رقت آمیز دعا کے ساتھ رائیونڈ اجتماع کا پہلا مرحلہ ختم، شرکاء گڑگڑاتے رہے، ہچکیاں بندھ گئیں
اشاعت کی تاریخ: 10th, November 2025 GMT
رائے ونڈ (این این آئی) عالمی تبلیغی اجتماع کا پہلا مرحلہ اجتماعی دعا کے ساتھ اختتام پذیر ہوگیا۔ رقت آمیز دعا کے دوران مجمع میں سناٹا چھا گیا ۔ شرکاء کی ہچکیاں بند ھ گئیں۔ اختتامی دعا سے قبل لاکھوں کے مجمع سے خطاب کرتے ہوئے مولانا عبید اللہ خورشید نے کہا کہ دعوت و تبلیغ کے ذریعے مسلمانوں کی زندگیوں میں تبدیلی کے لئے کاوشیں کرنی چاہئیں۔ مساجد کو آباد کرنا ہوگا۔ مساجد کی آباد کاری بہت بڑا عمل ہے۔ مسجد میں جانے کا مقصد نمازیوں کے حالات جاننا ہے، اجتماعی زندگی سکھانا اور سیکھنا ہے۔ خدمت میں میانہ روی کو اختیار کرنا ہے۔ ختم نبوت کی وجہ سے دعوت ہمارے ذمہ لگ گئی ہے۔ ہر بستی، ہر گھر سے دین کی سرفرازی اور سربلندی کے لیے نکلنا ہوگا۔ مولانا ابراہیم دیولا نے کہا کہ اللہ کریم اپنی شان دیکھ کر عطا فرماتے ہیں۔ مخلوق پیدا کرنے کی حکمت یہی ہے مخلوق پر اپنا کرم کرنا ہے۔ روزی کون دیتا ہے۔ اللہ نے اپنے کرم کا اظہار کرنے کیلئے مخلوق پیدا کی تاکہ وہ اللہ سے مانگے، جو بندہ اللہ سے مانگے وہ پسندیدہ ہے۔ اللہ تعالیٰ فرماتا ہے کہ مجھے پکارو میں جواب دوں گا، تمہاری دعائیں قبول کروں گا۔ انبیاء کرام دعوت دیتے تھے اور دعا مانگتے تھے، مانگنا اور مانگنا سکھایا۔ دعائیں رد نہیں ہوتیں، محفوظ ہوتی ہیں۔ اللہ نے دعا قبول کرنے کا وعدہ کیا ہے۔ ہر موقع پر نبی کریمﷺ نے دعائیں سکھائی ہیں۔
.ذریعہ: Nawaiwaqt
پڑھیں:
ہائیکورٹ نے سندھ کے چڑیا گھروں کے مرحلہ وار خاتمے کیلئے کمیٹی بنادی
سندھ ہائیکورٹ نے صوبے کے چڑیا گھروں کو مرحلہ وار ختم کرنے کے لیے اعلیٰ سطح کی کمیٹی بنادی۔
سندھ ہائی کورٹ کے دورکنی بینچ نے کراچی چڑیا گھر سے مادہ ریچھ رانو کی منتقلی کا کیس کا تحریری حکم نامہ جاری کردیا۔
عدالت نے سندھ بھر کے چڑیا گھروں کو مرحلہ وار ختم کرنے سے متعلق اعلیٰ سطح کمیٹی قائم کردی اور کہا کہ چڑیا گھروں کے مرحلہ وار خاتمے سے متعلق تجاویز دی جائیں۔
تحریری حکم نامے میں مزید کہا گیا ہے کہ کنزرویٹر جنگلی حیات جاوید مہر نے اعلیٰ سطحی کمیٹی کی تشکیل کی تجویز دی ہے۔ کمیٹی کو متعلقہ شعبے سے ماہرین کی معاونت حاصل کرنے کا اختیار ہوگا اور کمیٹی صوبے بھر کے چڑیا گھروں کا دورہ کرکے بہتری کی تجاویز دے گی۔
عدالت نے کیس کی آئندہ سماعت 21 نومبر تک ملتوی کردی۔
27ویں آئینی ترمیم پر تمام صوبوں کو اعتماد میں لینا ضروری ہے: بیرسٹر سیف