کسی بھی رکن کی تقریر کا کوئی لفظ یا اقتباس حذف صرف اور صرف سپیکر یا چیئر کو حاصل ہے، سپیکر قومی اسمبلی
اشاعت کی تاریخ: 27th, June 2025 GMT
اسلام آباد (اُردو پوائنٹ اخبارتازہ ترین - این این آئی۔ 27 جون2025ء)سپیکر قومی اسمبلی سردار ایاز صادق نے کہا ہے کہ کسی بھی رکن کی تقریر کا کوئی لفظ یا اقتباس حذف صرف اور صرف سپیکر یا چیئر کو حاصل ہے، اپوزیشن کے کسی رکن کا پروڈکشن آرڈر ایک گھنٹہ بھی تاخیر سے جاری نہیں ہوا۔
(جاری ہے)
جمعہ کو قومی اسمبلی کے اجلاس کے آغاز پر قائد حزب اختلاف عمر ایوب خان، سابق سپیکر اسد قیصر اور بیرسٹر گوہر علی خان کی طرف سے اٹھائے گئے نکات کا جواب دیتے ہوئے انہوں نے قومی اسمبلی کے قواعد و ضوابط کے قاعدہ 284 کا حوالہ دیتے ہوئے کہا کہ کسی تقریر کا کوئی لفظ یا اقتباس حذف کرنے کا اختیار صرف اور صرف سپیکر یا چیئر کو حاصل ہے اس کے علاوہ قومی اسمبلی سیکرٹریٹ کے عملے میں سے کوئی بھی ایسا نہیں کر سکتا۔
پروڈکشن آرڈرز کے حوالے سے بات کرتے ہوئے انہوں نے کہا کہ سپیکر کی کرسی کی اصل طاقت ایوان کے ارکان ہیں، کسی بھی رکن کے پروڈکشن آرڈر کے اجراء میں ایک گھنٹہ بھی تاخیر نہیں ہوئی۔ اس کے بعد اپوزیشن ارکان نے ایوان میں نعرے بازی شروع کر دی۔ سپیکر ڈائس کے سامنے احتجاج کیا اور بجٹ دستاویزات پھینکیں، اس دوران وزیر خزانہ سینیٹر محمد اورنگزیب نے ایوان میں ضمنی مطالبات زر منظوری کیلئے پیش کئے۔.ذریعہ: UrduPoint
کلیدی لفظ: تلاش کیجئے قومی اسمبلی
پڑھیں:
تقریر کے دوران پرومٹر کی بندش؛ ٹرمپ نے اقوام متحدہ میں پیش آئے واقعے کو اپنے خلاف سازش قرار دے دیا
امریکی صدر ڈونلڈ ٹرمپ نے منگل کو اقوام متحدہ میں پیش آئے واقعے کو اپنے خلاف سازش قرار دے دیا ہے۔
ڈونلڈ ٹرمپ کی تقریر کے دوران ٹیلی پرومٹر بند ہوا تھا اور ٹرمپ اور میلانیا کے جاتے ہی ایسکلیٹر بھی بند ہوگیا تھا۔ ہال میں بھی لوگوں کو ٹرمپ کی آواز نہیں سنائی دی تھی۔
امریکی صدر ڈونلڈ ٹرمپ نے اقوام متحدہ سے تحقیقات کا مطالبہ کرتے ہوئے کہا ہے کہ یہ میرے خلاف سازش ہے۔ تمام سیکریٹس ٹیپس کو محفوظ کردیا جائے۔
صدر ٹرمپ کا کہنا تھا کہ سیکریٹس سروس کو ٹاسک سونپا جارہا ہے۔ اقوام متحدہ کی انتظامیہ کو شرم آنی چاہئے۔
ٹرمپ نے اپنے سوشل میڈیا پلیٹ فارم، ٹروتھ سوشل پر ایک پوسٹ میں لکھا کہ، ”کل اقوام متحدہ میں ایک حقیقی شرمناک واقعہ پیش آیا نہ ایک، نہ دو، بلکہ تین بہت ہی مشکوک واقعات!“
ان کا کہنا تھا کہ، ”یہ کوئی اتفاق نہیں تھا، بلکہ یہ اقوام متحدہ میں میرے خلاف تین گنا سازش تھی۔“
ٹرمپ نے یہ پوسٹ اقوام متحدہ کے سیکریٹری جنرل کو بھی بھیجنے کا اعلان کیا، اور ان سے تحقیقات کا مطالبہ کیا۔
ان کا کہنا تھا کہ منگل کے روز وہ اور خاتون اول میلانیا ٹرمپ اقوام متحدہ میں خطاب کے لیے روانہ ہو رہے تھے کہ ایکسیلیٹر اچانک رک گیا، جس سے ان کا سفر متاثر ہوا۔
ٹرمپ نے لکھا، “یہ اچانک رک گیا تھا۔ یہ حیرت کی بات ہے کہ میلانیا اور میں اس پر گرے نہیں، کیونکہ اگر ہم دونوں نے ریلنگ نہ پکڑی ہوتی تو حادثہ پیش آسکتا تھا۔
امریکی صدر کا کہنا تھا کہ، ”تمام سیکیورٹی کیمرے کی ویڈیوز محفوظ کی جائیں، خاص طور پر ایمرجنسی اسٹاپ بٹن کا ڈیٹا، سیکیورٹی سروس اس میں ملوث ہے۔“
بعد ازاں ٹرمپ کے ٹیلی پرامپٹر میں خرابی آنے کے باعث تقریر کے پہلے حصے کے دوران وہ کاغذ سے پڑھنے پر مجبور ہوئے۔
ٹرمپ نے اس موقع پر لکھا کہ، ”اچھی بات یہ ہے کہ میری تقریر کو شاندار ردعمل ملا۔ شاید لوگوں نے اس بات کی قدر کی کہ بہت کم لوگ وہ کام کر پائے جو میں نے کیا ہے۔“
تاہم، صدر نے افسوس کے ساتھ کہا کہ تقریر کے دوران کچھ لوگوں کے لیے آواز مکمل طور پر بند ہوگئی۔ ”عالمی رہنماؤں کو، جب تک کہ انہوں نے مترجم کے ایئر پیسز استعمال نہ کیے ہوں، کچھ بھی سنائی نہیں دیا۔“
صدر ٹرمپ نے یہ بھی بتایا کہ جب تقریر کے بعد جب وہ میلانیا سے ملے تو انہوں نے پوچھا، “ میری تقریر کیسی تھی؟ جس پر ان کہ اہلیہ نے جواب دیا کہ میں نے ایک لفظ بھی نہیں سنا۔
اقوام متحدہ کے ایک افسر نے منگل کو ایسوسی ایٹڈ پریس کو بتایا کہ ٹرمپ کے ساتھ سفر کرنے والے ایک شخص نے غلطی سے ایکسیلیٹر کا اسٹاپ بٹن دبا دیا تھا۔
ٹرمپ کی پوسٹ میں یہ بھی ذکر کیا گیا کہ برطانوی اخبار ”دی ٹائمز“ نے گزشتہ ہفتے رپورٹ کیا تھا کہ اقوام متحدہ کے ملازمین ”اسکلیٹر کو بند کرنے کا مذاق اُڑا رہے تھے“۔
ٹرمپ نے اس پر غصے کا اظہار کرتے ہوئے کہا کہ جن لوگوں نے یہ کیا وہ گرفتار ہونے چاہئیں۔
Post Views: 1
غزہ کو مٹی کا ڈھیر بنانے کا اصل مقصد کیا ہے؟ عبرانی اخبار نے فاش کر دیا