کس بھارتی فلم پر پابندی لگانے پر مریم اورنگزیب آج بھی افسردہ ہیں؟ صوبائی وزیر کا انکشاف
اشاعت کی تاریخ: 26th, June 2025 GMT
پنجاب کی سینئر وزیر مریم اورنگزیب کا کہنا ہے کہ انہیں بالی ووڈ کے مسٹر پرفیکشنسٹ عامر خان کی فلم ’دنگل‘ پر پابندی نہیں لگانی چاہیے تھی، اس پر پابندی لگا کر مجھے افسوس ہوا۔
سینئر صوبائی وزیر مریم اورنگزیب نے حال ہی میں اداکار عمر بٹ کے پوڈ کاسٹ میں شرکت کی جس میں انہوں نے مختلف موضوعات پر کھل کر بات کی۔ میزبان نے اس سے پوچھا کہ ایک سمجھوتا جس کے بارے میں آپ کو لگتا ہے کہ وہ نہیں کرنا چاہیے تھا وہ کون سا ہے جس کے جواب میں مریم اورنگزیب کا کہنا تھا کہ انہیں عامر خان کی فلم ’دنگل‘ پر پابندی نہیں لگانی چاہیے تھی۔
View this post on Instagram
A post shared by DIVA Magazine Pakistan (@divamagazinepakistan)
مریم اورنگزیب نے پروگرام میں بات کرتے ہوئے مزید کہا کہ میں نے ’دنگل‘ فلم نہیں دیکھی تھی اور اسی دن میں وزیر اطلاعات بنی تھی، فلموں پر تو پہلے سے پابندی عائد تھی پھر سینسر بورڈ کے ساتھ میٹنگ ہوئی اور انہوں نے چند وجوہات بتائیں جس کی بنا پر فلم پر پابندی لگنی چاہیے۔
انہوں نے مزید کہا کہ میں نے ڈیڑھ سال بعد فلم دیکھی تو تب سے مجھ پر یہ بوجھ ہے کہ اس پر پابندی نہیں لگانی چاہیے تھی۔
مسلم لیگ ن میں شمولیت کے حوالے سے بات کرتے ہوئے مریم اورنگزیب کا کہنا تھا کہ 2013 میں مریم نواز ان کے پاس آئیں اور آفر کی کہ اگر ہماری پارٹی الیکشن جیت گئی تو آپ ہمارے ساتھ کام کریں گی پھر جب پارٹی نے الیکشن جیت لیا تو میں نے پارٹی جوائن کر لی۔
سینیئر اداکار شکیل احمد سے اپنی ایک یادگار ملاقات کا ذکر کرتے ہوئے انہوں نے بتایا کہ وہ کراچی کے لیے سفر کر رہی تھیں اس وقت ان کا آپریشن ہوا تھا اور ان کی ٹانگ میں شدید تکلیف تھی، جس کی وجہ سے وہ مسلسل رو رہی تھیں۔ ان کی برابر والی نشست پر شکیل احمد بیٹھے ہوئے تھے انہوں نے پوچھا، ’بیٹا کیا ہوا؟‘ جس پر مریم اورنگزیب نے بتایا تو شکیل احمد نے کہا کہ بیٹا مایوسی کفر ہے اور یہ جملہ آج بھی انہیں یاد ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ عامر خان فلم دنگل مریم اورنگزیب.ذریعہ: WE News
کلیدی لفظ: بالی ووڈ فلم دنگل مریم اورنگزیب مریم اورنگزیب پر پابندی انہوں نے
پڑھیں:
سابق آسٹریلوی کرکٹر بریڈ ہیڈن کے دل کی سرجری کا انکشاف
سڈنی (سپورٹس ڈیسک)سابق آسٹریلوی کرکٹر بریڈ ہیڈن کے دل کی سرجری کا انکشاف ہوا ہے۔ انہوں نے اپنے ایک انٹرویو میں سرجری کے بارے میں بتایا۔
انٹرویو کے دوران انہوں نے انکشاف کیا کہ میں نے دل کے والو کی تبدیلی کے لیے سرجری کرائی ہے، میں ایک ہفتہ اسپتال میں رہا اس دوران دو دن آئی سی یو میں گزارے۔
بریڈ ہیڈن کا کہنا ہے کہ سرجنز اور ان کی ٹیم نے غیر معمولی کام کیا ہے، اب سب کچھ بہتر جا رہا ہے، جب دل کی سرجری ہو تو پھر آپ کو کچھ وقت احتیاط سے گزارنا ہوتا ہے۔
انہوں نے کہا کہ میں نے 6 ہفتے گھر پر گزارے لیکن کچھ نہ کرنے کا فائدہ نہیں ہوا، اب مجھے کام کرنا ہے تاکہ بتاؤں کہ سرجری کامیاب ہے۔
واضح رہے کہ 47 سالہ بریڈ ہیڈن کچھ عرصے سے منظر سے غائب تھے۔ انہوں نے 66 ٹیسٹ، 126 ون ڈے اور 34 ٹی ٹوئنٹی میچز میں آسٹریلیا کی نمائندگی کی ہے۔
Post Views: 1
کیلیفورنیامیں بھارتی انجینئر پولیس کی فائرنگ سے ہلاک