صنم بلوچ کی جھلک نے مداحوں کے دل جیت لیے، اسکرین پر واپسی کا مطالبہ
اشاعت کی تاریخ: 27th, June 2025 GMT
کراچی(شوبز ڈیسک)پاکستان شوبز کی مشہور اداکارہ اور میزبان صنم بلوچ، جو طویل عرصے سے اسکرین سے دور ہیں، حال ہی میں ایک تقریب میں نظر آئیں جس کی ویڈیو سامنے آتے ہی مداحوں میں خوشی کی لہر دوڑ گئی۔
صنم بلوچ، جو ”داستان“، ”دُرِ شہوار“، ”کنکر“ اور ”اکبری اصغری“ جیسے مشہور ڈراموں کا حصہ رہ چکی ہیں، کئی سالوں سے اسکرین سے دور ہیں۔
شادی اور خاندانی زندگی کو وقت دینے کے بعد وہ شوبز سے پیچھے ہٹ گئیں اور اب بہت کم ہی کسی عوامی تقریب میں نظر آتی ہیں۔
مگر حال ہی میں وہ ایک تھیٹر ڈرامے میں شریک ہوئیں، جہاں اُنہیں ہنستے اور خوشی سے شو دیکھتے ہوئے دیکھا گیا۔ سوشل میڈیا پر جب یہ ویڈیو سامنے آئی تو مداحوں کے دل خوش ہو گئے۔
View this post on InstagramA post shared by JawwadMushtaq (@jawwadmushtaqfilms)
صنم بلوچ کو دیکھ کر سوشل میڈیا پر مداحوں نے اپنے جذبات کا اظہار کیا۔
کسی نے کہا، ”کتنے عرصے بعد صنم بلوچ کو دیکھا، دل خوش ہو گیا“، تو کسی نے التجا کی، ”صنم، براہِ مہربانی دوبارہ ڈراموں میں آئیں۔“
مداحوں کا کہنا ہے کہ وہ آج بھی ویسی ہی خوبصورت اور باوقار نظر آتی ہیں جیسے پہلے تھیں۔ اس ایک جھلک نے اُن کے چاہنے والوں کو اُن کی یاد دلا دی ہے۔
اگرچہ صنم بلوچ کی طرف سےڈراموں میں واپسی کا کوئی عندیہ نہیں دیا گیا مگر مداح پرامید ہیں کہ شاید وہ ایک بار پھر اسکرین پر دکھائی دیں گی۔
مزیدپڑھیں:پنجاب حکومت کا ترقیاتی منصوبوں پر سخت اسکروٹنی کا فیصلہ
ذریعہ: Daily Ausaf
کلیدی لفظ: صنم بلوچ
پڑھیں:
سیلاب کی تباہ کاریاں: راستے بحالی کا عمل سست، متاثرین کو گھر واپسی میں مشکلات کا سامنا
سٹی42: پنجاب میں تاریخ کے بدترین سیلاب کے اثرات اب تک مکمل طور پر ختم نہیں ہو سکے۔ کئی علاقوں میں تاحال پانی کھڑا ہے جس کے باعث بحالی کے کاموں میں تاخیر ہو رہی ہے اور متاثرہ افراد کو گھروں کو واپس جانے میں شدید مشکلات کا سامنا ہے۔ احمد پور شرقیہ اور اوچ شریف میں سینکڑوں گھر تباہ ہو چکے ہیں جبکہ ہزاروں ایکڑ پر کھڑی فصلیں پانی میں ڈوب چکی ہیں۔ باغات، تعلیمی ادارے، سڑکیں اور دیگر بنیادی ڈھانچے کو بھی شدید نقصان پہنچا ہے۔
اسلام آباد میں پراپرٹی ٹیکس میں اضافے کا نوٹیفکیشن کالعدم قرار
اگرچہ پانی کی سطح میں کچھ کمی آئی ہے، تاہم متاثرہ علاقوں میں جگہ جگہ پڑے شگاف اب تک بند نہیں کیے جا سکے۔ راستے بند ہونے کے باعث متاثرین کی واپسی ممکن نہیں ہو رہی اور روزمرہ ضروریات کی اشیاء تک رسائی بھی دشوار ہو گئی ہے۔ کئی متاثرین مویشیوں کے لیے چارے کی قلت کا شکار ہیں، جبکہ جن کے مکانات منہدم ہو چکے ہیں وہ ٹینٹ نہ ملنے کے باعث کھلے آسمان تلے زندگی گزارنے پر مجبور ہیں۔ متاثرین نے خوراک، راشن اور جانوروں کے لیے ونڈا و چارہ فراہم کرنے کا مطالبہ کیا ہے۔
توشہ خانہ ٹو کیس:بانی پی ٹی آئی اور بشریٰ بی بی کی بریت کی درخواستوں پر سماعت 7 اکتوبر کو مقرر
دوسری جانب دریائے سندھ میں کوٹری بیراج پر درمیانے درجے کی سیلابی صورتحال بدستور قائم ہے۔ پانی کی آمد میں اضافہ ہوا ہے اور بہاؤ 4 لاکھ 7 ہزار کیوسک تک پہنچ گیا ہے۔ ٹھٹھہ میں یار محمد منچھر سمیت کئی کچے کے دیہات زیر آب آ گئے ہیں، جس کے باعث مقامی افراد نے قریبی بندوں کی طرف نقل مکانی شروع کر دی ہے۔ کئی لوگ اب بھی حکومتی امداد کے منتظر ہیں۔
نواب شاہ اور مٹیاری میں بھی کچے کے علاقے پانی میں ڈوبے ہوئے ہیں۔ ہالہ کے دیہاتوں سے لوگ کشتیوں کے ذریعے اپنی مدد آپ کے تحت محفوظ مقامات کی طرف جا رہے ہیں۔ گڈو اور سکھر بیراج پر پانی کے بہاؤ میں بتدریج کمی آ رہی ہے، تاہم صورتحال مکمل طور پر معمول پر نہیں آئی۔
ایشیا کپ T20: پاکستان اور بنگلادیش کا فیصلہ کن مقابلہ آج ہوگا
پنجاب میں دریاؤں کی مجموعی صورتحال نسبتاً بہتر ہو چکی ہے۔ جلال پور پیر والا میں سیلابی پانی کے اترنے کے بعد 5 افراد کی لاشیں ملی ہیں۔ کبیر والا میں دریائے راوی اور چناب کے پانی کا دباؤ کم ہوا ہے۔ فلڈ فورکاسٹنگ ڈویژن لاہور کے مطابق، دریائے ستلج میں بھی کئی ہفتوں بعد پانی کا زور ٹوٹ گیا ہے۔ گنڈا سنگھ والا اور ہیڈ سلیمانکی پر پانی کا بہاؤ معمول پر آ چکا ہے، جبکہ صرف ہیڈ اسلام پر نچلے درجے کا سیلاب باقی ہے اور یہاں بھی پانی کی سطح میں کمی واقع ہو رہی ہے۔
انٹرنیٹ پر ذاتی ڈیٹا محفوظ بنانے کا آسان طریقہ
پاک سعودی معاہدہ معرکہ حق کی مرہون منت ہے، معاشی ثمرات بھی سامنے آئیں گے، خواجہ آصف