطی علاقوں کو متاثر کرنے والے مغربی موسمی نظام کے ساتھ مل کر، 23 جولائی سے 25 جولائی تک سندھ کے کئی اضلاع میں وسیع پیمانے پر بارش، گرج چمک اور بعض مقامات پر موسلا دھار بارش کا سبب بن سکتے ہیں۔
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ وزیر اعلی نے ڈویژنل کمشنرز اور بلدیاتی اداروں کو مزید ہدایت کی کہ وہ نشیبی علاقوں، شہری مراکز اور حساس مقامات کی کڑی نگرانی کریں، امدادی سامان اور آلات کی دستیابی یقینی بنائیں اور موسمیاتی پیش گوئی کی مدت کے دوران تمام محکموں کے درمیان بلاتعطل رابطہ برقرار رکھیں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی