میرے بھائی کی وفات پر عمران خان اپنی سالگرہ کا جشن مناتے رہے، حفیظ اللہ نیازی نے پرانے راز بیان کردیے
اشاعت کی تاریخ: 25th, June 2025 GMT
معروف تجزیہ کار و کالم نگار حفیظ اللہ نیازی جو سابق وزیراعظم عمران خان کے کزن اور بہنوئی بھی ہیں ان کا کہنا ہے کہ جس وقت میرے بھائی جو کہ عمران خان کے کزن بھی تھے ان کا جنازہ گھر میں رکھا تھا، اس وقت عمران خان دھوم دھام سے اپنی سالگرہ منا رہے تھے کیونکہ ان کی سالگرہ بھی 5 اکتوبر کو ہوتی ہے جس دن میرے بھائی کا انتقال ہوا۔
حفیظ اللہ نیازی نے کہا کہ انہیں یہ سب دیکھ کر بہت افسوس ہوا لیکن عمران خان کو اس چیز کا احساس ہی نہیں ہے۔
ایک طرف میرے بھائی کا جنازہ تھا اور دوسری طرف خان صاحب دھوم دھام سے میوزک کے ساتھ اپنی سالگرہ منا رہے تھے دراصل خان صاحب میں احساس کرنے والی حس مر چکی ہے
حفیظ اللہ نیازی pic.
— Black tiger (@Ehsan39897046) June 23, 2025
یہ ویڈیو سوشل میڈیا پر وائرل ہوئی تو صارفین کی جانب سے اس پر مختلف تبصرے کیے گئے۔ ثمرین ادریس نے لکھا کہ انسانیت، احساس اور عمران خان متضاد الفاظ ہیں۔
انسانیت احساس اور عمران خان متضاد الفاظ ہیں ۔
— Samreen Idrees (@SamreenIdr58891) June 24, 2025
ایک ایکس صارف نے حفیظ اللہ نیازی کی بات کو جھٹلاتے ہوئے لکھا کہ جس بندے نے غریب عوام کے لیے کینسر ہسپتال بنایا کیا اس میں حس احساس نہیں ہے۔
جس بندے نے غریب عوام کیلئے کینسر ہسپتال بنایا اس میں حس احساس نہیں
اب بندہ ایسی جاہلانہ گفتگو پر کیا کہے
— امید سحر کی بات سنو (@Dil_Se_Pakistan) June 23, 2025
صحر انورد نامی صارف کا کہنا تھا کہ عمران خان کتنا خودغرض انسان ہے۔
عمران خان کتنا خودغرض اور خبیث انسان ھے۔ pic.twitter.com/6Klvq9FuIG
— صحرانورد (@Aadiiroy2) June 23, 2025
حافظ کامران بٹ نے حفیظ اللہ نیازی کو آڑے ہاتھوں لیتے ہوئے کہا کہ میرا ان سے اعتبار اٹھ گیا ہے کبھی عمران خان کے قصیدے پڑھنا شروع کر دیتے ہیں تو کبھی اسے زمین بوس کر دیتے ہیں۔
میرا تو حفیظ اللہ نیازی سے اعتبار اٹھ گیا ہے کبھی عمران کے قصیدے پڑھنا شروع کر دیتا تو کبھی اسے زمین بوس کر دیتا https://t.co/dUneogtltj
— HafizKamranbutt® (@Kamranbtt) June 24, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حفیظ اللہ نیازی عمران خان عمران خان سالگرہ
ذریعہ
ذریعہ: WE News
کلیدی لفظ: حفیظ اللہ نیازی عمران خان سالگرہ حفیظ اللہ نیازی میرے بھائی
پڑھیں:
یورپی یونین کا گوگل پر 89 کروڑ یورو جرمانہ، سرچ انجن پر اجارہ داری کے غلط استعمال کا الزام
یورپی یونین نے سرچ انجن کے شعبے میں مبینہ اجارہ داری کا غلط استعمال کرنے پر گوگل کے خلاف بڑا اقدام کرتے ہوئے کمپنی پر 89 کروڑ یورو (تقریباً ایک ارب امریکی ڈالر)کا جرمانہ عائد کر دیا ہے۔ یورپی کمیشن کا کہنا ہے کہ گوگل نے اپنی بالادست پوزیشن کا فائدہ اٹھاتے ہوئے حریف کمپنیوں کے ساتھ غیر منصفانہ رویہ اختیار کیا اور اپنی مختلف سروسز کو ناجائز برتری فراہم کی۔
یورپی کمیشن کی جانب سے جاری بیان کے مطابق گوگل نے سرچ انجن میں اپنی مضبوط پوزیشن استعمال کرتے ہوئے شاپنگ، ٹریول، گیمز اور دیگر سروسز کو سرچ نتائج میں نمایاں جگہ دی، جبکہ حریف کمپنیوں کی سروسز کو نیچے دکھایا گیا، جس سے منصفانہ مسابقت متاثر ہوئی۔
کمیشن نے کہا کہ یہ طرزِ عمل ڈیجیٹل مارکیٹس ایکٹ (Digital Markets Act) کی خلاف ورزی ہے، جس کے تحت بڑی ٹیکنالوجی کمپنیوں کو اپنی سروسز کے حق میں امتیازی یا جانبدارانہ رویہ اختیار کرنے کی اجازت نہیں۔
یورپی کمیشن نے گوگل پر یہ الزام بھی عائد کیا کہ کمپنی نے گوگل پلے اسٹور پر ایپ ڈویلپرز کو صارفین کو متبادل ادائیگی کے طریقوں سے آگاہ کرنے سے روکا، تاکہ گوگل کی سروس فیس برقرار رہے۔ کمیشن کے مطابق یہ عمل بھی ڈیجیٹل مارکیٹس ایکٹ کی خلاف ورزی کے زمرے میں آتا ہے، جس کا مقصد بڑی ٹیکنالوجی کمپنیوں کی اجارہ داری کو روکنا ہے۔
کمیشن نے گوگل کو ہدایت کی ہے کہ وہ 60 دن کے اندر فیصلے پر عملدرآمد کرے، بصورت دیگر کمپنی کو مزید جرمانوں کا سامنا کرنا پڑ سکتا ہے۔دوسری جانب گوگل نے فیصلے پر ردعمل دیتے ہوئے کہا ہے کہ یورپی کمیشن کے اس اقدام سے یورپی صارفین اور کاروباری اداروں کو نقصان پہنچ سکتا ہے۔
یہ پہلا موقع نہیں کہ یورپی یونین نے گوگل کے خلاف کارروائی کی ہو۔ 2018 میں اینڈرائیڈ آپریٹنگ سسٹم میں اجارہ داری کے الزام پر گوگل پر 4.7 ارب ڈالر کا جرمانہ عائد کیا گیا تھا، جبکہ 2017 میں سرچ انجن کے شعبے میں مسابقتی قوانین کی خلاف ورزی پر کمپنی کو 2.8 ارب ڈالر جرمانے کا سامنا کرنا پڑا تھا۔ بعد ازاں ان مقدمات میں گوگل کی اپیلیں بھی مسترد کر دی گئی تھیں۔
ماہرین کا کہنا ہے کہ تازہ کارروائی سے یورپی یونین اور امریکا کے درمیان تجارتی کشیدگی میں مزید اضافہ ہو سکتا ہے، کیونکہ امریکی انتظامیہ اس سے قبل یورپی یونین کی بعض تجارتی اور ڈیجیٹل پالیسیوں پر تحفظات کا اظہار کر چکی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار