پاک بنگلا دیش ٹی 20 سیریز کے شیڈول کا اعلان، میچز کب کھیلے جائیں گے؟
اشاعت کی تاریخ: 25th, June 2025 GMT
لاہور:بنگلادیش کے خلاف 3 ٹی 20 انٹرنیشنل میچز کی سیریز کے شیڈول کا اعلان کردیا گیا۔
بنگلہ دیش کرکٹ بورڈ نے پاکستان کے خلاف 3 ٹی 20 انٹرنیشنل میچوں کی سیریز کے شیڈول کا اعلان کر دیا، تینوں میچز کا میزبان ڈھاکا ہوگا۔
پاکستان کرکٹ ٹیم سیریز کھیلنے کے لیے 16 جولائی کو بنگلہ دیش جائے گی، سیریز کا پہلا میچ 20 جولائی کو ڈھاکا کے شیر بنگلہ نیشنل کرکٹ اسٹیڈیم میں کھیلا جائے گا، دوسرا ٹی 20 انٹرنیشنل میچ 22 جولائی کو کھیلا جائے گا جبکہ سیریز کا تیسرا اور آخری میچ 24 جولائی کو ڈھاکا میں کھیلا جائے گا۔
تینوں میچز بنگلادیش کے وقت کے مطابق شام 6 بجے (پاکستانی وقت کے مطابق شام 5 بجے) شروع ہوں گے۔
دونوں ٹیموں نے حال ہی میں لاہور کے قذافی اسٹیڈیم میں 3 میچوں کی ٹی20 سیریز میں مدمقابل آئیں تھی جہاں گرین شرٹس نے کلین سوئپ کیا تھا۔
ذریعہ: Daily Mumtaz
کلیدی لفظ: جولائی کو
پڑھیں:
بابر اعظم نے انٹرنیشنل کرکٹ میں 15 ہزار رنز مکمل کرلیے
پاکستان کے اسٹار بیٹر بابر اعظم نے ایک اور سنگ میل عبور کرتے ہوئے انٹرنیشنل کرکٹ میں 15 ہزار رنز مکمل کرلیے ہیں۔
بابر اعظم نے جنوبی افریقہ کے خلاف تیسرے ون ڈے میچ میں یہ کارنامہ انجام دیا۔ اس کامیابی کے ساتھ بابر اعظم انٹرنیشنل کرکٹ میں 15 ہزار رنز بنانے والے پانچویں پاکستانی کرکٹر بن گئے ہیں۔
بابر نے اپنے 15 ہزار رنز 370 انٹرنیشنل اننگز میں مکمل کیے، جو ایک شاندار کامیابی ہے۔ بابر سے قبل پاکستان کے عظیم کھلاڑیوں میں انضمام الحق (20,541)، یونس خان (17,790)، محمد یوسف (17,134) اور جاوید میانداد (16,213) نے یہ ریکارڈ بنایا تھا۔
بابر اعظم نے اپنے ٹیسٹ کیریئر میں 4,366 رنز، ٹی ٹوئنٹی انٹرنیشنل کرکٹ میں 4,302 رنز اور ون ڈے کرکٹ میں 6,330 سے زائد رنز بنائے ہیں۔ ان کے نام 31 سنچریاں اور 104 نصف سنچریاں بھی ہیں، جو ان کی شاندار بیٹنگ صلاحیتوں کا واضح اظہار ہیں۔
یہ کامیابی بابر اعظم کے لیے نہ صرف ایک ذاتی اعزاز ہے بلکہ پاکستانی کرکٹ کے لیے بھی فخر کا باعث ہے۔
ٹی ٹوئنٹی ورلڈ کپ کیلیے پاکستانی امیدوں کا چراغ پھر روشن ہونے لگا