ملک بھر کل سے موسلا دھار بارشوں کی پیشگوئی، اربن فلڈنگ اور لینڈ سلائیڈنگ کا خطرہ
اشاعت کی تاریخ: 24th, June 2025 GMT
محکمہ موسمیات پاکستان نے پیشگوئی کی ہے کہ ملک کے بیشتر علاقوں، بشمول اسلام آباد اور راولپنڈی، میں 25 جون یعنی بروز بدھ سے مون سون بارشوں کا آغاز ہونے والا ہے، جو موجودہ شدید گرمی کی لہر سے عارضی ریلیف فراہم کرے گا۔
تاہم، محکمہ موسمیات نے ساتھ ہی خبردار کیا ہے کہ اسلام آباد سمیت کئی بڑے شہروں میں شدید بارشوں کے باعث اربن فلڈنگ کا خدشہ ہے۔
محکمہ موسمیات کے مطابق مرطوب ہوائیں ملک کے بالائی اور وسطی علاقوں میں داخل ہو چکی ہیں، جبکہ ایک مغربی ہوائی سلسلہ 25 جون کو بالائی علاقوں میں داخل ہوگا، جو اگلے دن مزید شدت اختیار کرے گا، جس سے مختلف علاقوں میں گرج چمک کے ساتھ بارشیں متوقع ہیں۔ بعض مقامات پر شدید سے انتہائی شدید بارشیں ہونے کا امکان ہے۔
یہ بھی پڑھیں: جنوبی وزیرستان کے خوش ذائقہ پھل موسمیاتی تبدیلی کی لپیٹ میں، معیشت متاثر
آزاد جموں و کشمیر، خصوصاً نیلم ویلی، مظفرآباد، راولا کوٹ اور قریبی علاقوں میں 24 جون کی شام سے 2 جولائی تک وقفے وقفے سے بارش کا سلسلہ جاری رہنے کی توقع ہے۔
گلگت بلتستان میں 26 سے 29 جون تک بارشوں کا امکان ہے، جبکہ پنجاب اور اسلام آباد میں 25 جون سے 1 جولائی تک موسلا دھار بارش اور گرج چمک کے ساتھ طوفان متوقع ہے، متاثرہ شہروں میں راولپنڈی، لاہور، سرگودھا، فیصل آباد اور سیالکوٹ شامل ہیں۔
جنوبی پنجاب کے اضلاع مثلاً ملتان، بہاولپور اور ڈیرہ غازی خان میں 26 سے 28 جون کے دوران اسی نوعیت کا موسم رہنے کی پیشگوئی کی گئی ہے، خیبر پختونخوا میں بھی مون سون سرگرمیاں متحرک رہیں گی، جن میں سوات، دیر، پشاور اور وزیرستان جیسے علاقے 25 جون سے 1 جولائی تک بارشوں کی لپیٹ میں رہیں گے۔
مزید پڑھیں: پری مون سون نے گرمی کا زور توڑ دیا، موسم خوشگوار مزید بارشوں کی پیشگوئی
بلوچستان کے شمال مشرقی اور جنوبی اضلاع، جیسے شیرانی، سبی، لسبیلہ اور خضدار، میں 25 جون کی رات سے 28 جون تک بارش کا امکان ہے۔ سندھ کے بالائی اور جنوب مشرقی علاقے، جن میں کراچی، حیدرآباد، سکھر اور تھرپارکر شامل ہیں، بھی 25 سے 28 جون کے دوران بارشوں اور تیز ہواؤں کی زد میں رہیں گے، اگرچہ درمیان میں وقفے بھی آ سکتے ہیں۔
محکمہ موسمیات کے مطابق حالیہ شدید گرمی کی لہر بتدریج ختم ہو جائے گی، تاہم بعض علاقوں میں برساتی نالوں اور دریاؤں میں طغیانی، خصوصاً مری، گلیات، کوہستان، پنجاب اورخیبرپختونخوا کے کچھ حصوں میں، اچانک سیلاب کا باعث بن سکتی ہے۔
اسلام آباد، لاہور، گوجرانوالہ، پشاور، حیدرآباد اور کراچی جیسے شہروں کے نشیبی علاقوں میں 26 سے 28 جون کے دوران شہری سیلاب کا خطرہ بھی موجود ہے، اسی طرح خیبر پختونخوا، گلگت بلتستان اور آزاد کشمیر کے پہاڑی علاقوں میں لینڈ سلائیڈنگ کے سبب آمدورفت میں رکاوٹ کا سامنا ہو سکتا ہے۔
مزید پڑھیں: کراچی میں موسم شدید گرم، بارش کب ہوگی؟ محکمہ موسمیات نے خوشخبری سنا دی
محکمہ موسمیات پاکستان نے خبردار کیا ہے کہ گرج چمک، تیز ہواؤں اور بارش کے باعث کچے مکانات، بجلی کے کھمبے، درخت، گاڑیاں، ہورڈنگ بورڈز اور سولر پینلز کو نقصان پہنچنے کا خطرہ ہے،کسانوں کو مشورہ دیا گیا ہے کہ وہ اپنی زرعی سرگرمیاں موسم کی پیشگوئی کے مطابق ترتیب دیں جبکہ سیاحوں اور مسافروں کو محتاط رہنے کی ہدایت کی گئی ہے۔
اس حوالے سے متعلقہ اداروں کو ممکنہ ہنگامی صورتحال سے نمٹنے کے لیے پیشگی تیار رہنے کی ہدایت جاری کر دی گئی ہے۔
واضح رہے کہ رواں سال مون سون سیزن 15 جون سے 15 ستمبر تک جاری رہے گا، اگرچہ یہ سیزن عمومی طور پر 3 ماہ پرمحیط ہوتا ہے، تاہم اس سال اس کے جلد آغاز اور تاخیر سے اختتام کے امکانات بھی موجود ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اربن فلڈنگ اسلام آباد بارش بلوچستان پنجاب تھرپارکر حیدرآباد خیبر پختونخوا طوفان کراچی کوہستان گلگت گلیات محکمہ موسمیات مون سون.ذریعہ: WE News
کلیدی لفظ: اربن فلڈنگ اسلام آباد بلوچستان تھرپارکر خیبر پختونخوا طوفان کراچی کوہستان گلگت گلیات محکمہ موسمیات محکمہ موسمیات اسلام آباد علاقوں میں کی پیشگوئی رہنے کی
پڑھیں:
بارشوں کا نیا سسٹم: محکمہ موسمیات نے گرمی کا زور ٹوٹنے کی نوید سنادی
data-id="863a0a8" data-element_type="widget" data-widget_type="theme-post-content.default">
اسلام آباد: طویل عرصے سے جاری شدید گرمی اور حبس کے ستائے شہریوں کے لیے خوشخبری آ گئی۔
محکمہ موسمیات نے اعلان کیا ہے کہ پنجاب سمیت ملک کے بالائی علاقوں میں موسم کی شدت میں جلد نمایاں کمی متوقع ہے جب کہ لاہور سمیت مختلف شہروں میں بارشوں کا نیا سلسلہ شروع ہونے جا رہا ہے۔
موسمیاتی ماہرین کا کہنا ہے کہ پنجاب بھر میں مسلسل گرم اور خشک موسم کا راج ہے، جہاں درجہ حرارت بلند سطح پر برقرار ہے اور ہوا میں نمی کا تناسب اضافی حبس پیدا کر رہا ہے۔ اگرچہ درجہ حرارت میں معمولی کمی ریکارڈ کی گئی ہے، تاہم شہریوں کو اب بھی شدید حبس کا سامنا ہے جو گرمی کی شدت کو دگنا کر دیتا ہے۔
