اسلام آباد میں گاڑی پر کھمبا گرنے سے 2 افراد جاں بحق، 2 زخمی
اشاعت کی تاریخ: 26th, June 2025 GMT
اسلام آباد:وفاقی دارالحکومت میں پیش آنے والے افسوسناک حادثے میں ایک گاڑی پر کھمبا گرنے سے دو افراد جاں بحق اور دو زخمی ہو گئے۔
ذرائع کے مطابق واقعہ شہر کے مصروف علاقے میں اس وقت پیش آیا جب ایک کھمبا اچانک گاڑی پر آ گرا۔ اطلاع ملتے ہی امدادی ٹیمیں فوری طور پر موقع پر پہنچ گئیں اور زخمیوں کو فوری طبی امداد کے لیے قریبی اسپتال منتقل کر دیا گیا، جبکہ جاں بحق افراد کی لاشیں بھی اسپتال منتقل کی گئیں۔
پولیس اور ریسکیو حکام نے موقع پر پہنچ کر شواہد اکٹھے کرنا شروع کر دیے ہیں، جبکہ حادثے کی وجہ جاننے کے لیے ابتدائی تحقیقات کا آغاز کر دیا گیا ہے۔
ذریعہ: Daily Mumtaz
پڑھیں:
حسن ابدال کے قریب مسافر بس حادثے کا شکار، خاتون جاں بحق، 25 افراد زخمی
کراچی سے باجوڑ جانے والی مسافر بس حسن ابدال میں موٹروے غازی انٹرچینج کے قریب الٹ گئی، جس کے نتیجے میں ایک خاتون جاں بحق جبکہ 25 افراد زخمی ہو گئے۔
ریسکیو ترجمان کے مطابق حادثے کے فوراً بعد امدادی کارروائیاں شروع کردی گئیں۔ زخمیوں کو ابتدائی طبی امداد کے بعد ٹی ایچ کیو اسپتال حسن ابدال منتقل کیا گیا، جبکہ جاں بحق خاتون کی لاش کو حضرو اسپتال بھیجا گیا۔
ٹی ایچ کیو اسپتال حسن ابدال کے ڈاکٹر جنید نے وی نیوز سے گفتگو میں بتایا کہ 10 زخمیوں کو اسپتال لایا گیا ہے۔ زخمیوں میں 7 سالہ علشبہ، 4 سالہ مریم، صائمہ، زونیشہ اور اریشہ شامل ہیں۔
انہوں نے بتایا کہ دیگر زخمیوں میں فیاض، عثمان علی، بلخدا، نصر اللہ اور وحید شامل ہیں۔ ریسکیو حکام کے مطابق 14 زخمیوں کو موقع پر ہی طبی امداد فراہم کی گئی تھی۔
ترجمان ریسکیو کا کہنا ہے کہ حادثے کی ممکنہ وجہ بارش کے دوران تیز رفتاری اور سڑک پر پھسلن ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews حادثہ حسن ابدال خاتون جاں بحق مسافر بس وی نیوز
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی