اب آپ اپنے خواب ویڈیو کی شکل میں ڈاکیومنٹ کرسکتے ہیں، جانیے کیسے؟
اشاعت کی تاریخ: 26th, June 2025 GMT
آپ نے خوابوں کو حقیقت میں بدلنے کا تو سنا ہوگا لیکن اب نیدرلینڈز کے ڈیزائن اور ٹیکنالوجی اسٹوڈیو موڈیم ورکس نے ایک ایسا انقلابی آلہ متعارف کرایا ہے جو مصنوعی ذہانت کے ذریعے انسانی خوابوں کو ویڈیو فلموں میں تبدیل کردیتا ہے۔
یہ بھی پڑھیں: گھرمیں بحری جہاز گھس آیا لیکن مالک بے خبر سوتا رہا
اس آلے کا نام ڈریم ریکارڈر ہے جو صرف بول کر سنائے گئے خواب کو سن کر ویڈیو میں ڈھالنے کی صلاحیت رکھتا ہے۔
ڈریم ریکارڈر ایسی اے آئی ویڈیوز تیار کرتا ہے جو اکثر خیالی اور غیر حقیقی مناظر پر مشتمل ہوتی ہیں، بالکل ویسے جیسے اصل خواب نظر آتے ہیں، بدلتے مناظر، غیر منطقی واقعات اور جذباتی دھند۔ کمپنی کے مطابق یہ آلہ خوابوں کے اس مبہم اور جذباتی تصور کو بالکل اسی انداز میں محفوظ کرتا ہے۔
آلہ کام کیسے کرتا ہے؟استعمال کنندہ کو صرف اپنا خواب کسی بھی زبان میں آلے میں بول کر سنانا ہوتا ہے۔ آلہ خود بخود اس کو تحریری شکل دیتا ہے اور چیٹ جی پی ٹی بھیج دیتا ہے جو ان خیالات کو ایک مکمل اور مربوط کہانی میں تبدیل کردیتا ہے۔
مزید پڑھیے: خاتون نے الیکٹرک ٹوتھ برش کی مدد سے دھوکے باز شوہر کو کیسے پکڑا؟
اس کے بعد لوما اے آئی اس کہانی کو خیالی ویڈیو میں بدل دیتا ہے جو خوابوں جیسا تاثر دیتی ہے۔
ڈیجیٹل خوابوں کی ڈائریڈریم ریکارڈر ہر خواب کی ویڈیو کو محفوظ کرتا ہے جسے صارف جب چاہے دوبارہ دیکھ سکتا ہے۔ یہ آلہ مکمل طور پر آف لائن کام کرتا ہے اور نہ ہی کسی فون، ایپ یا انٹرنیٹ کنکشن کی ضرورت ہوتی ہے۔ صارف کو اپنے خوابوں پر مکمل کنٹرول حاصل ہوتا ہے اور رازداری بھی محفوظ رہتی ہے۔
مزید پڑھیں: سینکڑوں کلومیٹرز مفت میں بری، بحری اور فضائی سفر کرنے والا سیہ بالآخر پکڑا گیا
موڈیم ورکس نے اس آلے کو اوپن سورس بنایا ہے یعنی اس کے سافٹ ویئر اور ہارڈویئر خاکے ہر کسی کے لیے دستیاب ہیں۔ کوئی بھی صارف اسے تھری ڈی پرنٹر کے ذریعے گھر پر تیار کر سکتا ہے۔ کمپنی نے آلے کے تمام پرزہ جات کی فہرست اور قیمتیں بھی فراہم کی ہیں۔
ڈریم ریکارڈر بنانے کے لیے درکار تمام پرزوں کی مجموعی لاگت تقریباً 285 یورو بنتی ہے (شپنگ اور ٹیکس کے بغیر) جبکہ ایک خواب کو فلم میں بدلنے کی اے آئی لاگت صرف 0.
