یونیورسٹی آف سنٹرل پنجاب میں جاپانی زبان سے متعلق آگاہی سیمینار، دو سو سے زائد شرکاء کو جاپان میں کیریئر اپنانے کی ترغیب
اشاعت کی تاریخ: 27th, June 2025 GMT
لاہور: یونیورسٹی آف سنٹرل پنجاب (UCP)، لاہور میں “پاکستانی نوجوانوں کے لیے جاپانی زبان بطور کیریئر” کے عنوان سے ایک متحرک اور معلوماتی آگاہی سیمینار کامیابی سے منعقد ہوا۔ اس تقریب میں مختلف شعبہ جات سے تعلق رکھنے والے 200 سے زائد طلباء، اساتذہ اور پیشہ ور افراد نے پرجوش انداز میں شرکت کی، جو جاپان میں تعلیم اور ملازمت کے مواقع دریافت کرنے کے خواہاں تھے۔
یہ سیمینار “جاپان کیریئر پاتھ وے پروگرام” کے قومی فریم ورک کے تحت منعقد کیا گیا، جس کا مقصد پاکستانی نوجوانوں کو جاپانی زبان پر عبور، ثقافتی ہم آہنگی اور اسکالرشپس و ملازمت کے مواقع تک رسائی کے ذریعے پیشہ ورانہ ترقی کی جانب رہنمائی فراہم کرنا تھا۔
سیمینار میں نمایاں مقررین میں محترمہ ستارہ عارف (نیشنل ڈائریکٹر/ کنٹری ہیڈ – وفاقی وزارت تعلیم اور صدر، پاکستان جاپان سوشیو اکنامک ایسوسی ایشن PJSA)، جناب محمد بشارت (ایگزیکٹو ممبر PJSA) اور محترمہ سجل رحمن (ہیڈ کارپوریٹ کوآرڈینیٹر) شامل تھیں، جنہوں نے آئی ٹی، صحت، ہوٹلنگ اور انجینئرنگ جیسے شعبوں میں جاپانی زبان پر عبور رکھنے والے ماہرین کی بڑھتی ہوئی مانگ پر روشنی ڈالی۔
پی جے ایس اےنے اپنی کاوشوں کو جاری رکھتے ہوئے خواتین طلباء اور ٹرینرز کے لیے خصوصی مراعات متعارف کرانے کا اعلان کیا، تاکہ جاپانی زبان کی تعلیم کے ذریعے خواتین کو بااختیار بنایا جا سکے اور انہیں بین الاقوامی سطح پر کیریئر کے مواقع تک رسائی دی جا سکے۔ شرکاء کو “MEXT اسکالرشپ”، “JLPT (جاپانی زبان مہارت کا امتحانی نظام)”، اور “جاپان کلچرل انڈراسٹینڈنگز” جیسے اہم مواقع سے بھی آگاہ کیا گیا۔
محترمہ ستارہ عارف نے “JASSO” اسکالرشپ سمیت خواتین کے لیے متعدد سہولیات کا تعارف کرواتے ہوئے کہا کہ جاپان نہ صرف سب سے زیادہ سیکیورٹی فراہم کرنے والا ملک ہے بلکہ سماجی احترام کے اعتبار سے بھی منفرد حیثیت رکھتا ہے۔ انہوں نے خواتین کو بھرپور انداز میں جاپانی زبان سیکھ کر کیریئر اپنانے کی ترغیب دی۔
مقررین نے اس بات پر زور دیا کہ جاپانی ثقافت سے ہم آہنگی اور زبان پر مہارت، جاپان میں باوقار ملازمت اور اعلیٰ تعلیم کے دروازے کھولنے کی کلید ہے۔
اپنے کلیدی خطاب میں پروفیسر ڈاکٹر خالد منظور بٹ، ڈین فیکلٹی آف ہیومینیٹیز اینڈ سوشل سائنسز، UCP نے عالمی کیریئر منظرنامے میں جاپان کی اسٹریٹجک اہمیت پر زور دیتے ہوئے کہا:
“آپ اپنی زندگی کے 14 سال تعلیم میں لگا چکے ہیں، اب اگر صرف 6 سے 8 ماہ جاپانی زبان اور متعلقہ مہارتیں سیکھنے پر توجہ دیں تو آپ کا مستقبل مکمل طور پر بدل سکتا ہے۔”
محترمہ ستارہ عارف نے اپنے پُرجوش خطاب میں طلباء کو جاپان کو صرف ایک منزل نہیں بلکہ خود کو دریافت کرنے کا ذریعہ قرار دیا:
“جاپان دنیا کے مہذب ترین ممالک میں سے ایک ہے۔ اگر آپ عزم کے ساتھ آگے بڑھیں تو صرف بہتر آمدنی اور منظم زندگی ہی نہیں، بلکہ ذاتی نشوونما، سکون اور ایک باوقار زندگی بھی حاصل کر سکتے ہیں۔ جاپان وہ جگہ ہے جہاں آپ حقیقتاً اپنے آپ سے ملاقات کریں گے۔”
سیمینار کا اختتام شرکاء کے لیے بھرپور نیٹ ورکنگ کے مواقع اور PJSA، جاپان کے سفارتخانہ (اسلام آباد) اور وفاقی وزارت تعلیم، حکومتِ پاکستان کے اشتراک سے مستقبل میں منعقد ہونے والے تربیتی پروگراموں اور سیمینارز میں شرکت کی دعوت کے ساتھ ہوا۔
Post Views: 4.
ذریعہ
ذریعہ: Daily Mumtaz
پڑھیں:
مٹی کا طوفان ، تیز بارش,2خواتین سمیت5 افراد جاں بحق
ویب ڈیسک :سندھ کے مختلف اضلاع میں مٹی کے طوفان اور تیز بارشوں کے نتیجے میں 2خواتین سمیت5 افراد جاں بحق اور 150سے زائد زخمی ہوگئے۔
نوابشاہ میں مٹی کے طوفان اور تیز بارش سے تباہی مچ گئی اور 2خواتین سمیت 5 افراد جاں بحق جبکہ 70 سے زائد افراد زخمی ہو گئے، ایم ایس یا محمد جمالی کے مطابق پیپلز میڈیکل اسپتال میں ایمرجنسی نافذ کر دی گئی جبکہ ڈاکٹروں اور اضافی عملے کو طلب کر لیا گیا ہے،جاں بحق افراد میں عمیر عباسی، افضل پلی اورچنیسر مھر سمیت دو خواتین بھی شامل ہیں۔سائن بورڈز، سولر پینلز، ٹرانسفارمرز، بجلی کی تاریں اور درخت گرنے کے واقعات بھی رپورٹ ہوئے ہیں۔
خیرپور ناتھن شاہ میں بھی طوفان کے باعث درجن سے زائد افراد زخمی ہوگئے،شاہ رحمت اللہ کالونی میں دیوار گرنے سے خاتون سمیت دو بچے شدید زخمی ہوگئے جنہیں تشویشناک حالت میں اسپتال منتقل کیا گیا، نواحی گاؤں دودو لغاری میں بھی دیوار گرنے سے خدابخش لغاری شدید زخمی ہوگئے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
لاڑکانہ میں گزشتہ رات طوفانی بارش کے باعث بجلی کی 132 کے وی مین سپلائی کے ٹاور گرنے سے بجلی کی سپلائی معطل ہوگئی،132 کے وی ٹرانسمیشن کی سپلائی معطل ہونے سے لاڑکانہ ضلع کی بھی بجلی بندہوگئی،سیپکوانتظامیہ کے مطابق بجلی ٹاورز کی مرمت کا کام جاری ہے اورجلد از جلد بجلی فراہم کردی جائیگی۔
دادوشہر اور مضافاتی علاقوں میں بھی طوفانی ہواؤں سے بڑے پیمانے پر حادثات کے باعث مزید ایک سو سے زائد افراد زخمی ہوگئے جنہیں ڈی ایچ کیو اسپتال دادو منتقل کردیاگیاجہاں انہیں طبی امداد دی جارہی ہے۔ڈاکٹر عتیق الرحمان کے مطابق سٹی بلاک میں 60 سے زائد زخمی لائے گئے ہیں جبکہ ڈاکٹر اکاش عباسی کے مطابق نیو ڈی ایچ کیو ہسپتال میں 50 سے زائد زخمی لائے گئے،جہاں تمام زخمیوں کو طبی امدادی دی جارہی ہے،متعدد زخمیوں کو ہسپتال میں داخل کیا گیا ہے، جبکہ تین زخمیوں کو حالت تشویشناک ہونے پر سیہون ریفر کیا گیا ہے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