پاکستان بمقابلہ بنگلادیش ٹی20 سیریز کا شیڈول جاری
اشاعت کی تاریخ: 25th, June 2025 GMT
پاکستان کرکٹ بورڈ نے بنگلادیش کے خلاف تین ٹی20 میچوں پر مشتمل سیریز کا شیڈول جاری کر دیا ہے۔
پی سی بی کی جانب سے جاری اعلامیے کے مطابق قومی ٹیم 16 جولائی کو بنگلادیش روانہ ہوگی جہاں وہ ڈھاکہ کے شیر بنگلہ نیشنل کرکٹ اسٹیڈیم میں تمام میچز کھیلے گی۔
یہ بھی پڑھیں: پاکستان بنگلہ دیش ٹی20 سیریز کا شیڈول طے، پہلا میچ 20 جولائی کو ہوگا
سیریز کا پہلا میچ 20 جولائی، دوسرا 22 جولائی اور تیسرا و آخری میچ 24 جولائی کو کھیلا جائے گا۔ تینوں میچز بنگلادیشی وقت کے مطابق شام 6 بجے جبکہ پاکستانی وقت کے مطابق شام 5 بجے شروع ہوں گے۔
واضح رہے کہ حالیہ دنوں دونوں ٹیموں کے درمیان لاہور میں 3 میچز کی ٹی20 سیریز کھیلی گئی تھی جس میں پاکستان نے شاندار کارکردگی کا مظاہرہ کرتے ہوئے کلین سوئپ کیا تھا۔
ویسٹ انڈیز سے ونڈے سیریز ٹی20 میں تبدیل کرنے کی تجویزدوسری جانب پاکستان کرکٹ بورڈ اور ویسٹ انڈیز کرکٹ بورڈ کے درمیان مجوزہ سیریز کے فارمیٹ پر بات چیت جاری ہے، پی سی بی نے ویسٹ انڈیز کو ون ڈے میچز کو ٹی20 میں تبدیل کرنے کی تجویز دی ہے، کیونکہ بورڈ کی ترجیح اس وقت ٹی20 ورلڈکپ اور ایشیا کپ کی تیاری ہے۔
یہ بھی پڑھیں: ویسٹ انڈیز کی خواتین کرکٹ ٹیم کا دورہ پاکستان، کب اور کہاں میچز کھیلے گی؟
یاد رہے کہ پاکستان اور ویسٹ انڈیز کے درمیان 3 ٹی20 میچز امریکا جبکہ 3 ون ڈے میچز ویسٹ انڈیز میں کھیلے جانے تھے۔ تاہم مجوزہ تبدیلی کی صورت میں یہ تمام میچز ٹی20 فارمیٹ میں ہوسکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بنگلہ دیش پاکستان پی سی بی ٹی 20سریز ونڈے ویسٹ انڈیز.
ذریعہ
ذریعہ: WE News
کلیدی لفظ: بنگلہ دیش پاکستان پی سی بی ٹی 20سریز ونڈے ویسٹ انڈیز ویسٹ انڈیز سیریز کا
پڑھیں:
تاریخی لارڈز کرکٹ گراؤنڈ سے ورلڈ ٹیسٹ چیمپئن شپ کے فائنل کی میزبانی واپس لے لی گئی
انٹرنیشنل کرکٹ کونسل (ICC) نے تصدیق کی ہے کہ آئندہ سال ہونے والے ورلڈ ٹیسٹ چیمپئن شپ کے فائنل کی میزبانی لارڈز کے بجائے لندن کے دی اوول کو سونپی گئی ہے۔
آئی سی سی کے مطابق ورلڈ ٹیسٹ چیمپئن شپ کا فائنل 9 جون سے 13 جون 2027 تک اوول میں کھیلا جائے گا۔
آئی سی سی نے گزشتہ سال اعلان کیا تھا کہ انگلینڈ کو 2027، 2029 اور 2031 کے ورلڈ ٹیسٹ چیمپئن شپ فائنلز کی میزبانی کے حقوق دیے گئے ہیں، جبکہ ہر ایڈیشن کے لیے میزبان گراؤنڈ کا انتخاب انگلینڈ اینڈ ویلز کرکٹ بورڈ خود کرے گا۔
خیال کیا جا رہا تھا کہ2027 ورلڈ ٹیسٹ چیمپئن شپ کا فائنل ممکنہ طور پر گزشتہ فائنل کی طرح تاریخی لارڈز کرکٹ گراؤنڈ میں ہوگا۔لیکن انگلینڈ کرکٹ بورڈ نے اس کے بجائے دی اوول میں فائنل کرانے کا فیصلہ کیا۔
مزیدپڑھیں:10 لاکھ تک بِلا سود قرضہ کیسے حاصل کریں؟ درخواست دینے کا طریقہ انتہائی آسان
رپورٹ کے مطابق اس فیصلے کی ایک بڑی وجہ لارڈز کی پچوں کے معیار پر خدشات ہیں۔
گزشتہ ماہ انگلینڈ اور نیوزی لینڈ کے درمیان ٹیسٹ میچ کی پچ کو غیر تسلی بخش قرار دیے جانے پر لارڈز کو پہلی بار آئی سی سی کی جانب سے ڈی میرٹ پوائنٹ دیا گیا تھا۔
یہ دوسرا موقع ہوگا کہ اوول ورلڈ ٹیسٹ چیمپئن شپ کے فائنل کی میزبانی کرے گا۔
اس سے قبل 2023 میں بھی فائنل اسی میدان میں کھیلا گیا تھا، جہاں آسٹریلیا نے بھارت کو شکست دے کر ورلڈ ٹیسٹ چیمپئن شپ کا ٹائٹل اپنے نام کیا تھا۔
بھارت سے جنگ اور افغانستان میں کارروائی خارج ازامکان نہیں، وزیردفاع