یہ آلہ نائٹ اسٹینڈ پر رکھنے کے لیے تیار کیا گیا ہے جو مدھم روشنی کے ساتھ جدید انداز میں خوابوں کے محافظ ’ڈریم کیچر‘ کی یاد دلاتا ہے۔ ماڈیم ورکس نے سوشل میڈیا پلیٹ فارم ایکس پر اس آلے کی رونمائی کرتے ہوئے اسے خوابوں کی دنیا کا نیا دروازہ قرار دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اے آئی خواب کی ویڈیو خوابوں کا دروازہ ڈریم ریکارڈر مصنوعی ذہانت موڈیم ورکسذریعہ: WE News
کلیدی لفظ: اے ا ئی خواب کی ویڈیو خوابوں کا دروازہ ڈریم ریکارڈر مصنوعی ذہانت موڈیم ورکس ڈریم ریکارڈر کرتا ہے اے ا ئی کے لیے
پڑھیں:
جم جائے بغیر وزن کیسے کم کیا؟، بلاول بھٹو نے سارا پلان بتادیا
چیئرمین پیپلز پارٹی بلاول بھٹو زرداری نے گزشتہ چند عرصے میں اپنے وزن میں نمایاں کمی کرکے سوشل میڈیا صارفین کو حیرانی میں مبتلا کردیا تھا۔ کئی صارفین کا کہنا تھا کہ وہ اوزیمپک استعمال کر رہے ہیں، (یہ وہ دوا ہے جو عموماً ٹائپ 2 ذیابیطس کے مریضوں کو تجویز کی جاتی ہے اور وزن کم کرنے میں بھی معاون سمجھی جاتی ہے)۔
اب حال ہی میں صحافی رؤف کلاسرا نے بلاول بھٹو سے ان کے وزن میں کمی کے حوالے سے سوال کیا کہ لوگ اس حوالے سے جاننا چاہتے ہیں کہ آپ نے اپنا وزن کیسے کم کیا اور اس کے بارے میں کوئی ٹپس بھی دیں۔ اس کا جواب دیتے ہوئے بلاول بھٹو نے کہا کہ میری ورزش کرنے میں کوئی دلچسپی نہیں تھی لیکن میرے خاندان میں شوگر کا مسئلہ ہے جس کے بعد میں نے چیزوں کو سنجیدہ لینا شروع کر دیا۔
ڈائٹ پلان کے حوالے سے بات کرتے ہوئے ان کا کہنا تھا کہ میں کاربوہائڈریٹ اور چینی نہیں لیتا اور پروٹین زیادہ لیتا ہوں۔ سبزی اور دالوں کے ساتھ باجرے کی روٹی کھاتا ہوں۔ ان کا کہنا تھا کہ ایک دو سال سے میں سختی سے اس پر عمل کر رہا ہوں۔ بلاول نے کہا کہ پہلے میری ان چیزوں میں بالکل دلچسپی نہیں تھی کہ کیا کھانا کھا رہا ہوں اور جم کیا ہوتا ہے۔
There was a huge storm on social media recently as how @BBhuttoZardari dramatically transformed his personality and lost considerable weight.
Now in his first podcast with me, BBZ finally shares all secrets of interesting tricks he applied to take a new&pleasant shape.
Complete… pic.twitter.com/Or5TSyf1ZA
— Rauf Klasra (@KlasraRauf) June 25, 2025
صحافی نے ان سے مزید سوال کیا کہ آپ کے بارے میں میمز بھی بنائی جاتی ہیں تو کیا آپ انہیں انجوائے کرتے ہیں تو انہوں نے کہا کہ میں میمز نہیں دیکھتا ہاں کبھی کبھار کوئی چیز وائرل ہو جائے تو دوست احباب شیئر کر دیتے ہیں پھر دیکھ لیتا ہوں۔
واضح رہے اس سے قبل بھی بلاول بھٹو کی ایک ویڈیو وائرل ہوئی تھی جس میں ان سے وزن میں کمی کرنے کا طریقہ پوچھا گیا تھا جس کے جواب میں ان کا کہنا تھا کہ ’چینی اور روٹی کھانا بند کریں، ورزش کرنا اور جم جانا شروع کریں‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اوزیمپک بلاول بھٹو بلاول بھٹو وزن ڈائٹ
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی