اسلام آباد: این ڈی ایم اے کی موسم سے متعلق ایڈوائزری جاری، آندھی طوفان اور بارشوں کا الرٹ
اشاعت کی تاریخ: 24th, June 2025 GMT
ترجمان نیشنل ڈیزاسٹر مینجمنٹ اتھارٹی (این ڈی ایم اے) کے مطابق 25 جون تا یکم جولائی ملک کے بیشتر علاقوں میں آندھی، طوفان اور گرج چمک کے ساتھ بارشوں کا امکان ہے۔ اس حوالے سے این ڈی ایم اے نے ایک ایڈوائزری جاری کر دی ہے۔
ایڈوائزری کے مطابق پنجاب کے شہروں لاہور، گوجرانوالہ، راولپنڈی، اسلام آباد، باغ، راولاکوٹ اور مظفرآباد میں موسلادھار بارش کے باعث شہری سیلاب کی صورتحال پیدا ہو سکتی ہے۔
سندھ کے مختلف علاقوں، بشمول کراچی، حیدرآباد، سکھر، لاڑکانہ، تھرپارکر، میرپور خاص، بدین اور ٹھٹھہ میں 25 تا 28 جون کے دوران آندھی طوفان اور بارش متوقع ہے۔
خیبر پختونخوا کے کئی اضلاع جیسے چترال، دیر، سوات، پشاور، مانسہرہ، کوہاٹ، کرک، نوشہرہ، ایبٹ آباد، ہری پور اور دیگر علاقوں میں بھی تیز ہواؤں اور بارش کی پیشگوئی کی گئی ہے۔
گلگت بلتستان کے علاقوں سکردو، گلگت، استور، ہنزہ، دیامیر، نگر، غذر اور گھانچے سمیت کشمیر اور خیبر پختونخوا کے پہاڑی علاقوں میں بارشوں کے باعث لینڈ سلائیڈنگ کا خطرہ موجود ہے۔
این ڈی ایم اے نے خبردار کیا ہے کہ تیز ہواؤں اور آندھی کے دوران کمزور درخت، بجلی کے کھمبے، کچی دیواریں اور کمزور تعمیرات کو نقصان پہنچ سکتا ہے، لہٰذا احتیاطی تدابیر اختیار کی جائیں۔ شہریوں کو ہدایت کی گئی ہے کہ اپنی گاڑیاں محفوظ جگہ پر پارک کریں اور آندھی کے دوران غیر ضروری سفر سے گریز کریں۔
تمام متعلقہ اداروں کو ممکنہ ہنگامی حالات سے نمٹنے کے لیے پیشگی انتظامات کرنے کی ہدایات دی گئی ہیں۔ عوام سے گزارش ہے کہ موسمی معلومات اور انتباہات کے لیے “پاک این ڈی ایم اے ڈیزاسٹر الرٹ ایپ” سے رہنمائی حاصل کریں۔
.ذریعہ: Daily Ausaf
کلیدی لفظ: ڈی ایم اے
پڑھیں:
کراچی کے موسم کے حوالے سے محکمہ موسمیات کا اہم بیان
کراچی (نیوز ڈیسک) محکمہ موسمیات کا کہنا ہے کہ شہر کے مختلف علاقوں میں آج بوندا باندی کا امکان ہے، موسم ابر آلود رہے گا۔
تفصیلات کے مطابق محکمہ موسمیات کا کہنا ہے کہ کراچی میں دن بھر سمندری ہوائیں چلنے کے ساتھ موسم مرطوب رہے گا، زیادہ سے زیادہ درجہ حرارت 34 ڈگری تک پہنچنے کا امکان ہے۔
اسلام آباد میں گزشتہ رات سے موسلادھار بارش کا سلسلہ جاری ہے، موسلا دھار بارش کے باعث شہر کے مختلف علاقوں میں پانی جمع ہوگیا۔
مارگلہ کی پہاڑیوں سے آنے والے پانی کے باعث اسلام آباد کے نالوں میں طغیانی کی صورتحال ہے، بہارہ کہو، ساون، چک شہزاد اور دیگر سوسائٹیوں میں پانی گھروں میں داخل ہوگیا۔
چک شہزاد اور پارک روڈ کے نالوں میں بھی طغیانی کی صورتحال ہے، نیو چھتہ بختاور موسلا دھار بارش کے بعد تالاب کا منظر پیش کرنے لگا۔
Post Views: 3
برطانیہ میں مسلسل دوسرے برس ’محمد‘ لڑکوں کا سب سے مقبول نام بن گیا