آج کے موسمی جائزے کے مطابق لاہور میں کم سے کم درجہ حرارت 31 ڈگری سینٹی گریڈ ریکارڈ کیا گیا جب کہ زیادہ سے زیادہ درجہ حرارت 39 ڈگری سینٹی گریڈ تک جانے کا امکان تھا۔
اس کے ساتھ محکمہ موسمیات نے پیش گوئی کی ہے کہ لاہور میں آج شام کے اوقات میں گرد آلود ہوائیں چلنے اور بعض علاقوں میں بارش ہونے کا قوی امکان ہے، جس کے بعد موسم میں قدرے بہتری آسکتی ہے۔
اُدھر صوبائی ڈیزاسٹر مینجمنٹ اتھارٹی (پی ڈی ایم اے) نے بھی شہریوں کو ممکنہ موسمی تغیرات کے لیے خبردار کرتے ہوئے 23 جون تک پنجاب بھر میں تیز ہواؤں، آندھی اور گرج چمک کے ساتھ بارشوں کے امکانات ظاہر کیے ہیں۔ پی ڈی ایم اے نے تمام ضلعی انتظامیہ کو الرٹ رہنے کی ہدایت دی ہے تاکہ کسی بھی ممکنہ ہنگامی صورتحال سے مؤثر طور پر نمٹا جا سکے۔
ماہرین کے مطابق جنوب مغربی مون سون کی ابتدائی لہریں پاکستان میں داخل ہو چکی ہیں، جو آئندہ دنوں میں مکمل سسٹم میں تبدیل ہو سکتی ہیں۔ اس سسٹم کی وجہ سے پنجاب، خیبرپختونخوا، گلگت بلتستان اور آزاد کشمیر کے مختلف علاقوں میں بارشیں متوقع ہیں، جس سے درجہ حرارت میں کمی واقع ہو گی۔
یہ موسمیاتی تبدیلی نہ صرف گرمی سے نجات کا باعث بنے گی بلکہ خشک سالی سے متاثرہ علاقوں کے لیے بھی خوش آئند ہوگی، خاص طور پر ان علاقوں میں جہاں کسان بارش کے منتظر ہیں تاکہ فصلوں کی کاشت کو ممکن بنایا جا سکے۔
محکمہ موسمیات نے شہریوں کو ہدایت کی ہے کہ وہ موسم کی بدلتی صورتحال پر نظر رکھیں اور غیر ضروری طور پر باہر نکلنے سے گریز کریں، خاص طور پر آندھی اور طوفانی بارش کے دوران۔ شہریوں کو یہ بھی مشورہ دیا گیا ہے کہ وہ بجلی کے کھمبوں، درختوں یا کھلے علاقوں میں پناہ نہ لیں تاکہ ممکنہ خطرات سے محفوظ رہا جا سکے۔
اُدھر لاہور سمیت دیگر شہری علاقوں میں گرمی سے بچاؤ کے لیے واٹر سپرے، شجر کاری اور سڑکوں پر پانی کا چھڑکاؤ کیا جا رہا ہے، تاکہ شہریوں کو وقتی طور پر سکون فراہم کیا جا سکے۔ میونسپل اداروں نے گرمی کی شدت کو مدنظر رکھتے ہوئے ہنگامی اقدامات بھی شروع کر دیے ہیں۔
موسمیاتی ماہرین کا کہنا ہے کہ اگر یہ سسٹم مستحکم رہا تو آئندہ ایک ہفتے تک بارشوں کا سلسلہ وقفے وقفے سے جاری رہ سکتا ہے، جس سے گرمی میں نمایاں کمی آئے گی،تاہم یہ بھی خبردار کیا گیا ہے کہ بعض علاقوں میں بارش کے ساتھ ژالہ باری اور تیز ہواؤں کا خدشہ موجود ہے، جس کے باعث فصلوں کو نقصان پہنچ سکتا ہے۔
ہم نے مسلم دنیا کو جوڑا، اب دنیا کو امن کی طرف لانا ہے، بیرسٹر عقیل ملک