ڈریم کار آرٹ مقابلہ ٹویوٹا نے 2004 میں شروع کیا تھا
اشاعت کی تاریخ: 25th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی(کامرس رپورٹر) انڈس موٹر کمپنی (IMC) نے ٹویوٹا موٹر کارپوریشن کے اشتراک سے پانچ سال کے وقفے کے بعد ایک شاندار تقریب کے ذریعے ڈریم کار آرٹ کانٹیسٹ کی واپسی کا جشن منایا۔ یہ عالمی مقابلہ، جو ٹویوٹا نے 2004 میں شروع کیا تھا، بچوں کی تخلیقی صلاحیتوں اور خیالات کو فروغ دینے کے لیے ترتیب دیا گیا ہے، تاکہ 15 سال اور اس سے کم عمر بچوں کو ایک ایسا پلیٹ فارم فراہم کیا جا سکے جہاں وہ اپنے خوابوں کو فن کے ذریعے بیان کر سکیں۔اس سال کے مقابلے کو شاندار عوامی پذیرائی حاصل ہوئی جس میں پاکستان بھر سے 25,324 سے زائد انٹریز موصول ہوئیں۔ یہ مقابلہ ملک بھر کے 29 شہروں میں شامل ہوا جن میں کوئٹہ سے کشمیر تک کے شہر شامل تھے، مقابلوں کا انعقاد 1,118 اسکولوں (جن میں 183 سرکاری ادارے بھی شامل ہیں) میں کیا گیا۔گرینڈ ایونٹ میں 27 ریجنل ونرز کو خراجِ تحسین پیش کیا گیا، جبکہ 9 غیر معمولی فنکار بچوں کو نیشنل ونرز قرار دیا گیا، جن کے فن پارے اگست 2025 میں جاپان میں ہونے والے ٹویوٹا ڈریم کار آرٹ کانٹیسٹ کے عالمی فائنلز میں پاکستان کی نمائندگی کریں گے۔ اس کے علاوہ، 2 فن پاروں کو جیوری چوائس ایوارڈ، اور 3 فن پاروں کو Waku Doki (دل دھڑکا دینے والا جوش) ایوارڈ دیا گیا، جو IMC کی خواتین انجینیئرز نے منتخب کیے۔ تین غیر معمولی فن پاروں کو سی ای او چوائس ایوارڈ انڈس موٹر کمپنی کے سی ای او، علی اصغر جمالی نے پیش کیا۔تقریب کے مہمانِ خصوصی علی اصغر جمالی (سی ای او IMC) اور شنجی یاناگی (وائس چیئرمین IMC) تھے۔ اس موقع پر ٹویوٹا کے ڈیلرز کے پرنسپلز اور معزز جیوری ممبران بھی موجود تھے، جن کے تعاون اور خدمات پر IMC کی قیادت نے تہہ دل سے شکریہ ادا کیا۔اس سال کی معزز جیوری میں انڈس ویلی اسکول آف آرٹ اینڈ آرکیٹیکچر کے ممتاز فیکلٹی ممبران شامل تھے، جن میں عالیہ یوسف، وفا علی، محمد ذیشان اور عبدالجبار گل شامل تھے۔
.ذریعہ: Jasarat News
پڑھیں:
ملک کے 20 سب سے زیادہ پسماندہ اضلاع کی فہرست جاری
اسلام آباد (ڈیلی پاکستان آن لائن) پاکستان پاپولیشن کونسل نے ملک کے 20 سب سے زیادہ پسماندہ اضلاع کی فہرست جاری کی ہے، جن میں سے 17 بلوچستان اور 2 خیبرپختونخوا سے تعلق رکھتے ہیں۔ رپورٹ کے مطابق بلوچستان اور سندھ بے روزگاری اور بلا معاوضہ مزدوری کے لحاظ سے سب سے آگے ہیں۔
نجی ٹی وی سماء کے مطابق فہرست میں شامل کمزور اضلاع میں واشک، خضدار، کوہلو، ژوب اور خیبرپختونخوا کا کوہستان بھی شامل ہے۔ رپورٹ کہتی ہے کہ صحت کی سہولیات تک رسائی کے معاملے میں بلوچستان اور کے پی سب سے زیادہ مشکلات کا شکار ہیں۔ کراچی میں تعلیمی اداروں کی تعداد سب سے زیادہ ہے، جبکہ بلوچستان اس حوالے سے بھی سب سے پیچھے ہے۔
کراچی کے عوامی پارکس کے تجارتی مقاصد کے استعمال کا کیس ،وفاقی آئینی عدالت نےحکم امتناع جاری کر دیا
رپورٹ کے مطابق دیگر پسماندہ اضلاع میں ماشکیل، ڈیرہ بگٹی، قلعہ سیف اللہ، قلات، تھرپارکر، شیرانی، جھل مگسی، نصیر آباد، آواران، خاران، شمالی وزیرستان اور پنجگور شامل ہیں۔
رپورٹ بتاتی ہے کہ کمزور گھروں میں 65 فیصد مکانات کچے یا عارضی ڈھانچوں پر مبنی ہیں۔ جھل مگسی میں یہ شرح 97 فیصد تک پہنچتی ہے۔ بلوچستان کے اکثر اضلاع میں سڑکوں، ٹرانسپورٹ اور ٹیلی کمیونی کیشن کی شدید کمی ہے، جس کے باعث ایمرجنسی رسپانس اور ترقیاتی سرگرمیاں بھی متاثر ہوتی ہیں۔
مزید یہ کہ روزگار کے لحاظ سے 20 میں سے 15 بدترین اضلاع بلوچستان میں پائے گئے۔ بلوچستان اور خیبرپختونخوا میں بے روزگاری اور بلا معاوضہ گھریلو مزدوری کی شرح سب سے زیادہ ہے۔ بہت سے دور دراز علاقوں میں سب سے قریبی صحت مرکز تک رسائی کے لیے 30 کلومیٹر سے زیادہ کا سفر درکار ہوتا ہے۔
انسانیت کیخلاف جرائم کے مقدمے میں سزائے موت، شیخ حسینہ واجد کا ردعمل آ گیا
تعلیم کے حوالے سے بھی صورتحال تشویشناک ہے۔ رپورٹ کے مطابق بلوچستان میں لڑکیوں کے لیے ہائی اور ہائر سیکنڈری اسکول تک فاصلہ ملک بھر میں سب سے زیادہ ہے۔ سندھ کا ضلع تھرپارکر آبادیاتی کمزوریوں کے لحاظ سے سب سے پیچھے ہے، جہاں زیادہ شرح پیدائش پہلے ہی محدود تعلیمی و صحت سہولیات پر مزید دباؤ ڈالتی ہے۔
مزید :
پاکستان کی ترقی و خوشحالی میں کسی رکاوٹ کو حائل نہیں ہونے دینگے، وزیراعظم