کچھ سازشی صوبے میں فنانشل ایمرجنسی، گورنر راج چاہتے ہیں، علی امین گنڈاپور
اشاعت کی تاریخ: 24th, June 2025 GMT
وزیراعلیٰ خیبر پختونخوا علی امین گنڈاپور نے کہا ہے کہ کچھ سازشی چاہتے ہیں صوبے میں فنانشل ایمرجنسی اور پھر گورنر راج لگالیں۔
پشاور سے جاری ویڈیو بیان میں علی امین گنڈاپور نے کہا کہ بانی پی ٹی آئی، ان کی اہلیہ، پارٹی قائدین اور ورکرز جیلوں میں ہیں جبکہ کچھ لوگ بانی پی ٹی آئی کو کمزور کرنے کے ایجنڈے پر لگے ہیں۔
مشیر اطلاعات خیبرپختونخوا بیرسٹر محمد علی سیف نے بانی چیئرمین کو صوبائی بجٹ پر بریفنگ دے دی۔
انہوں نے کہا کہ ان کا ایجنڈا بانی پی ٹی آئی کے دشمنوں کو مضبوط کرنا ہے، ہمارے بہت سے لوگ سازش کا حصہ بنے، ان لوگوں کا تعین آپ نے خود کرنا ہے۔
وزیراعلیٰ خیبر پختونخوا نے مزید کہا کہ صوبے کے عوام نے بزور بازو اپنا مینڈیٹ چوری ہونے سے بچایا، خیبر پختونخوا بانی پی ٹی آئی کا مضبوط قلعہ ہے۔
قومی اسمبلی میں قائد حزب اختلاف عمر ایوب نے دفاع کی کٹوتی کی تحریک پر بحث کی اور کہا کہ ویلیو ایڈڈ یا کمبیٹ کے اخراجات میں بجٹ بڑھنا چاہیے۔
ان کا کہنا تھا کہ یہ لوگ چاہتے ہیں سازش کے ذریعے فنانشل ایمرجنسی اور پھر گورنر راج لگالیں، بجٹ پیش ہوتے وقت غدار، مائنس بانی پی ٹی آئی اور طرح طرح کی مہم چلائی گئی۔
علی امین گنڈاپور نے یہ بھی کہا کہ کمپینز چلانے والے بانی پی ٹی آئی کی سوچ کے ساتھ نہیں تھے، یہ لوگ نادانی یا کسی کے کہنے پر کسی اور کی سوچ کو پروموٹ کررہے تھے۔
انہوں نے کہا کہ بانی پی ٹی آئی نے بجٹ سے متعلق کمیٹی کی ملاقات کرانے کا کہا ہے، بانی کا پیغام آیا کہ میں نے بجٹ پیش کرنے سے منع نہیں کیا۔
پی ٹی آئی رہنما سلمان اکرم راجہ کا کہنا ہے کہ کے پی کا بجٹ 23 جون کو پاس کرنا ضروری نہیں تھا، کے پی اسمبلی نے جو کیا وہ بظاہر لگتا ہے عجلت میں کیا گیا۔
وزیراعلیٰ خیبر پختونخوا نے کہا کہ بجٹ شیڈول کے مطابق پاس کرنا پڑتا ہے، بانی پی ٹی آئی سے یہ ملاقات کے لیے نہیں چھوڑتے تھے، ان کا منصوبہ تھا کہ ملاقات نہ کرا کر یہ حکومت ختم کردیں۔
اُن کا کہنا تھا کہ بانی پی ٹی آئی جب بھی کہیں گے حکومت ختم کردوں گا، پھر مہم چلائی گئی جس پر پارلیمانی اور سیاسی کمیٹی بیٹھی، بانی پی ٹی آئی نے حکم نہیں دیا کہ ملاقات نہیں ہوتی تو حکومت ختم کریں۔
علی امین گنڈاپور نے کہا کہ اگر ایسے احکامات ہوتے تو پھر حکومت جاتی تو چلی جاتی، بانی پی ٹی آئی نے کہا ہے کہ بجٹ پاس کرنا تھا تو ٹھیک ہے، بانی حکومت ختم نہیں کرنا چاہتے، یہ ان کی سوچ تھی۔
بانیٔ پی ٹی آئی کی منظوری کے بغیر خیبر پختونخوا اسمبلی سے بجٹ منظور ہونے پر علیمہ خان کا ردِعمل سامنے آ گیا۔
انہوں نے کہا کہ جن لوگوں نے غداری کے فتوے لگائے، بیانات تبدیل کیے اور ان کی پہچان کریں، یہ وہی لوگ ہیں جو چاہتے ہیں کہ بانی پی ٹی آئی رہا نہ ہوں۔
وزیراعلیٰ خیبر پختونخوا نے کہا کہ مائنس بانی پی ٹی آئی اس وقت ہوگا جب ہم زندہ نہیں ہوں گے، کسی کا باپ بھی مائنس بانی پی ٹی آئی نہیں کرسکتا، کارکنان اندر کے دشمنوں اور تحریک کو کمزور کرنے والوں کو پہنچانیں۔
.ذریعہ: Jang News
کلیدی لفظ: علی امین گنڈاپور نے کہ بانی پی ٹی ا ئی خیبر پختونخوا حکومت ختم چاہتے ہیں نے کہا کہ پاس کرنا
پڑھیں:
عوامی نیشنل پارٹی کی وزیراعلیٰ خیبر پختونخوا کے متنازع بیان کی مذمت
ایمل ولی خان نے سماجی رابطے کی ویب سائٹ ایکس پر اپنے پیغام میں کہا کہ وزیراعلیٰ خیبر پختونخوا کا مساجد کے حوالے سے بیان مذہبی جذبات بھڑکانے اور اشتعال پھیلانے کی کوشش ہے۔ اسلام ٹائمز۔ عوامی نیشنل پارٹی کے صدر ایمل ولی خان نے وزیراعلیٰ خیبر پختونخوا سہیل آفریدی کے متنازع بیان کی شدید الفاظ میں مذمت کی ہے۔ ایمل ولی خان نے سماجی رابطے کی ویب سائٹ ایکس پر اپنے پیغام میں کہا کہ وزیراعلیٰ خیبر پختونخوا کا مساجد کے حوالے سے بیان مذہبی جذبات بھڑکانے اور اشتعال پھیلانے کی کوشش ہے، وزیراعلیٰ خیبر پختونخوا کا عہدہ بردباری اور سنجیدگی چاہتا ہے، پختونخوا جیسے حساس صوبہ میں ٹکراؤ قطعاََ حل نہیں۔
ایمل ولی خان نے کہا کہ کوئی ذی شعور شخص مسجد کی توہین جیسی حرکت تو دور اس کا تصور بھی نہیں کر سکتا، وزیراعلیٰ خیبر پختونخوا کا بیان مساجد کی بے حرمتی کے مترادف ہے، وزیراعلیٰ خیبر پختونخوا کا فرض ہے کہ وہ عوام اور ریاست کے درمیان فاصلوں کو کم کریں اور باہمی اعتماد بحال کریں۔ عوامی نیشنل پارٹی کے صدر کا مزید کہنا تھا کہ اگر حالات اس طرح ہی رہے تو خیبر پختونخوا کا مستقبل کیا ہوگا؟، وزیراعلیٰ سہیل آفریدی اپنے صوبہ کے لیے بھی کچھ کریں۔
صدر زرداری تین روزہ سرکاری دورے پر قطر پہنچ گئے